Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Պետրովկա բնակավայրում կվերանորոգվի հանդիսությունների սրահը 08.06.2020
Սուբվենցիոն միջոցներով՝ պետություն-համայնք համատեղ ներդրմամբ այս տարի իրականացվող Սարչապետ համայնքի «Պետրովկա բնակավայրում հանդիսությունների սրահի վերանորոգում» ծրագրի ընդհանուր բյուջեն` նախահաշվային արժեքով, կազմում է 23.243.200 դրամ, որից մոտ 13.945.920 դրամը` համայնքային ներդրումն է: Ծրագրի իրականացման արդյունքում նախատեսվում է շուրջ 110 քառ. մետր շենքի և 25 քառ. մետր օժանդակ շինության վերանորոգում: Ծրագրի շահառու են բնակավայրի 64 տնային տնտեսությունները` շուրջ 282 մարդ:
Սուբվենցիոն միջոցներով կվերանորոգվի Նորաշեն բնակավայրի մշակույթի տան դահլիճը 08.06.2020
Մարզում այս տարի սուբվենիցոն միջոցներով կիրականացվի նաև «Նորաշեն բնակավայրի մշակույթի տան դահլիճի վերանորոգում» ծրագիրը: Ծրագրի ընդհանուր բյուջեն` նախահաշվային արժեքով, կազմում է 25.412.732 դրամ, որից մոտ 15.247.639 դրամը` համայնքային ներդրումն է: Ծրագրի իրականացման արդյունքում նախատեսվում է մշակույթի տան շուրջ 215 քառ. մետր մակերեսով դահլիճի վերանորոգում: Վերջինս կնպաստի պարի և մշակութային այլ խմբակների ստեղծմանը, ինչպես նաև հնարավորություն կտա հավուր պատշաճի անցկացնել միջոցառումները: Ծրագրի շահառու են բնակավայրի բոլոր բնակիչները` շուրջ 1550 մարդ:
ՄԱՐԶԻ ՂԵԿԱՎԱՐԸ ՍՊԻՏԱԿԻ ՏԱՐԱԾԱՇՐՋԱՆՈՒՄ ԾԱՆՈԹԱՑԱՎ ԻՐԱԿԱՆԱՑՎՈՂ ՇԻՆԱՇԽԱՏԱՆՔՆԵՐԻՆ 08.06.2020
Լոռու մարզպետ Անդրեյ Ղուկասյանը եղավ Սպիտակի տարածաշրջանի Ջրաշեն, Մեծ Պարնի, Ծաղկաբեր համայնքներում՝ ծանոթանալով պետական միջոցներով և պետություն –համայնք համատեղ ներդրմամբ 2019թ. իրականացված շինարարական աշխատանքներին: Առաջին կանգառը Ծաղկաբեր համայնքում էր: Այստեղ ավարտական փուլում է Մ7 - Մեծ Պարնի - Ծաղկաբեր 6.24 կմ երկարությամբ ճանապարհահատվածի հիմնանորոգումը: Ծրագրի պայմանագրային արժեքը 656 մլն դրամ է: Կապալառու կազմակերպությունն է «Ճանապարհ» ՍՊԸ-ն: Ծրագիրն իրականացվում է Համաշխարհային բանկի ֆինանսավորմամբ և պետբյուջեի համաֆինանսավորմամբ: Մարզի ղեկավարն ընդհանուր առմամբ իր գոհունակությունը հայտնեց կատարված աշխատանքներից՝ նշելով, սակայն, որ վերջնական եզրակացությունը կտրվի լաբորատոր հետազոտության արդյունքում: Նա որոշակի դիտարկումներ արեց մայթեզրերի հետ կապված՝ հորդորելով շտկել թերությունները:
Այսօր Լոռու մարզպետ Անդրեյ Ղուկասյանն անցկացրեց հերթական աշխատանքային խորհրդակցությունը փոխմարզպետ Գայանե Մարկոսյանի, մարզպետարանի կառուցվածքային ստորաբաժանումների ղեկավարերի, մարզպետարանի այլ պատասխանատու պաշտոնյաների մասնակցությամբ: Մինչ օրակարգային հարցերին անցնելը, մարզի ղեկավարը ներկայացրեց մարզպետարանի գյուղատնտեսության և բնապահպանության վարչության նորանշանակ պետ Արուս Թումանյանին՝ մաղթելով նրան աշխատանքային հաջողություններ: Խորհրդակցության ընթացքում փոխմարզպետ Գայանե Մարկոսյանը և կառուցվածքային ստորաբաժանումների ղեկավարները տեղեկատվություն ներկայացրեցին մարզպետ Անդրեյ Ղուկասյանի կողմից տրված հանձնարարականների, ինչպես նաև նախորդ շաբաթվա ընթացքում կատարված աշխատանքների վերաբերյալ:
Ախթալա և Շամլուղ բնակավայրերում կվերանորոգվի թվով 4 բազմաբնակարան շենքի տանիք 08.06.2020
Ախթալա համայնքում այս տարի սուբվենցիոն միջոցներով իրականացվելիք «Բազմաբնակարան շենքերի տանիքների վերանորոգում» ծրագրի շահառու է հանդիսանում Շամլուղ և Ախթալա բնակավայրերի 4 բազմաբնակարան շենքերի շուրջ 330 բնակիչ, ինչը երկար սպասված և լուրջ աջակցություն է նրանց համար: Ծրագրի ընդհանուր բյուջեն` նախահաշվային արժեքով, կազմում է 40.540.330 դրամ, որից մոտ 16.216.132 դրամը` համայնքային ներդրումն է: Հիշեցնենք, որ այսօրվա դրությամբ մարզում հաստատված է 55 սուբվենցիոն ծրագիր, որոնցից 29-ի մրցույթներն արդեն իսկ հայտարարված են:
Արևաշող համայնքի «Յազիկ» թաղամասում կկառուցվի մանկական խաղահրապարակ 05.06.2020
Մարզում հաստատված սոբվենցիոն ծրագրերից է նաև Արևաշող համայնքի «Յազիկ» թաղամասում մանկական խաղահրապարակի կառուցումը»: Ծրագրի ընդհանուր բյուջեն` նախահաշվային արժեքով, կազմում է 10.072.870 դրամ, որից մոտ 6.043.720 դրամը` համայնքային ներդրում: Ծրագրի իրականացման արդյունքում նախատեսվում է 45 մ * 24 մ արտաքին չափերով մանկական խաղահրապարակի կառուցում: Ծրագրի հիմնական շահառուները «Յազիկ» թաղամասի բնակիչներն են՝ շուրջ 3000 մարդ:
