Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԽԵԼԱՑԻ ԱՆԱՍՆԱԳՈՄԻ ԿԱՌՈՒՑՄԱՆ ԱՇԽԱՏԱՆՔՆԵՐՆ ԱՎԱՐՏԱԿԱՆ ՓՈՒԼՈՒՄ ԵՆ 09.10.2019
ՀՀ կառավարության կողմից հաստատված պետական օժանդակության ծրագրերի շրջանակներում Տաշիր համայնքի բնակիչ Վահան Մկրտչյանը ձեռնամուխ է եղել > անասնաշենքի կառուցման աշխատանքներին: Անասնաշենքի կառուցման շինարարական աշխատանքները գտնվում են ավարտական փուլում, և հիմնադիրը պատրաստվում է այն վերազինել ժամանակակից սարքավորումներով (կաթի պահեստավորման սառնարաններով և կթի ագրեգատով): Վահան Մկրտչյանը ջանք չի խնայում անասնաշենքի սարքավորումներով վերազինման աշխատանքներն ավարտելու մինչև հոկտեմբեր ամսվա վերջ: Արդեն նոյեմբերին նախատեսում է արտերկրից ներկրել 30 գլուխ > ցեղատեսակի բարձր կաթնատվությամբ օժտված խոշոր եղջերավոր կենդանիներ, իսկ հաջորդ տարվա ընթացքում՝ ևս 30 գլուխ: Անասնաշենքը նախատեսված է ընդհանուր թվով 60 գլուխ խոշոր եղջերավոր կենդանիների համար:
ՄԱՐԶՊԵՏԱՐԱՆԻՆ ՇԵՆՔԻՆ ԿԻՑ ԿՏԵՂԱԴՐՎԻ ԷԼԵԿՏՐԱԿԱՆ ԼԻՑՔԱՎՈՐՄԱՆ ԿԱՅԱՆ 09.10.2019
Ամիսներ առաջ ձեռքբերված պայմանավորվածության համաձայն այսօր նվիրաբերության պայմանագիր կնքվեց Լոռու մարզպետարանի՝ ի դեմս մարզպետ Անդրեյ Ղուկասյանի և «Էներգետիկայի հայկական գործակալություն հիմնադրամի» միջև՝ ի դեմս գլխավոր տնօրեն Տիգրան Հարությունյանի: Պայմանագրով հիմնադրամը «Plug.am էլեկտրական մեքենաների խթանումը Հայաստանում» ծրագրի շրջանակներում Լոռու մարզպետարանի սեփականությանն է հանձնում էլեկտրական լիցքավորման կայան՝ նպատակ ունենալով դրանով իսկ նպաստելու ՀՀ-ում էներգետիկայի ոլորտի առաջընթացին: Կայանը կտեղադրվի մարզպետարանի շենքին կից:
ԱՆՑԿԱՑՎԵՑ ԳԵՆԴԵՐԱՅԻՆ ՀԱՐՑԵՐՈՎ ԶԲԱՂՎՈՂ ՄՇՏԱԿԱՆ ԳՈՐԾՈՂ ՀԱՆՁՆԱԺՈՂՈՎԻ ՆԻՍՏԸ 09.10.2019
Հոկտեմբերի 9-ին անցկացվեց Լոռու մարզպետարանում գենդերային հարցերով զբաղվող մշտական գործող հանձնաժողովի հերթական նիստը, որը վարում էր հանձնաժողովի նախագահ, մարզպետի խորհրդական Հարություն Այվազյանը: Ողջունելով ներկաներին՝ Հ. Այվազյանն առաջարկեց հնարավորինս առարկայական քննարկումներ իրականացնել ոլորտում առկա խնդիրները վերհանելու նպատակով: Նիստի շրջանակներում հանձնաժողովի քարտուղար, մարզպետարանի ընտանիքի, կանանց և երեխաների իրավունքների պաշտպանության բաժնի գլխավոր մասնագետ Նաիրա Համբարձումյանը շնորհանդեսի միջոցով ներկայացրեց ՀՀ աշխատանքի և սոցիալական հետազոտությունների ազգային ինստիտուտի կողմից կատարված «Աշխատանքի շուկայում կանանց և տղամարդկանց հավասար հնարավորությունների և տնտեսական ռեսուրսների հավասար մատչելիության ապահովման հետ կապված իրավիճակի ուսումնասիրման» արդյունքները՝ բարձրաձայնելով մի քանի մտահոգող ցուցանիշերի մասին:
Մարզի ղեկավարը Աշոտ Փանոյանին շնորհակալություն հայտնեց երկարամյա ու բարեխիղճ աշխատանքի համար 09.10.2019
Լոռու մարզպետ Անդրեյ Ղուկասյանն այսօր իր երախտագիտությունն ու ջերմ բարեմաղթանքները հղեց մարզպետարանի քաղաքաշինության վարչության գլխավոր մասնագետ Աշոտ Փանոյանին՝ ծննդյան 65-րդ տարեդարձի առթիվ՝ վաստակած հանգստի մեկնելուց առաջ: -Ցավոք աշխատանքի բերումով շատ չեմ կարողացել շփվել Ձեզ հետ, բայց գիտեմ, որ շրջապատը Ձեզ ընկալում է՝ որպես բարի, առաքինի, պարկեշտ ու հայրենասեր անձնավորություն, այդ կերպ եմ ընդունում նաև ես: Մաղթում եմ, որ կենսաթոշակի անցնելը ինչ-որ նոր մտահղացումների սկիզբ դառնա, քանի որ Ձեզ նման մասնագետների կարիք այսօր շատ կա: Մաղթում եմ Ձեզ առողջություն և նորանոր հաջողություններ,-իր խոսքում նշեց մարզի ղեկավարը:
Պարգևատրվեցին Լոռու մարզի «Լավագույն ուսուցիչը» և «Լավագույն դաստիարակը» 08.10.2019
Մարզի ղեկավարն ընդունեց 2018-2019 ուստարում Լոռու մարզի «Լավագույն ուսուցիչ» ճանաչված Վանաձորի թիվ 25 հիմնական դպրոցի հայոց լեզվի և գրականության ուսուցչուհի Արմին Դունամալյանին և «Լավագույն դաստիարակ» ճանաչված՝ Ալավերդու թիվ 6 նախադպրոցական կրթական հաստատության դաստիարակ Էլինա Թամազյանին: Շնորհավորելով նման պատվաբեր կոչման արժանանալու համար՝ մարզպետ Անդրեյ Ղուկասյանը շնորհակալություն հայտնեց նրանց անձնվեր և անշահախնդիր աշխատանքի համար:
Լոռու մարզպետարանում արդեն մի քանի օր է՝ ուսումնական պրակտիկա են անցնում Վանաձորի պետական համալսարանի «Կառավարում բաժնի» 4-րդ կուրսի ուսանողները: Այսօր նրանք մարզի ղեկավարի հետ կիսվեցին իրենց տպավորություններով և հնարավարություն ունեցան իրենց հետաքրքրող հարցերն ուղղելու Անդրեյ Ղուկասյանին: Նա ներկայացրեց մարզպետի ու մարզպետարանի աշխատակազմի գործառույթները, աշխատանքի բնույթը, առանձնահատկությունները: Անդրադառնալով աշխատատեղերի խնդրին՝ Անդրեյ Ղուկասյանը նշեց, որ ինչպես մարզպետարանը, այնպես էլ՝ այլ հիմնարկություններ արհեստավարժ մասնագետների կարիք ունեն:
