Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տոնական անակնկալներ մարզի ղեկավարի կողմից
09.03.2020
Կանանց միջազգային օրվա առթիվ, մարզկենտրոնի կանանց և աղջիկներին մատուցվեցին հաճելի
անակնկալներ: Լոռու մարզպետ Անդրեյ Ղուկասյանի նախաձեռնությամբ և գլխավորությամբ օրն իսկական տոնի էր վերածվել: Մարզի ղեկավարը մարզպետարանի մի խումբ պաշտոնյաների հետ այսօր Հայքի հրապարակից շարժվելով, Լոռու մարզի փրկարարական վարչության, շտապօգնության ծառայության և ոստիկանության աջակցությամբ ծաղիկներ նվիրեցին մարզկենտրոնի կանանց և աղջիկներին՝ շնորհավորելով Կանանց միջազգային օրվա կապակցությամբ և ջերմ բարեմաղթանքներ հղելով:
Դրական զգացողությունները և ուրախ տրամադրությունն իշխում էր ամենուր, իսկ անակնկալները շարունակվեցին ողջ օրվա ընթացքում:
Օրվա երկրորդ կեսին Լոռու մարզպետարանի նախաձեռնությամբ տոնական միջոցառում էր կազմակերպվելՎանաձորի Ստեփան Զորյանի անվան տուն-թանգարանի հյուրընկալ այգում: Այստեղ հավաքված էին կրթության և մշակույթի բնագավառների մարզի վաստակաշատ շուրջ 40 կանայք: Նրանց ծաղկեփնջերով և ջերմ բարեմաղթանքներով շնորհավորեց մարզի ղեկավարը: Վաստակաշատ տիկնանց շնորհավորելու էին եկել նաև մարզպետի տեղակալ Գայանե Մարկոսյանը, մարզպետարանի այլ պատասխանատու պաշտոնյաներ: Անդրեյ Ղուկասյանը հարգարժան տիկնանց մաղթեց երջանկություն անձնական կյանքում և հաջողություններ աշխատանքային գործունեության մեջ, սեր և բարօրություն և որ գնահատված լինեն տարվա բոլոր օրերին: Ջերմ և անկաշկանդ մթնոլորտում շնորհավորանքի ու բարեմաղթանքի բազում խոսքեր հնչեցին: Հրավիրյալ կանայք իրենց երախտագիտությունը հայտնեցին մարզպետին և մարզային իշխանություններին հոգատար ու ջերմ վերաբերմունքի համար:
Օրվա խորհրդին նվիրված նաև գեղարվեստական գեղեցիկ միջոցառում էր կազմակերպվել:
