Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Սեպտեմբերի 17-20-ը ՀՀ սփյուռքի գործերի գլխավոր հանձնակատարի գրասենյակի կողմից Հայաստանում անցկացվում է Համաշխարհային հայկական երկրորդ գագաթնաժողովը: Հայաստանի և սփյուռքի արդի մարտահրավերներն ու խնդիրները, կայուն զարգացման հնարավորությունները, ներկայի և ապագայի կարևորագույն հարցերը քննարկվում են միասնական հարթակում տարբեր ձևաչափերի շրջանակներում: Ազգային անվտանգությունից մինչև բարձրագույն տեխնոլոգիաներ, տնտեսություն, գիտություն, հայրենադարձություն և սփյուռքի համայնքների կենսունակություն. գագաթնաժողովը հյուրընկալել է սփյուռքի և Հայաստանի շուրջ 1000 ներկայացուցիչների, որոնք ներկայացնում են համայնքային, գործարար, գիտական, կրթական, մշակութային և այլ շրջանակներ: Գագաթնաժողվի բացման հանդիսավոր արարողությանը ներկա է եղել նաև Լոռու մարզպետ Արամ Ղազարյանը:
Ավարտվել է Լոռու մարզպետ Արամ Ղազարյանի այցը Ֆրանսիայի Հանրապետության Շամոնի քաղաք 19.09.2024
Մարզի ղեկավարը մասնակցել է «Մտքերի գագաթնաժողով-2024»-ին (Summit of Minds): Ինչպես հայտնի է, «Մտքերի գագաթնաժողովը» (Summit of Minds) Ֆրանսիայի Շամոնի քաղաքում ամեն տարի անցկացվող հեղինակավոր միջոցառում է, որը համախմբում է քաղաքական, տնտեսական, գիտական և մշակութային շրջանակների հայտնի անձանց աշխարհի տարբեր երկրներից: Այն գաղափարների, գիտելիքների ու փորձառության փոխանակման հարթակ է, որի հիմնական նպատակն է համաշխարհային առումով կարևոր հարցերի վերաբերյալ նոր գաղափարների ներկայացումը և դրանց գործնական կիրառման համար գործարար ներուժի համախմբումը:
Հանդիպում Շահումյան, Գուգարք բնակավայրերում ապրող ԼՂ-ից բռնի տեղահանված քաղաքացիների հետ 19.09.2024
Լոռու մարզպետի տեղակալ Հովհաննես Ավետիսյանը սեպտեմբերի 18-ին հանդիպել է ԼՂ-ից բռնի տեղահանված և Վանաձոր համայնքի Շահումյան, Գուգարք բնակավայրերում ապրող քաղաքացիների հետ: Հանդիպմանը ներկա են եղել նաև Շահումյան և Գուգարք բնակավայրերի վարչական ղեկավարները: Հերթական հանդիպման ընթացքում մեկ անգամ ևս ներկայացվել են տեղահանված ընտանիքների սոցիալական և բնակարանային ապահովման պետական աջակցության ծրագրերի մանրամասները: Քննարկվել են բնակարանային ապահովման ծրագրի բաղադրիչներից օգտվելու ժամանակացույցի, աջակցության չափերի, դիմումներ ներկայացնելու ընթացակարգերի վերաբերյալ մանրամասներ։
Աշխատանքային խորհրդակցություն՝ Լոռու մարզպետ Արամ Ղազարյանի գլխավորությամբ 18.09.2024
Սեպտեմբերի 18-ին Լոռու մարզպետ Արամ Ղազարյանն աշխատանքային խորհրդակցություն է անցկացրել՝ տեղակալներ Գոռ Ասրյանի, Հովհաննես Ավետիսյանի, մարզպետի աշխատակազմի պատասխանատու պաշտոնյաների մասնակցությամբ: Մինչ օրակարգային հարցերին անդրադառնալը՝ մարզի ղեկավարը աշխատակազմին է ներկայացրել մարզպետի աշխատակազմի զարգացման ծրագրերի մշակման և իրականացման բաժնի նորանշանակ պետ Անի Բաղդասարյանին և Անձնակազմի կառավարման, փաստաթղթաշրջանառության և հասարակայնության հետ կապերի վարչության Անձնակազմի կառավարման բաժնի պետ Գալուստ Մելիքսեթյանին, շնորհավորել նրանց պատասխանատու պաշտոններ ստանձնելու կապակցությամբ, մաղթել աշխատանքային ձեռքբերումներ:
Լոռու մարզպետ Արամ Ղազարյանը եռօրյա այցով մեկնել է Ֆրանսիայի Հանրապետության Շամոնի քաղաք 17.09.2024
Մարզի ղեկավարը մասնակցում է «Մտքերի գագաթնաժողով 2024»-ին (Summit of Minds): «Մտքերի գագաթնաժողովը» (Summit of Minds) Ֆրանսիայի Շամոնի քաղաքում ամեն տարի անցկացվող հեղինակավոր միջոցառում է, որը համախմբում է քաղաքական, տնտեսական, գիտական և մշակութային շրջանակների հայտնի անձանց աշխարհի տարբեր երկրներից:
Աղետի գոտում ֆիզիկական անձանց տրանսպորտային միջոցներին պատճառված վնասի փոխհատուցման համար դիմումների ընդունման գործընթացը Լոռու մարզում շարունակվում է: Նշենք, որ 2024 թվականի մայիսի 25-26-ը տեղացած հորդառատ անձրևներով պայմանավորված հեղեղումներից Լոռու մարզում տուժել է ընդհանուր 166 տրանսպորտային միջոց, որից 4-ը գետը քշել է (կորսված): Համայնքային հանձնաժողովները տուժած քաղաքացիներից արդեն ընդունել են ավելի քան 102 դիմումներ, որոնք ներկայացվում են Լոռու մարզպետի աշխատակազմին:
