Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հայտարարություն 02.04.2025
Հարգելի՛ քաղաքացիներ, Լոռու մարզպետի աշխատակազմը տեղեկացնում է, որ ապրիլի 25-ին Սպիտակի համայնքապետարանում կանցկացվի քաղաքացիների ընդունելություն: Ընդունելությանը մասնակցելու համար քաղաքացիները կարող են մինչև ապրիլի 23 -ը` ժամը 15.00-ը, նախապես հերթագրվել՝ 10.00-17.00-ը, զանգահարելով (0255) 22500 կամ (0322) 21024 հեռախոսահամարներով։
Վանաձորում բացվել է «Յան» ախտորոշիչ կենտրոն 02.04.2025
Ապրիլի 2-ին Լոռու մարզպետ Արամ Ղազարյանը Վանաձորում ներկա է եղել «Յան» ախտորոշիչ կենտրոնի հանդիսավոր բացման արարողությանը: Վերջինիս մասնակցել են նաև Գուգարաց թեմի առաջնորդ գերաշնորհ տեր Հովնան եպիսկոպոս Հակոբյանը, Վանաձոր համայնքի ղեկավար Արկադի Փելեշյանը, Ստեփանավան համայնքի ղեկավար Արմեն Գրիգորանը, Տաշիր համայնքի ղեկավար Էդգար Արշակյանը, մարզպետի աշխատակազմի, բուժհաստատությունների ղեկավարներ, ներկայացուցիչներ, հյուրեր:
Լոռու մարզի դպրոցականների շրջանում անցկացվել է ՀՀ ԿԳՄՍ նախարարության կողմից կազմակերպվող «ՀՀ վարչապետի գավաթ» սեղանի թենիսի սիրողական մրցաշարի մարզային առաջնությունը: Մրցույթի բոլոր փուլերին մարզի տարբեր համայնքներից միասին մասնակցել են 79 հանրակրթական դպրոցների հավաքական թիմեր՝ ավելի քան 470 աշակերտներով: Առաջնության կազմակերպչական աշխատանքներն իրականացրել է Լոռու մարզպետի աշխատակազմը՝ համայնքապետարանների և Լոռու մարզի սեղանի թենիսի ֆեդերացիայի հետ համատեղ:
Լոռու մարզպետ Արամ Ղազարյանը ապրիլի 1-ին անցկացրել է հերթական աշխատանքային խորհրդակցությունը մարզպետի տեղակալներ Գոռ Ասրյանի, Հովհաննես Ավետիսյանի, մարզպետի աշխատակազմի կառուցվածքային ստորաբաժանումների ղեկավարների, պատասխանատու այլ պաշտոնյաների մասնակցությամբ: Խորհրդակցության ընթացքում անդրադարձ է կատարվել նախորդ շաբաթվա ընթացքում իրականացված աշխատանքներին, տրված հանձնարարականների կատարման ընթացքին, առաջիկայում նախատեսված ծրագրերին:
Անցկացվեցին ֆիզիկական անձանց եկամուտների հայտարարագրման վերաբերյալ իրազեկման հանդիպումներ 31.03.2025
Կարևորելով մարզում համընդհանուր հայտարարագրման սահուն ներդրումը՝ Լոռու մարզպետ Արամ Ղազարյանի նախաձեռնությամբ և հրավերով՝ ՀՀ Պետական եկամուտների կոմիտեի ներկայացուցիչները մարտի 28-ին ֆիզիկական անձանց եկամուտների հայտարարագրման վերաբերյալ Վանաձորում անցկացրեցին իրազեկման հանդիպումներ: Հանդիպմանը մասնակցում էին Լոռու մարզպետի աշխատակազմի ֆինանսական վարչության պետ Մերի Դալլաքյանը, մարզպետի աշխատակազմի պատասխանատու այլ պաշտոնյաներ, մարզային ենթակայության հանրակրթական ուսումնական հաստատությունների, առողջապահական հիմնարկների, համայնքապետարանների ներկայացուցիչներ և մասնավոր ոլորտի հայտարարատու ֆիզիկական անձինք:
Անցկացվել է ՀՀ վարչապետի որոշմամբ ստեղծված միջգերատեսչական աշխատանքային խմբի առաջին նիստը 28.03.2025
Լոռու մարզպետ Արամ Ղազարյանը մարտի 28-ին ՀՀ տարածքային կառավարման և ենթակառուցվածքների նախարարությունում մասնակցել է Վարչապետ Նիկոլ Փաշինյանի որոշմամբ ստեղծված միջգերատեսչական աշխատանքային խմբի առաջին նիստին։ Նիստն անց է կացվել ՀՀ ՏԿԵ նախարար Դավիթ Խուդաթյանի գլխավորությամբ։ Նիստին մասնակցել են Կադաստրի կոմիտեի նախագահ Սուրեն Թովմասյանը, Քաղաքաշինության կոմիտեի նախագահ Եղիազար Վարդանյանը, ՏԿԵՆ փոխնախարար Վարդան Կոստանյանը, Շրջակա միջավայրի և Էկոնոմիկայի փոխնախարարներ Տիգրան Գաբրիելյանն ու Արման Խոջոյանը, ՀՀ մյուս մարզերի մարզպետները։
