Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ամեն ինչ կարվի Քաղաքացու օրը բարձր մակարդակով տոնելու համար 12.04.2019
Ապրիլի 27-ին այս տարի առաջին անգամ կնշվի հայկական տոնացույցում տեղ գտած ևս մեկ նշանակալի տոն՝ Քաղաքացու օրը: Այն նախատեսվում է տոնել առանձնակի հանդիսավորությամբ: Միջոցառումների ծրագրի քննարկման նպատակով այսօր խորհրդակցություն էր հրավիրվել Լոռու մարզպետ Անդրեյ Ղուկասյանի, Երևանի քաղաքապետի տեղակալ Տիգրան Վիրաբյանի, մարզի քաղաքային համայնքների ղեկավարների, մշակութային և տեղեկատվության պատասխանատուների մասնակցությամբ:
Կատարվեցին աղբի մաքրման աշխատանքներ 12.04.2019
Լոռու մարզպետի հանձնարարությամբ Ֆիոլետովոյի համայնքապետարանի աշխատակիցների և համայնքի բնակիչների մասնակցությամբ Վանաձոր-Դիլիջան ավտոմայրուղու Ֆիոլետովո համայնքի տարածքով անցնող հատվածի կուտակված աղբի մաքրման և տեղափոխման աշխատանքներ կատարվեցին: Ամբողջությամբ մաքրվեց մայրուղուն հարակից տարածքները և մայրուղին հատող կամրջակների տակ կուտակված աղբը և տեղափոխվեց աղբի համար նախատեսված վայր։
Մեկօրյա դասընթաց-քննարկում ՀՀ աշխատանքային օրենսդրության շուրջ 12.04.2019
Ապրիլի 11-ին Լոռու մարզպետարանի դահլիճում մարզպետարանի պատասխատաու պաշտոնյաների, մարզի համայնքների ներկայացուցիչների և հաշվապահների մասնակցությամբ անցկացվեց մեկօրյա դասընթաց-քննարկում ՀՀ աշխատանքային օրենսդրության շուրջ: Դասընթացը վարում էր Աշխատանքի իրավունքի պաշտպանի(հաշտարարի)գրասենյակի ղեկավար, ՀՀ աշխատանքային օրենսգրքի համահեղինակ, «Գործք» իրավատեղեկատվական ամսագրի խմբագիր Արթուր Սարգսյանը: Նա անդրադարձավ ՀՀ աշխատանքային օրենսգրքում տեղ գտած փոփոխություններին, օրենսդրության առանձնահատկություններին: Ներկաները հարցեր ուղղեցին բանախոսին՝ ստանալով սպառիչ պատասխաններ:
Այսօր մարզպետ Անդրեյ Ղուկասյանն ընդունեց չինական «Նյու իդա» ընկերության տնօրեն Լուո Գանգին, ընկերության գլխավոր կառավարիչ Սին Ճենփին և գլխավոր ներկայացուցիչ Յուրիկ Սարգսյանին: Հանդիպմանը ներկա էին նաև մարզպետի խորհրդական Լևոն Ասլանյանը և օգնական Գայանե Սարգսյանը: Ինչպես հայտնի է, ամիսներ առաջ կազմակերպության կողմից մարզի ղեկավարին առաջարկվել էր Ստեփանավան խոշորացված համայնքի կազմում ընդգրկված Կաթնաղբյուրի վարչական տարածքում, որտեղ ջրի հորատանցք կա, իրականացնել հանքային ջրերի արդյունահանման ներդրումային ծրագիր: Մարզպետ Ա. Ղուկասյանի անմիջական աջակցության և հետևողականության շնորհիվ ծրագրին անմիջապես ընթացք էր տրվել:
Նախարար Սուրեն Պապիկյանը մարզպետների հետ քննարկել է օրակարգային նշանակության մի շարք հարցեր 10.04.2019
ՀՀ տարածքային կառավարման և զարգացման նախարար Սուրեն Պապիկյանն աշխատանքային խորհրդակցություն է անցկացրել ՀՀ մարզպետների մասնակցությամբ, որի ընթացքում քննարկվել են մարզային և համայնքային նշանակության մի շարք հարցեր։ Սուրեն Պապիկյանը խորհրդակցությունը սկսել է ՀՀ համայնքների կողմից 2019 թվականի առաջին եռամսյակի սեփական եկամուտների հավաքագրման նախնական արդյունքների ներկայացմամբ։ Նախարարը հայտնել է, որ նախորդ տարվա նույն ժամանակահատվածի համեմատ համայնքների սեփական եկամուտների հավաքագրումը գերազանցվել է 0,8 տոկոսով կամ գումարային արտահայտությամբ շուրջ 1 մլրդ դրամի չափով։ Ընդհանուր առմամբ գոհացուցիչ համարելով արձանագրված ցուցանիշները՝ նախարար Պապիկյանը, այդուհանդերձ, անհրաժեշտ է համարել բարձրացնել տարեկան պլանային նշաձողը և բյուջեի համար ապահովել առավելագույն մուտքեր։
Լոռու մարզպետի շնորհավորագրին և խրախուսանքին արժանացավ գեղանկարիչ, մանկավարժ Յուրիկ Աքուլյանը 10.04.2019
Ծննդյան 75 և մանկավարժական գործունեության 50-ամյա հոբելյանների առթիվ Լռու մարզպետի շնորհավորագրով պարգևատրվեց վանաձորաբնակ գեղանկարիչ, մանկավարժ Յուրիկ Աքուլյանը: Պարգևը գեղանկարչին հանձնեցին և մարզպետ Անդրեյ Ղուկասյանի կողմից շնորհավորական ջերմ խոսքեր հղեցին ու դրամական պարգև հանձնեցին մարզպետարանի կրթության, մշակույթի և սպորտի վարչության մշակույթի և սպորտի բաժնի պետ Արամ Ռևազյանը և մարզպետի օգնական Ռուբեն Խանզադյանը:
