Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«ՎԱՆԱՁՈՐԻ ՕՐ» ՏՈՆԱԿԱՏԱՐՈՒԹՅՈՒՆՆԵՐԻ ՊԱՏՎԱՎՈՐ ՀՅՈՒՐՆ ԷՐ ՀՀ ՎԱՐՉԱՊԵՏԸ 28.10.2019
«Վանաձորի օր» տոնակատարությունն այս տարի նշվեց «Հնարավորությունների քաղաք» խորագրի ներքո: Այն համախմբել էր ոչ միայն վանաձորցիներին, այլև Լոռու տարբեր բնակավայրերից, հանրապետության մարզերից, մայրաքաղաքից ու արտերկրից ժամանած բազմաթիվ հյուրերի: Հնարավորությունների քաղաք Վանաձորը հրավիրել էր ստեղծող ու արարող մարդկանց՝ ապրելու և իրենց ապագան կերտելու կանաչ ու հյուրընկալ քաղաքում: Վանաձորի պատվարժան հյուրերն էին ՀՀ վարչապետ Նիկոլ Փաշինյանը, կառավարության անդամներ, ԱԺ պատգամավորներ, մարզպետներ համայնքապետեր, Վանաձորի քույր մարզերի ներկայացուցիչները, դեսպաններ: Մինչ ՀՀ վարչապետի ժամանելը, Լոռու մարզպետ Անդրեյ Ղուկասյանի, փոխմարզպետ Գայանե Մարկոսյանի, Վանաձոր քաղաքին քույր քաղաքներ հանդիսացող երկրների ներկայացուցիչների, դեսպանատների ներկայացուցիչների, մի խումբ այլ պատվարժան հյուրերի մասնակցությամբ ընդունելություն էր կազմակերպվել Վանաձորի քաղաքապետ Մամիկոն Ասլանյանի աշխատասենյակում:
Անդրեյ Ղուկասյանն ՀՀ-ում ընդունեց Եվրամիության արտակարգ և լիազոր դեսպան Ն.Գ. Անդրեա Վիկտորինին: Հանդիպմանը մասնակցում էին նաև մարզպետի տեղակալ Գայանե Մարկոսյանը, մարզպետարանի այլ պաշտոնատար անձինք: Մարզի ղեկավարը, ողջունելով հյուրին, շնորհավորեց նրան դեսպանի պատասխանատու պաշտոնը ստանձնելու և Հայաստան վերադառնալու կապակցությամբ՝ հույս հայտնելով, որ կառույցի և Լոռու մարզպետարանի միջև սերտ համագործակցային կապերը կշարունակվեն և է՛լ ավելի կամրապնդվեն:
Մարզպետի տեղակալ Գայանե Մարկոսյանը աշխատանքային ընթացիկ խնդիրների և մարզպետ Անդրեյ Ղուկասյանի կողմից տրված հանձնարարականների կատարման ընթացքը քննարկելու նպատակով այսօր խորհրդակցություն անցկացրեց մարզպետարանի զարգացման ծրագրերի, զբոսաշրջության և վերլուծության բաժնի աշխատակիցների մասնակցությամբ:
Մարզպետի տեղակալ Գայանե Մարկոսյանն այսօր խորհրդակցություն անցկացրեց Լոռու մարզպետարանի ՏԻ և ՀԳՄ հարցերով վարչության աշխատակազմի հետ՝ քննարկելու ընթացիկ հանձնարարականների կատարումը և ոլորտում առկա խնդիրները: Մարզպետի հանձնարարությամբ համայնքների կողմից սեփական եկամուտների հավաքագրման պատշաճ իրականացման պատասխանատվությունը ևս ստանձնել են վարչության աշխատակիցները: Վերջիններս նաև ուսումնասիրություներ են իրականացնում թերացող համայնքներում թերակատարման պատճառները վերհանելու նպատակով:
ՄԱՐԶՊԵՏՆ ԻՐ ԶՈՐԱԿՑՈՒԹՅՈՒՆՆ Է ՀԱՅՏՆԵԼ ՀՐԴԵՀԻ ՀԵՏԵՎԱՆՔՈՎ ՏՈՒԺԱԾ ՓՐԿԱՐԱՐԻՆ 25.10.2019
Այսօր Լոռու մարզի Բազումի լեռնաշղթայի հարակից սարերում բռնկված հրդեհի շիջման ժամանակ ողբերգական դեպք է տեղի ունեցել: Հրդեհաշիջման աշխատանքների ժամանակ, դեռևս չպարզված հանգամանքներում, հրշեջներից մեկը այրվածքներ է ստացել ու մահացել, այրվածքներ ստացած մյուս հրշեջը՝ 1991թ. ծնված Էդգար Գրիգորյանը տեղափոխվել է Վանաձորի բժշկական կենտրոն: Տեղեկատվությունն ստանալուն պես՝ բժշկական կենտրոն են շտապել Լոռու մարզպետ Անդրեյ Ղուկասյանը և մարզպետարանի առողջապահության վարչության պետի պաշտոնակատար Արթուր Մխիթարյանը: Մարզի ղեկավարն իր զորակցությունն է հայտնել տուժածին: Քիչ առաջ Վանաձորի ԲԿ ժամանած սանավիացիայի ուղղաթիռը տուժածին տեղափոխել է Երևանի «Էրեբունի» բժշկական կենտրոն:
Վանաձորի Էդ. Կզարթումյանի անվան երաժշտական դպրոցի դահլիճում անցկացվեց խորհրդակցություն մարզի համայնքների ղեկավարների մասնակցությամբ, որը վարում էր Լոռու մարզպետ Անդրեյ Ղուկասյանը: Խորհրդակցությանը ներկա էր ՀՀ տարածքային կառավարման և ենթակառուցվածքների նախարար Սուրեն Պապիկյանը: Վերջինս իր ելույթում կարևորեց համայնքների ղեկավարների մասնակցությամբ խորհրդակցություններին նախարարության պաշտոնյաների մասնակցությունը, որպեսզի հնարավոր լինի համայնքների ղեկավարների կողմից բարձրացված խնդիրներն անմիջապես գույքագրել և տեղում լուծումներ առաջարկել, պատասխանել բարձրացված հարցերին:
