Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քաղաքացու օրը՝ Լոռու մարզում 29.04.2019
Այս տարի առաջին անգամ Հայաստանում նշվում է Քաղաքացու օր տոնակատարությունը: Հանդիսավոր միջոցառումներ են կազմակերպվել մայրաքաղաք Երևանում, Հայաստանի Հանրապետության բոլոր մարզերի մարզկենտրոններում, տարբեր քաղաքներում: Այսօր ամբողջ օրը բազմաբնույթ ու բազմաբովանդակ տոնական միջոցառումներ են անցկացվել Վանաձոր քաղաքի տարբեր հատվածներում, որոնց մասնակից են դարձել քաղաքացիներ մարզի բոլոր տարածաշրջաններից ու հասարակության տարբեր շերտերից: Համերաշխության գաղափարն էր դրված այս տոնակատարության հիմքում, որպեսզի ոչ թե մեկ օր միայն դառնա տոնական, այլ ամբողջ տարին՝ յուրաքանչյուր քաղաքացու համար:
Կայացավ «Սպորտլանդիա» մարզական միջոցառման մարզային փուլը 29.04.2019
Ապրիլի 23-ին(1-3-րդ դասարաններ) և ապրիլի 26-ին(4-7-րդ դասարաններ) Վանաձորում անցկացվեց Հայաստանի Հանրապետության մարզերի, Երևան քաղաքի և Արցախի Հանրապետության հանրակրթական դպրոցների 1-3-րդ և 4-7-րդ դասարանների աշակերտների միջև անցկացվող «Սպորտլանդիա» մարզական միջոցառման մարզային փուլը: Մրցանակային տեղերի համար ծավալվեց լարված մրցապայքար:
Լոռու մարզպետարանում տեղի ունեցավ միջգերատեսչական հանդիպում «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության մասին» օրենքի կիրարկման շուրջ:
Լոռու մարզպետ Անդրեյ Ղուկասյանի ուղերձը Քաղաքացու օրվա կապակցությամբ 26.04.2019
Սիրելի՛ լոռեցիներ, Հայկական տոնացույցը համալրվեց մեզ համար շատ կարևոր ևս մեկ տոնով և այն այսուհետ ու ընդմիշտ համայն հայությամբ նշելու ենք որպես Հայաստանի Հանրապետության հպարտ քաղաքացիների անկոտրում կամքի առհավատչյա:
Աշխատանքների մոնիտորինգ է իրականացվում 23.04.2019
ՀՀ կառավարության համապատասխան որոշմամբ հաստատված Հավելված 21-ի պահանջներին համապատասխան և Լոռու մարզպետի այս տարվա փետրվարի 21-ի, թիվ 62-Ա որոշմամբ հաստատվել են «Վարձատրվող հասարակական աշխատանքների կազմակերպման միջոցով գործազուրկների ժամանակավոր զբաղվածության ապահովման» ծրագրերը: 2019թ. ապրիլի 22-ին Լոռու մարզի զբաղվածության աջակցության մարզային հանձնաժողովի անդամներ, Վանաձորի զբաղվածության տարածքային կենտրոնի տնօրեն Արա Առաքելյանը, ՀՀ Լոռու մարզպետարանի առողջապահության և սոցիալական ապահովության վարչության պետ Արթուր Մխիթարյանը, նույն վարչության սոցիալական ապահովության բաժնի պետ, Գուգարքի տարածաշրջանում իրականացվող ծրագերրի խորհրդատու Վալերի Ջաղինյանը մշտադիտարկում անցկացրին Ազնվաձոր և Դարպաս համայնքներում՝ հընթացս ստուգելով իրականացվող աշխատանքները:
Անցկացվեց ընթերցման հանրապետական օլիմպիադայի մարզային փուլը 23.04.2019
Վանաձորի Հովհ. Թումանյանի անվան թիվ 3 հիմնական դպրոցում կայացավ Երևանի «Անտարես» հրատարակչության նախաձեռնած ընթերցման հանրապետական օլիմպիադայի 2019 թվականի մարզային փուլը: Հանձնաժողովի նախագահն էր Լոռու մարզպետարանի կրթության, մշակույթի և սպորտի վարչության կրթության բաժնի պետ Գարիկ Տոնոյանը:
