Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետարան և Հայկական Կարիտաս համագործակցությունը կամրագրվի համաձայնագրով 29.03.2019
Մարտի 29-ին մարզպետ Անդրեյ Ղուկասյանն ընդունեց «Հայկական Կարիտաս» բարեսիրական հասարակական կազմակերպության ներկայացուցիչներին: Կազմակերպության «Համայնքային զարգացում և աղետների ռիսկերի կառավարում» ռազմավարական ուղղության պատասխանատու Զառա Աղայանը, մարզի ղեկավարին ներկայացնելով այցի նպատակը, նշեց, որ «Հայկական Կարիտասն» արդեն շուրջ 25 տարի գործունեություն է իրականացնում Հայաստանի հիմնականում 4 մարզում, այդ թվում և՝ Լոռու մարզում: Կարևոր ծրագրերին անդրադառնալով՝ նա մատնանշեց Վանաձորում և Տաշիրում «Փոքրիկ իշխան» կենտրոնների գործունեությունը, տարեցների խնամքին, միգրացիային, տուրիզմի զարգացմանն ուղղված աջակցության ծրագրերը և այլն:
Լոռու մարզպետարանի դահլիճում անցկացվեց ՀՀ Լոռու մարզում վիրուսային, մասնավորապես՝ արտաընդերային ճանապարհով փոխանցվող հեպատիտների կանխարգելման մասնագիտական հանձնաժողովի նիստը: Հանձնաժողովը ձևավորվել է դեռևս 2015թ.-ին մարզպետի համապատասխան որոշմամբ և յութաքանչյուր եռամսյակ նիստեր է գումարում ոլորտում առկա խնդիրների քննարկման նպատակով: Նիստը վարում էր հանձնաժողովի նախագահ, Լոռու մարզպետարանի առողջապահության և սոցիալական ապահովության վարչության պետի պաշտոնակատար Արթուր Մխիթարյանը:
Առկա տվյալներն ավարտուն տեսքի կբերվեն մինչև ապրիլի 5-ը 28.03.2019
Ամիսներ առաջ ՀՀ վարչապետի հանձնարարականով, որին էլ հաջորդող Լոռու մարզպետի նոյեմբերի 23-ի կարգադրությամբ Լոռու մարզպետարանում ձևավորվել է աշխատանքային խումբ, որը զբաղվում է Վանաձոր, Սպիտակ և Ստեփանավան քաղաքներում 1988թ. դեկտեմբերի 7-ի երկրաշարժի հետևանքով ձևավորված և մինչ օրս գործող տնակային ավաններում բնակվող ընտանիքների կարգավիճակի և հետագա բնակապահովման խնդիրների ուսումնասիրությամբ, դրանց լուծման համար առաջարկությունների մշակմամբ:
Աշխատանքային խորհրդակցություն Լոռու մարզպետարանում 28.03.2019
Այսօր մարզպետ Անդրեյ Ղուկասյանն անցկացրեց հերթական աշխատանքային խորհրդակցությունը մարզպետարանի կառուցվածքային ստորաբաժանումների ղեկավարների և պատասխանատու այլ պաշտոնյաների մասնակցությամբ: Մինչ օրակարգային հարցերին անցնելը, մարզի ղեկավարն անդրադարձավ մարտի 23-ին անցկացված համապետական շաբաթօրյակին՝ նշելով, որ այն թե՛ կատարված աշխատանքի ծավալով և ընդգրկվածությամբ էականորեն տարբերվել է նախորդներից: Նա շնորհակալություն հայտնեց մարզպետարանի աշխատակազմին ակտիվ մասնակցության համար և տեղեկացրեց, որ նմանատիպ միջոցառումներ անցկացվելու են յուրաքանչյուր 6 շաբաթը մեկ:
Անցկացվեց Լոռու մարզպետարան-ոստիկանություն-համայնք ձևաչափով հերթական հանդիպում-քննարկումը 28.03.2019
Լոռու մարզպետարանում անցկացվեց Լոռու մարզպետարան-ոստիկանություն-համայնք ձևաչափով հերթական հանդիպում-քննարկումը, որը վարում էր մարզպետարանի գլխավոր քարտուղարի տեղակալ Վալերի Խաչատրյանը: Հանդիպմանը մասնակցում էին Ոստիկանության Լոռու մարզային վարչության ծառայության գծով պետի տեղակալ, փոխգնդապետ Արմեն Մաթևոսյանը, մարզպետարանի պատասախանատու պաշտոնյաներ, ոստիկանության ծառայողներ, համայնքների ղեկավարներ, ներկայացուցիչներ: Ա. Մաթևոսյանը նշեց, որ հանդիպման օպերատիվ առիթը մասնավորապես փողոցային առևտրի վերացման և կանխարգելման ուղղությամբ տարվող աշխատանքներն են: Նա այս հարցում կարևորեց քաղաքային իշխանությունների և շահագրգիռ այլ կառույցների հետ սերտ համագործակցությունը:
Մարզի ղեկավարը հանդիպեց կաթ մթերող ըկերությունների ղեկավարների հետ 28.03.2019
Այսօր մարզպետ Անդրեյ Ղուկասյանը, ինչպես և խոստացել էր, հանդիպեց մարզի կաթ մթերող 11 ընկերությունների ղեկավարների հետ: Հիշեցնենք, որ օրեր առաջ մարզի ղեկավարի հետ հանդիպելով, կաթ արտադրող ընկերությունները բարձրացրել էին կաթի գնի նվազեցման հարցը՝ խնդրելով միջոցներ ձեռնարկել հարցի կարգավորման ուղղությամբ: Շնորհակալություն հայտելով հանդիպման առաջարկությունն ընդունելու համար՝ մարզպետ Ա. Ղուկասյանը ներկայացրեց կաթ արտադրողների անհանգստությունը: Նա նշեց, որ անասնապահները մտավախություն ունեն, որ կաթի գները գնալով նվազում են, ինչն անարդյունավետ է դարձնում անասնապահությունը: Երևույթը դիտարկելով որպես շուկայական հարաբերություններով պայմանավորված գործընթաց՝ մարզպետն այնուամենայնիվ առաջարկեց հնարավորինս բարեխղճություն ցուցաբերել, որոշակի զիջումների գնալ մինչ խնդրի կարգավորումը:
