Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Անդրեյ Ղուկասյանի կողմից անցկացված աշխատանքային խորհրդակցության կարևորագույն հարցերն էին. 2021թ. ՀՀ պետական բյուջեի նախագծով նախատեսվում է մարզի համայնքներին տրամադրվող դոտացիայի գումարը ավելացնել շուրջ 1.166 մլն դրամով՝ կազմելով 6 մլրդ 590 մլն դրամ, ինչը լուրջ աջակցություն կարող է հանդիսանալ համայնքների համար: Մարզի ղեկավարը կարևորում է այդ գումարների մեծ մասը սուբվենցիոն ծրագրերին ուղղելու անհրաժեշտությունը: Մարզում սուբվենցիոն ծրագրերի իրականացման ուղղությամբ տարվող աշխատանքները շարունակվում են:
«Հայրենիքի լոռեցի նվիրյալները».Վազգեն Վարդանյան 27.11.2020
Լոռու մարզպետարանը սկսում է նոր շարք՝ «Հայրենիքի լոռեցի նվիրյալները» խորագրով: Պատիվ ունենք անդրադառնալու պատերազմի ընթացքում հերոսացած մեր լոռեցիներին: Մեր առաջին հերոսը «Մարտական խաչ» 2-րդ աստիճանի շքանշանի արժանացած փոխգնդապետ Վազգեն Վարդանյանն է: Պատերազմի բովով անցած փոխգնդապետ Վազգեն Վարդանյանն ասում է.
Սարամեջն ապահովվել է գիշերային լուսավորությամբ 27.11.2020
Սարամեջ համայնքն այս տարի ապահովվեց գիշերային լուսավորությամբ. 90 նոր լուսատու է տեղադրվել համայնքի գլխավոր և երկրորդային փողոցներում: Սուբվենցիոն ծրագրի շրջանակներում իրականացված այս ծրագիրը համայնքի համար առաջնային կարևորություն ունի: Ծրագրի պայմանագրային արժեքը կազմել է 8 մլն 526 հազար դրամ, որից 4 մլն 263 հազար դրամը պետբյուջեի ներդրումն է, մնացածը՝ համայնքի:
Մարզի ղեկավարը ներկայացրեց Ստեփանավան համայնքի ղեկավարի պաշտոնակատար Արմեն Գրիգորյանին 26.11.2020
ՀՀ վարչապետ Նիկոլ Փաշինյանի նոյեմբերի 24-ի, թիվ 1272-Ա որոշմամբ՝ Արմեն Գրիգորյանը նշանակվել Հայաստանի Հանրապետության Լոռու մարզի Ստեփանավան համայնքի ղեկավարի պաշտոնակատար: Այսօր մարզպետ Անդրեյ Ղուկասյանը համայնքի ղեկավարի պաշտոնակատարին անձամբ ներկայացրեց համայնքապետարանի աշխատակզմին և համայնքային ենթակայության հիմնարկների ղեկավարներին:
Առարկայական օլիմպիադաների հանրապետական փուլը կշարունակվի մինչև նոյեմբերի 29-ը 25.11.2020
Նոյեմբերի 22-ին Երևանում մեկնարկել է ՀՀ դպրոցականների 2019-2020 ուսումնական տարվա առարկայական օլիմպիադաների հանրապետական փուլը 9-11-րդ դասարանների աշակերտների համար՝ Հայ գրականություն (նոյեմբերի 22), Հայոց լեզու և Գերմաներեն (նոյեմբերի 23), Ֆրանսերեն և Անգլերեն ( նոյեմբերի 28), Ռուսաց լեզու (նոյեմբերի 29), Հայոց եկեղեցու պատմություն և Քիմիա(նոյեմբերի 29-ին) առարկաներից: Լոռու մարզի հանրակրթական դպրոցներից հանրապետական փուլին՝ նշված առարկաներից կմասնակցի ընդհանուր առմամբ 63 դպրոցական:
Ախթալա բնակավայրում կգործի հանդիսությունների սրահ 25.11.2020
Ախթալայում շենքերից մեկի առաջին հարկում տեղակայված, շուրջ 82 քառ. մետր ընդգրկող հիմնանորոգված տարածքը բնակավայրի ողջ բնակչության համար կծառայի՝ որպես հանդիսությունների սրահ: Վերջինիս անհրաժեշտությունը մեծ է, քանի որ բնակավայրում ուրախության և տխրության արարողությունների համար նախատեսված նմանատիպ կառույցները բացակայում են: Ծրագիրն իրականացվել է այս տարի սուբվենցիոն միջոցներով՝ պետություն-համայնք համատեղ ներդրմամբ: Ծրագրի պայմանագրային արժեքը կազմել է շուրջ 4 մլն 200 հազար դրամ,որից 1 մլն 680 հազարը պետբյուջեի ներդրումն է, մնացածը՝ համայնքային:
