Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

ՀՀ տարածքային կառավարման և զարգացման նախարարություն կներկայացվի 43 համայնքի 102 ծրագիր

ՀՀ տարածքային կառավարման և զարգացման նախարարություն կներկայացվի 43 համայնքի 102 ծրագիր 05.02.2020

Սուբվենցիոն ծրագրերի հայտերի հավաքագրման և մշակման նպատակով Լոռու մարզպետարանում ձևավորված աշխատանքային խումբը՝ մարզպետի տեղակալ Գայանե Մարկոսյանի գլխավորությամբ, վերջին շտկումներն է իրականացնում՝ ծրագրերը ՀՀ տարածքային կառավարման և զարգացման նախարարություն ուղարկելուց առաջ: Անցած օրերին, գիշերուզօր, մասնագիտական թիմն աշխատել է՝ ջանք ու եռանդ չխնայելով, որպեսզի ծրագրային հայտերը կազմված լինեն առանց թերացումների: Վերջնարդյունքում նախարարությանը կներկայացվի մարզի թվով 43 համայնքի 102 ծրագիր:

Մարզպետարանը անվերապահ աջակցություն է ցուցաբերում մարզի զարգացմանը միտված ծրագրերին

Մարզպետարանը անվերապահ աջակցություն է ցուցաբերում մարզի զարգացմանը միտված ծրագրերին 05.02.2020

Փետրվարի 4-ին մարզպետի տեղակալ Գայանե Մարկոսյանը հյուրընկալել էր Վանաձորի ՀԿ կենտրոնի ներկայացուցիչներ Սյուզան Հովսեփյանին և Արտաշես Սերգոյանին: Վերջիններս տեղեկացրեցին, որ նախորդ տարի Դսեղում անցկացված «Ուտելի բույսերը հայկական խոհանոցում» փառատոնը, որը կազմակերպվել էր ՀԿ կենտրոնի ջանքերով, ամենամյա դարձնելու նպատակ ունեն և այդ հարցում այս տարի ակնկալում են նաև Լոռու մարզպետարանի աջակցությունը: -Այս փառատոնը ևս կարող է դառնալ Դսեղի ավանդական տոնակատարություններից մեկը, և դեպի մարզ բերել բազմաթիվ զբոսաշրջիկների,-նշեց Սյուզան Հովսեփյանը:

Պետության կողմից առաջարկվող գյուղատնտեսական աջակցության ծրագրերից առավել ակտիվորեն օգտվելու նպատակադրմամբ

Պետության կողմից առաջարկվող գյուղատնտեսական աջակցության ծրագրերից առավել ակտիվորեն օգտվելու նպատակադրմամբ 04.02.2020

Նախորդ տարեվերջին Լոռու մարզպետարանի և Հայաստանի ազգային ագրարային համալսարանի համագործակցությամբ մարզի անասնաբույժների վերապատրաստման դասընթացներ անցկացվեցին բուհի Վանաձորի մասնաճյուղ գործուղված դասախոսների կողմից, ինչը շատ դրական պրակտիկա հանդիսացավ՝ ի նպաստ մարզի անասնաբույժների գիտելիքների հարստացման: Համալսարանի թվով 4 ֆակուլտետների դեկաններ նաև հանդիպում-քննարկում ունեցան մարզպետի տեղակալ Գայանե Մարկոսյանի հետ: Արդյունքում պայմանավորվածություն ձեռք բերվեց շարունակելու ձևավորված համագործակցությունն՝ արդեն 2020թ.-ին դասընթացների նոր փուլ սկսելով մարզի գյուղատատեսների գիտելիքները հարստացնելու նպատակադրմամբ:

ԴՊՐՈՑՆԵՐԻ ՄԻՋՈՑՆԵՐԻ ՎԵՐԱԲԱՇԽՄԱՆ ԱՐԴՅՈՒՆՔՈՒՄ ՇՈՒՐՋ 80 ՄԼՆ ԴՐԱՄԻ ՇԻՆԱՇԽԱՏԱՆՔՆԵՐ ԵՆ ԻՐԱԿԱՆԱՑՎԵԼ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԸ ԵՂԱՎ ՄԵԾ ԱՅՐՈՒՄ, ՆԵՂՈՑ ԵՎ ԴԵԲԵԴ ՀԱՄԱՅՆՔՆԵՐԻ ԴՊՐՈՑՆԵՐՈՒՄ

ԴՊՐՈՑՆԵՐԻ ՄԻՋՈՑՆԵՐԻ ՎԵՐԱԲԱՇԽՄԱՆ ԱՐԴՅՈՒՆՔՈՒՄ ՇՈՒՐՋ 80 ՄԼՆ ԴՐԱՄԻ ՇԻՆԱՇԽԱՏԱՆՔՆԵՐ ԵՆ ԻՐԱԿԱՆԱՑՎԵԼ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԸ ԵՂԱՎ ՄԵԾ ԱՅՐՈՒՄ, ՆԵՂՈՑ ԵՎ ԴԵԲԵԴ ՀԱՄԱՅՆՔՆԵՐԻ ԴՊՐՈՑՆԵՐՈՒՄ 03.02.2020

Փետրվարի 1-ին Լոռու մարզպետ Անդրեյ Ղուկասյանը մարզպետարանի մի խումբ պաշտոնյաների ուղեկցությամբ եղավ Լոռու մարզի Մեծ Այրում, Նեղոց, Դեբեդ համայնքներում՝ ծանոթանալու դպրոցներում կատարված շինարարական աշխատանքներին: Ինչպես հայտնի է, Լոռու մարզպետ Անդրեյ Ղուկասյանի նախաձեռնությամբ 2019թ. մարզի դպրոցների կողմից տնտեսված միջոցների վերաբաշխման արդյունքում հնարավոր է եղել առավել կարիքավոր կրթօջախներում իրականացնել շուրջ 80 մլն դրամի տարաբնույթ շինարարական աշխատանքներ: Այդ ուսումնական հաստատությունների թվում են եղել նաև Մեծ Այրումի, Նեղոցի, Դեբեդի դպրոցները, որոնց երբեմնի խարխուլ տանիքներն այլևս հիմնանորոգված են: Տանիքների ասբոշիֆերից ծածկույթներն ամբողջությամբ փոխարինվել է ցինկապատ պրոֆիլավոր թիթեղից ծածկույթներով, կատարվել է նաև վնասված փայտանյութի փոխարինում և ջրահեռացում:

Մրցանակակիրները մարզի ղեկավարի կողմից պարգևատրվեցին մեդալներով և պատվոգրերով

Մրցանակակիրները մարզի ղեկավարի կողմից պարգևատրվեցին մեդալներով և պատվոգրերով 03.02.2020

Փետրվարի 2-ին Վանաձորի Օլիմպիական հերթափոխի և մենապայքարային մարզաձևերի մարզադպրոցում Լոռու մարզպետարանի և Հայաստանի սամբոյի ֆեդերացիայի հետ համատեղ անցկացվեց Լոռու մարզի սամբոյի պատանիների ընտրական առաջնությունը, որի նպատակը մարզում սամբո մարզաձևի մասսայականացումը և զարգացումը, մարզիկների սպորտային վարպետության կատարելագործումը և ուժեղագույն մարզիկների հայտնաբերումն էր՝ մարզային հավաքական թիմ ձևավորելու հեռանկարով:

Շինարարական ծավալներն այս տարի աննախադեպ են լինելու. հետևաբար կրկնապատկվելու է թե՛ աշխատանքը և թե՛ այդ աշխատանքներն անթերի իրականացնելու պատասխանատվությունը

Շինարարական ծավալներն այս տարի աննախադեպ են լինելու. հետևաբար կրկնապատկվելու է թե՛ աշխատանքը և թե՛ այդ աշխատանքներն անթերի իրականացնելու պատասխանատվությունը 03.02.2020

Պետություն-համայնք համատեղ ներդրմամբ իրականացվող սուբվենցիոն ծրագրերի հայտերի հավաքագրման և մշակման նպատակով Լոռու մարզպետարանում ձևավորվել է աշխատանքային խումբ՝ մարզպետի տեղակալ Գայանե Մարկոսյանի գլխավորությամբ: Թիմը կիրակի օրը՝ մինչև ուշ երեկոյան, աշխատանքներ է իրականացրել համայնքներից հայտերի հավաքագրման և դրանք պահանջված չափանիշերին համապատասխանեցնելու ուղղությամբ: Այսօր դրանք ներկայացվում են մարզի ղեկավարի ուշադրությանը:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2020-06-05 17:45:28