Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզում մեկնարկեց ամառային զորակոչը 24.06.2025
Այսօր՝ հունիսի 24-ին, ՀՀ ՊՆ Լոռու մարզի զինվորական կոմիսարիատի Վանաձորի բաժանմունքից պարտադիր ժամկետային զինվորական ծառայության մեկնեցին ամառային զորակոչի առաջին նորակոչիկները՝ Վանաձոր և Փամբակ խոշորացված համայնքներից: Նորակոչիկներին ծառայության ճանապարհելու արարողությանը ներկա էին Լոռու մարզպետի պաշտոնակատար Հովհաննես Ավետիսյանը, ՀՀ ՊՆ ՀԶԿ Լոռու մարզի զինվորական կոմիսար, փոխգնդապետ Սարգիս Վահրադյանը, Լոռու մարզպետի աշխատակազմի զորահավաքային նախապատրաստության բաժնի պետ Արմեն Հակոբյանը, Վանաձոր համայնքի ղեկավարի խորհրդական Արման Բերնեցյանը, իրավապահ մարմինների ներկայացուցիչներ, պաշտոնատար այլ անձինք, զինակոչիկների հարազատներն ու ընկերները:
Ցավակցական խոսք 23.06.2025
Խոր վշտով տեղեկացանք Լոռու մարզի, Վանաձորի առողջապահության ոլորտի նվիրյալ, հասարակական, քաղաքական գործիչ,Վանաձորի ավագանու անդամ, սիրելի բժշկուհի Գայանե Սեյրանի Քալանթարյանի անժամանակ մահվան մասին։ Նա մշտապես աչքի է ընկել ոչ միայն իր մասնագիտական բարձր կարողություններով, այլև համայնքի նկատմամբ իր մշտական հոգածությամբ ու սրտացավությամբ՝ ջանք չխնայելով, որ օր առաջ Վանաձորին վերաբերող խնդիրները լուծում ստանան։
«Սոճուտ» հանգստյան գոտում տրվել է քայլարշավային եռօրյա փառատոնի մեկնարկը 23.06.2025
Հունիսի 20-ին Լոռու մարզի Գյուլագարակ բնակավայրի «Սոճուտ» հանգստյան գոտում տրվել է քայլարշավային եռօրյա փառատոնի մեկնարկը: Միջոցառումը Լոռու մարզում իրականացվում է Լոռու մարզպետի աշխատակազմի և «Լոռու տարածաշրջանի զբոսաշրջության կառավարման գրասենյակ» ՀԿ-ի (Lori DMO) աջակցությամբ։ Հանդիսավոր միջոցառմանը մասնակցել են Լոռու մարզպետի աշխատակազմի զարգացման ծրագրերի մշակման և իրականացման բաժնի պետի պաշտոնակատար Կորյուն Շեկոյանը, մարզպետի աշխատակազմի այլ պատասխանատու պաշտոնյաներ, ՀՀ էկոնոմիկայի նախարարության զբոսաշրջության կոմիտեի ներկայացուցիչները, հայ-ֆրանսիական համագործակցության ինստիտուցիոնալ գործընկերները՝ Լոռու, Սյունիքից, Գեղարքունիքի մարզերից, Երևանից, երիտասարդներ:
Պահեստազորայինները պարգևատրվել են պատվոգրերով և արժեքավոր նվերներով 23.06.2025
Հունիսի 21-ին ՀՀ պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանը Վանաձորում հանդիպել է 25-օրյա վարժական հավաքին մասնակցած պահեստազորայինների հետ։ Հանդիպմանը մասնակցել և ողջույնի խոսքով հանդես է եկել նաև Լոռու մարզպետի պաշտոնակատար Հովհաննես Ավետիսյանը։
Լոռու մարզի դպրոցականները ամառային հանգիստը կանցկացնեն Հանքավանում 20.06.2025
ՀՀ պետական բյուջեի միջոցներով իրականացվող «Դպրոցականների ամառային հանգստի կազմակերպում» ամենամյա ծրագրի շրջանակում Լոռու մարզի 300 դպրոցական այս տարի ամառային հանգիստը կանցկացնի Հանքավանում։ Այսօր՝ հունիսի 20-ին, մարզի տարբեր համայնքներից 150 երեխա մեկնեց Հանքավանի «Լուսաբաց» մանկական ճամբար՝ մասնակցելու առաջին հերթափոխին։ Երեխաներին բարի ճանապարհ մաղթեցին Լոռու մարզպետի աշխատակազմի կրթության, մշակույթի և սպորտի վարչության պետ Նաիրա Բարիկյանը, վարչության մասնագետները, պատասխանատու այլ պաշտոնյաներ:
Անցկացվել է մարզային զորակոչային հանձնաժողովի նիստ 20.06.2025
Հունիսի 20-ին անցկացվել է Լոռու մարզային զորակոչային հանձնաժողովի նիստը, որը վարել է հանձնաժողովի նախագահ, ՀՀ Լոռու մարզպետի պաշտոնակատար Հովհաննես Ավետիսյանը: Հանձնաժողովի անդամներն են՝ ՀՀ ՊՆ Վանաձորի ռազմական ոստիկանության բաժնի պետ, փոխգնդապետ Վահան Անտոնյանը, ՀՀ ՊՆ ՀԶԿ Լոռու մարզի զինվորական կոմիսար, փոխգնդապետ Սարգիս Վահրադյանը, ՀՀ ՆԳՆ ոստիկանության ՀՈԳՎ Բազումի բաժնի պետ, փոխգնդապետ Ա.Հարությունյանը, Գուգարքի բաժնի պետ, փոխգնդապետ Մ.Եղշատյանը, Տարոնի բաժնի պետ, փոխգնդապետ Կ.Արզումանյանը, Թումանյանի բաժնի պետ, փոխգնդապետ Ա.Գյուրջանյանը, Ստեփանավանի բաժնի պետ, փոխգնդապետ Գ.Պալյանը, Սպիտակի բաժնի պետ, փոխգնդապետ Ս.Մալաքյանը, Տաշիրի բաժնի պետ, փոխգնդապետ Ա.Չթչյանը, Լոռու մարզպետի աշխատակազմի զորահավաքային նախապատրաստության բաժնի պետ, մարզային զորակոչային հանձնաժողովի քարտուղար Արմեն Հակոբյանը:
