Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզում մեկնարկել է «Սիլիկոնյան լեռներ-2025, Լոռի» տեխնոլոգիական ֆորումը 16.05.2025
Մայիսի 15-ին, Լոռու մարզի «ՔՈԱՖ Սմարթ» կենտրոնում տրվել է ամենամյա դարձած «Սիլիկոնյան լեռներ- 2025, Լոռի» տեխնոլոգիական ֆորումի մեկնարկը, որը կազմակերպվել էր «Տեղեկատվական և հաղորդակցության տեխնոլոգիաների գործատուների» միության (ՏՀՏ) նախաձեռնությամբ։ Արդեն յոթերորդ անգամ անցկացվող միջոցառմանը ներկա են եղել Լոռու մարզպետի տեղակալ Հովհաննես Ավետիսյանը, ՀՀ բարձր տեխնոլոգիական արդյունաբերության նախարարի տեղակալ Ռուբեն Սիմոնյանը, ՀՀ Էկոնոմիկայի նախարարության Զբոսաշրջության կոմիտեի նախագահ Լուսինե Գևորգյանը, ՏՀՏ գործատուների միության գործադիր տնօրեն Էդուարդ Մուսայելյանը, Լոռու մարզպետի աշխատակազմի և այլ գերատեսչությունների ներկայացուցիչներ, ՏՏ ոլորտի տեղական և միջազգային առաջատար փորձագետներ, մասնավոր հատվածի և հասարակական կազմակերպությունների ներկայացուցիչներ։
Ճանապարհվեցին վաստակած հանգստի 15.05.2025
Լոռու մարզպետ Արամ Ղազարյանը և մարզպետի աշխատակազմը մայիսի 14-ին վաստակած հանգստի են ճանապարհել Կրթության, մշակույթի և սպորտի վարչության գլխավոր մասնագետ Մարիամ Պողոսյանին և անձնակազմի կառավարման, փաստաթղթաշրջանառության և հասարակայնության հետ կապերի վարչության անձնակազմի կառավարման բաժնի գլխավոր մասնագետ, բարեվարքության հարցերով կազմակերպիչ Արտաշես Ադլոյանին: Նրանք իրենց երկարամյա գործունեությամբ նշանակալի ներդրում են ունեցել ոչ միայն Լոռու մարզպետի աշխատակազմի, այլև պետական կառավարման համակարգի զարգացման և կայացման գործում:
«Անկեղծ զրույց մարզպետի հետ». Լոռու մարզպետը հանդիպել է Վանաձորի պետական համալսարանի ուսանողների հետ 13.05.2025
Լոռու մարզպետ Արամ Ղազարյանն մայիսի 13-ին Վանաձորի պետական համալսարանում հանդիպում է ունեցել բուհի մի խումբ ուսանողների հետ: Մարզի ղեկավարին և ուսանողներին ողջունել է բուհի ռեկտոր Ռուստամ Սահակյանը և շնորհակալություն հայտնել Արամ Ղազարյանին նման նախաձեռնություն ցուցաբերելու համար: Իր խոսքում նա ընդգծել է այսօրինակ հանդիպումների կարևորությունը մի շարք արդիական հարցերի բարձրաձայնման և երիտասարդ սերնդին պետության, մարզի, համայնքների զարգացման գործընթացներում ներգրավելու առումով:
Լոռու մարզպետ Արամ Ղազարյանի գլխավորությամբ այսօր՝ մայիսի 12-ին, անցկացվեց աշխատանքային խորհրդակցություն՝ մարզպետի տեղակալ Հովհաննես Ավետիսյանի, մարզպետի աշխատակազմի կառուցվածքային ստորաբաժանումների ղեկավարների, պատասխանատու այլ պաշտոնյաների մասնակցությամբ: Մարզի ղեկավարի կողմից տրված հանձնարարականի համաձայն՝ Լոռու մարզպետի աշխատակազմի զարգացման ծրագրերի մշակման և իրականացման բաժնի պետի պաշտոնակատար Կորյուն Շեկոյանը, ոլորտային ստորաբաժանումների հետ քննարկումների արդյունքներից ելնելով, ներկայացրեց մարզում մի շարք ուղղություններով իրականացվելիք ծրագրերը, աշխատանքները՝ այդ ոլորտների զարգացմանը և ընդհանուր առմամբ մարզի առաջընթացին նպաստելու նպատակով՝ ինչպես կարճաժամկետ, այնպես էլ՝ երկարաժամկետ կտրվածքով:
Լոռու մարզպետը Վանաձորում հանդիպել է տնակային ավանի բնակիչներին՝ տեղում ծանոթանալու հիմնախնդիրներին 12.05.2025
Լոռու մարզպետ Արամ Ղազարյանը մայիսի 12-ին այցելել է Վանաձորի Սանկտ Պետերբուրգ փողոցի տնակային ավան, հանդիպել ժամանակավոր կացարաններում բնակվող քաղաքացիների հետ: Հանդիպմանը մասնակցել են նաև Լոռու մարզպետի տեղակալ Հովհաննես Ավետիսյանը, Վանաձոր համայնքի ղեկավարի պաշտոնակատար Արկադի Փելեշյանը, ՀՀ Քաղաքաշինության կոմիտեի նախագահի խորհրդական Հովսեփ Հովեյանը, Բնակարանային ֆոնդի կառավարման և կոմունալ ենթակառուցվածքների վարչության պետ Տանյա Արզումանյանը, 2018 թվականից ՀՀ վարչապետի հանձարարությամբ ստեղծված աղետի գոտու խնդիրներով զբաղվող հանձնաժողովի անդամներ՝ Քաջիկ Թադևոսյանը, «Ուղղակի ժողովրդավարություն» ՀԿ-ի նախագահ Գևորգ Քոթանջյանը, Լոռու մարզպետի աշխատակազմի, Վանաձորի համայնքապետարանի պատասխանատու պաշտոնյաներ:
Նշվել է ՀՀ ՊՆ ռազմական ոստիկանության կազմավորման 33-րդ տարեդարձը 08.05.2025
Մայիսի 5-ին նշվել է ՀՀ ՊՆ ռազմական ոստիկանության կազմավորման 33-րդ տարեդարձը։ Այդ առիթով ՀՀ ՊՆ Ռազմական ոստիկանության Վանաձորի բաժնում մայիսի 7-ին կազմակերպվել էր միջոցառում, որին ներկա են եղել Լոռու մարզպետ Արամ Ղազարյանը, ՀՀ ՌՈ պետի տեղակալ, գնդապետ Արմեն Սողոմոնյանը, ՀՀ ՊՆ Ռազմական ոստիկանության Վանաձորի բաժնի պետ, փոխգնդապետ Վահան Անտոնյանը, ՀՀ զինվորական քննչական գլխավոր վարչության յոթերորդ կայազորային քննչական բաժնի պետ, արդարադատության առաջին դասի խորհրդական Մարտիրոս Ավագյանը, Լոռու կայազորի զինվորական դատախազ, արդարադատության առաջին դասի խորհրդական Արման Ապրեսյանը, ՀՀ ՊՆ 3-րդ բանակային կորպուսի հրամանատարի տեղակալ, գնդապետ Գեղամ Մարտիրոսյանը, բարձրաստիճան այլ սպաներ, ՌՈ զինծառայողներ և վետերաններ։
