Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Արյունատվության ակցիա՝ Արյան դոնորների միջազգային օրվա առթիվ 16.06.2025
Հունիսի 14-ին՝ Արյան դոնորների համաշխարհային օրվա առթիվ, «Յոլյան» արյունաբանության և ուռուցքաբանության կենտրոնի Արյան ծառայության Լոռու մարզային բաժանմունքում կազմակերպվել էր արյունատվության ակցիա, որին մասնակցում էին Լոռու մարզպետի պաշտոնակատար, մարզպետի տեղակալ Հովհաննես Ավետիսյանը, մարզպետի աշխատակազմի առողջապաhության և սոցիալական ոլորտի հարցերի վարչության պետ Ռուզաննա Պողոսյանը, մարզպետի աշխատակազմի ներկայացուցիչներ, առողջապահական հիմնարկների ղեկավարներ, բուժաշխատողներ, քաղաքացիներ։
Աշխատանքային խորհրդակցություն 16.06.2025
Լոռու մարզպետի պաշտոնակատար, մարզպետի տեղակալ Հովհաննես Ավետիսյանն այսօր՝ հունիսի 16-ին անցկացրել է աշխատանքային խորհրդակցություն մարզպետի աշխատակազմի գլխավոր քարտուղար Կամո Աշրաֆյանի, կառուցվածքային ստորաբաժանումների ղեկավարների, պատասխանատու այլ պաշտոնյաների մասնակցությամբ: Խորհրդակցության ընթացքում մարզպետի աշխատակազմի ստորաբաժանումների ղեկավարները հանդես են եկել նախորդ շաբաթվա ընթացքում իրականացված աշխատանքների վերաբերյալ հաշվետվություններով, ներկայացրել նաև ընթացիկ շաբաթում իրականացվելիք աշխատանքները:
ՀՀ կրթության, գիտության, մշակույթի և սպորտի նախարարության հայտարարած մշակութային կրթության տարվա շրջանակում անցկացվել է «Մշակութային վերջին զանգ» մրցույթը: ԿԳՄՍ նախարարի հրամանով հաստատված «Մշակութային վերջին զանգ» միջոցառումների մրցութային հանձնաժողովն ամփոփել է արդյունքները՝ ըստ սահմանված գնահատման սանդղակի: Ժյուրիի գնահատման հիման վրա յուրաքանչյուր մարզում, ինչպես նաև մայրաքաղաքում հաղթող են ճանաչվել երկուական դպրոցներ: «Մշակութային վերջին զանգ» մրցույթին դպրոցները մասնակցել են կամավորության սկզբունքով՝ ներկայացնելով համապատասխան հայտ մինչև 2025 թվականի մայիսի 29-ը ներառյալ: Հայտը ներառում էր միջոցառման ծրագիրը (սցենար), 10 լուսանկար միջոցառումից, ինչպես նաև մինչև 10 րոպեանոց տեսագրություն (այդ թվում՝ սիրողական տեսագրություններ): Լոռու մարզից ներկայացված է եղել 23 հայտ Լոռու մարզից հաղթող են ճանաչվել Վանաձորի Մ. Մաշտոցի անվան թիվ 15 հիմնական և Սպիտակի Սուրեն Ավետիսյանի անվան ավագ դպրոցներ
Լոռու մարզպետի աշխատակազմի գլխավոր մասնագետ Արտյոմ Շահվերդյանը պարգևատրվել է ՀՀ ՊՆ պատվոգրով 13.06.2025
Լոռու մարզպետի աշխատակազմի գյուղատնտեսության և շրջակա միջավայրի պահպանության վարչության գլխավոր մասնագետ Արտյոմ Շահվերդյանը ՀՀ Զինված ուժերի գլխավոր շտաբի պետ Էդվարդ Ասրյանի կողմից վարժական հավաքների ընթացքում ունեցած անձնական ներդրման և լավագույն արդյունքներ դրսևորելու համար պարգևատրվել է ՀՀ Պաշտպանության նախարարության պատվոգրով: Հունիսի 13-ին Արտյոմ Շահվերդյանին պատվոգիրը հանձնել է ՀՀ ՊՆ Լոռու տարածքային N զորամասի 2-րդ գումարտակի շտաբի պետ, մայոր Գոռ Երիցյանը:
«Հայրենիքն, արվեստն ու ես». անցկացվել են երկրորդ փուլի լսումները 12.06.2025
ԿԳՄՍ նախարարությունն ու «Հայ Փոքրիկ Երգիչներ» միջազգային ընկերակցությունն իրականացնում են մշակութային կրթության աջակցության ծրագիր՝ նոր ձևաչափով։ Այն ներառում է վարպետաց դասեր, դասալսումներ և դպրոցների մասնագիտական գնահատում Հայաստանի բոլոր մարզերում։ Ծրագրի շրջանակում ապրիլի 25-ից մեկնարկել է նաև համապետական մրցույթ՝ «Հայրենիքն, արվեստն ու ես» խորագրով։ «Հայրենիքն, արվեստն ու ես» մրցույթը կազմակերպվում է Հայաստանի Հանրապետության երաժշտական, արվեստի, գեղարվեստի, պարարվեստի դպրոցներում կրթություն ստացող աշակերտների համար՝ նպատակ ունենալով բացահայտել շնորհալի և ստեղծագործական ներուժ ունեցող երեխաներին, խթանել մշակութային կրթության զարգացումը և ապահովել մասնագիտական աճի հնարավորություններ։
ՀՀ կրթության, գիտության, մշակույթի և սպորտի նախարարության կողմից իրականացվող «Տարվա լավագույնները 2024-2025» մրցույթի արդյունքներով Լոռու մարզը ներկայացնող 36 մանկավարժ հանրապետության մասշտաբով լավագույնն են ճանաչվել իրենց աշխատանքում։ Մասնավորապես՝ «Հանրակրթական ուսումնական հաստատության լավագույն տնօրեն» են ճանաչվել ճանաչվել Վանաձորի թիվ 8, Վանաձորի Գայի անվան թիվ 21 և Նեղոցի Ա.Բեգջանյանի անվան հիմնական դպրոցների տնօրեններ Անուշ Սարուխանյանը, Աղասի Թովմասյանը և Արևիկ Սոսինյանը,
