Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ ԿԳՄՍ նախարարության նախաձեռնությամբ կազմակերպված «Հայկական համադպրոցական գիտության փառատոնի» 2025 թվականի եզրափակիչ փուլում Լոռու մարզի դպրոցներն արժանացել են 5՝ 1֊ին կարգի, 2՝ 2֊րդ կարգի, 1՝ 3֊րդ կարգի դիպլոմների և 7՝ պատվոգրի: Փառատոնին այս տարի ընդհանուր առմամբ շուրջ 230 սովորող է մասնակցել՝ ներկայացնելով 94 նախագիծ հինգ հիմնական անվանակարգերում՝ մաթեմատիկա-ծրագրավորում, ֆիզիկա-աստղագիտություն, քիմիա, կենսաբանություն, սոցիալական գիտություններ: Եզրափակիչ փուլում նրանք ներկայացրել են հետազոտությունների արդյունքները: Փառատոնին մասնակցել են միջին և ավագ դասարանների աշակերտներ։ Ծրագրի նպատակն է դպրոցահասակների շրջանում գիտական հետազոտությունների նկատմամբ հետաքրքրության սերմանումը, խմբային աշխատանքի, նորարարական նախագծերի իրականացման և դրանց ներկայացման հմտությունների զարգացումը:
Կարևորվում է յուրաքանչյուր բնակչի տեսակետը համայնքի առաջընթացի գործում 04.04.2025
Լոռու մարզպետ Արամ Ղազարյանի հանձնարարությամբ պատասխանատու պաշտոնյաները շարունակում են հանդիպումները բնակչության հետ: Հանդիպումների նպատակն է զրուցել քաղաքացիների հետ, արձանագրել նրանց կարիքները, համայնքային խնդիրների վերաբերյալ առաջարկությունները և համատեղ քննարկել մարզի զարգացման հեռանկարները: ՀՀ կառավարության, Լոռու մարզպետի աշխատակազմի, տեղական ինքնակառավարման մարմինների և քաղաքացիների միջև սերտ համագործակցության արդյունքում առավել արդյունավետ, նպատակային և համակարգված են լուծվում բնակչությանը հուզող խնդիրները:
Լոռու մարզպետի աշխատակազմը շարունակում է հանդիպումները բնակչության հետ 04.04.2025
Լոռու մարզպետ Արամ Ղազարյանի հանձնարարությամբ տեղակալ Հովհաննես Ավետիսյանն ապրիլի 2-ին այցելել է Վանաձոր քաղաքի Շինարարների փողոցի 5/1 շենքի բակ, հանդիպել բնակիչների հետ, ծանոթացել առկա հիմնախնդիրներին։ Հանդիպմանը ներկա են եղել նաև Վանաձոր համայնքի «Քաղաքացիական պայմանագիր» խմբակցության ավագանու անդամներ: Հանդիպման ընթացքում մարզպետի տեղակալը մանրամասն ներկայացրել է Վանաձորում ՀՀ կառավարության կողմից և սուբվենցիոն ծրագրերով տարբեր ոլորտներում իրականացվող նախաձեռնությունները:
Վանաձորում բացվել է «Յան» ախտորոշիչ կենտրոն 03.04.2025
Ապրիլի 2-ին Լոռու մարզպետ Արամ Ղազարյանը Վանաձորում ներկա է եղել «Յան» ախտորոշիչ կենտրոնի հանդիսավոր բացման արարողությանը: Վերջինիս մասնակցել են նաև Գուգարաց թեմի առաջնորդ գերաշնորհ տեր Հովնան եպիսկոպոս Հակոբյանը, Վանաձոր համայնքի ղեկավար Արկադի Փելեշյանը, Ստեփանավան համայնքի ղեկավար Արմեն Գրիգորանը, Տաշիր համայնքի ղեկավար Էդգար Արշակյանը, մարզպետի աշխատակազմի, բուժհաստատությունների ղեկավարներ, ներկայացուցիչներ, հյուրեր: «Յան» ախտորոշիչ կենտրոնը հիմնադրվել է գործարար, առողջապահական գործի կազմակերպիչ Վազգեն Գալստյանի կողմից: Այստեղ նախատեսվում է իրականացնել մագնիսառեզոնանսային տոմոգրաֆիա՝ 3 տեսլա ուժգնությամբ սարքի միջոցով (ՄՌՏ), համակարգչային տոմոգրաֆիա, որի սարքի հզորությունը թույլ է տալիս կատարել նաև անգիոգրաֆիկ հետազոտություններ, ինչպես նաև ուլտրաձայնային հետազոտություններ, թերապևտի, սրտաբանի, ներզատաբանի, նյարդաբանի, ռևմատոլոգի բժշկական մասնագիտական խորհրդատվություն:
ՀՀ կառավարությունը գումար է հատկացրել Լոռու մարզի թվով 14 մանկապարտեզի գույքով ապահովման նպատակով 03.04.2025
ՀՀ կառավարության ապրիլի 3-ի նիստում կայացված որոշմամբ՝ Լոռու մարզպետի աշխատակազմին 21 մլն 839.4 հազար դրամ է հատկացվել՝ ՀՀ կառավարության որդեգրած «մինչև 2026թ առնվազն 500 մանկապարտեզի կառուցման, վերակառուցման, հիմնանորոգման» ծրագրի շրջանակներում Լոռու մարզի շինարարությունն ավարտված կամ 2025թ-ին ավարտվող թվով 14 մանկապարտեզի գույքով ապահովման նպատակով: Շինարարական աշխատանքներն իրականացվել են մարզերի զարգացման համար հատկացվող սուբվենցիոն ծրագրերի շրջանակներում:
Սույն թվականի ապրիլի 10-ին՝ ժամը 16.00-ին, ՀՀ Լոռու մարզպետի աշխատակազմի նիստերի դահլիճում շահագրգիռ քաղաքացիական հասարակական կազմակերպությունների մասնակցությամբ տեղի է ունենալու հանրային քննարկում՝ 2026-2028 թվականների միջնաժամկետ ծախսային ծրագրերի և ՀՀ 2026 թվականի պետական բյուջեի նախագծերի մշակման աշխատանքների շրջանակներում բյուջետային հայտերի կազմման վերաբերյալ: Ներկայացվող հղման միջոցով կարելի է ծանոթանալ ՀՀ Լոռու մարզպետի աշխատակազմի ապարատի պահպանման ծախսերի 2026-2028 թվականների միջնաժամկետ ծախսային ծրագրի և 2026 թվականի բյուջետային ֆինանսավորման հայտի նախագծերին http://lori.mtad.am/hayt2026/
