Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հարգանքի տուրք և խոնարհում 44-օրյա պատերազմի զոհերի հիշատակին 27.09.2024
Սեպտեմբերի 27-ին Լոռու մարզպետ Արամ Ղազարյանը, տեղակալ Հովհաննես Ավետիսյանի, Վանաձորի համայնքապետի պաշտոնակատար Արկադի Փելեշյանի, մարզային և համայնքային իշխանությունների ներկայացուցիչների հետ Վանաձորի զինվորական պանթեոնում մասնակցել է 44-օրյա պատերազմի տարելիցի կապակցությամբ զոհերի հիշատակին մատուցված հարգանքի տուրքի միջոցառմանը: Պաշտոնյաները ծաղիկներ են խոնարհել հայրենիքի պաշտպանության համար անմահացած հերոսների շիրիմներին և խնկարկել նրանց հիշատակը:
ՀՀ ՏԿԵ նախարար Գնել Սանոսյանը և Լոռու մարզպետ Արամ Ղազարյանը մասնակցել են Լոռի Բերդ համայնքի համայնքապետարանի նորամուտի արարողությանը: Միջոցառմանը ներկա են եղել նաև Ստեփանավան և Տաշիր համայնքների ղեկավարներ Արմեն Գրիգորյանը և Էդգար Արշակյանը: Համայնքապետարանը վերակառուցվել է ՀՏԶՀ պատվիրատվությամբ, կառուցվել է նաև երկրորդ հարկ:Պայմանագրային արժեքը 162 մլն դրամ է: Նախարարը Լոռի Բերդի համայնքապետարանում համայնքի ղեկավար Արայիկ Ներսիսյանի,աշխատակազմի և ավագանու մասնակցությամբ անցկացված խորհրդակցության ընթացքում շնորհավորել է նորամուտի կապակցությամբ և նշել, որ համայնքային կենտրոնների, համայնքապետարանների և քաղաքացիների սպասարկման գրասենյակների պայմանների բարելավումը ՀՀ կառավարության առաջնահերթություններից են։
ՀՀ ՏԿԵ նախարար Գնել Սանոսյանը և Լոռու մարզպետը այցելել են աղետի գոտի 26.09.2024
Լոռու մարզ կատարած այցի շրջանակներում ՀՀ ՏԿԵ նախարար Գնել Սանոսյանը Ալավերդու համայնքապետարանում անցկացրել է աշխատանքային քննարկում, որին ներկա էին Լոռու մարզպետ Արամ Ղազարյանը, Լոռու մարզպետի տեղակալներ Հովհաննես Ավետիսյանը և Գոռ Ասրյանը, Ալավերդու համայնքապետ Դավիթ Ղումաշյանը, պատասխանատու այլ պաշտոնյաներ: Քննարկվել են աղետի գոտում իրականացված վերականգնողական աշխատանքների, ինչպես նաև աղետի հետևանքով վնասներ կրած բնակարանների նորոգման, փոխհատուցման դիմումների ընդունման ընթացքը, ներկայացվել են գործընթացի հետ կապված խնդիրները և դրանց լուծման հնարավոր տարբերակները:
ՀՀ տարածքային կառավարման և ենթակառուցվածքների նախարար Գնել Սանոսյանն աշխատանքային այցով Լոռու մարզում է: Լոռու մարզպետ Արամ Ղազարյանի, Ճանապարհային դեպարտամենտ հիմնադրամի գործադիր տնօրեն Արմեն Զոհրաբյանի, ՃԴ տնօրենի տեղակալ Սերժիկ Պետրոսյանի, Սպիտակ համայնքի ղեկավար Քաջայր Նիկողոսյանի, Ստեփանավան համայնքի ղեկավար Արմեն Գրիգորյանի, պատասխանատու այլ պաշտոնյաների ուղեկցությամբ նախարարը նախ եղել է Մ-3 միջպետական նշանակության ավտոճանապարհի Սպիտակ-Վանաձոր հատվածում, հետևել ճանապարհի հիմնանորոգման աշխատանքների ընթացքին:
Մարզի ղեկավարը հետևել է ջրհեղեղից տուժած բնակարանների նորոգման շինաշխատանքների ընթացքին 25.09.2024
Լոռու մարզպետ Արամ Ղազարյանը սեպտեմբերի 24-ին այցելել է աղետի գոտու ջրհեղեղից առավել տուժած Ալավերդի համայնքի Սանահին կայարան թաղամաս և Քարկոփ բնակավայր: Մարզի ղեկավարը Սանահին կայարան թաղամասում հետևել է ջրհեղեղից տուժած բնակարանների նորոգման շինաշխատանքների ընթացքին: Մարզպետը հանդիպում է ունեցել նաև Սանահին կայարան թաղամասի թիվ 12 շենքի բնակիչների հետ, պատասխանել շենքի հետագա ճակատագրի հետ կապված, ինչպես նաև նրանց մտահոգող այլ հարցերի:
Հայաստանի Հանրապետության անկախության օրվա առթիվ միջոցառումներ են անցկացվել մարզկենտրոնում 23.09.2024
Հայաստանի Հանրապետության անկախության 33-ամյակի տոնի առթիվ Լոռու մարզպետի տեղակալ Հովհաննես Ավետիսյանը, Վանաձոր համայնքի ղեկավարի պաշտոնակատար Արկադի Փելեշյանը, մարզային և համայնքային իշխանությունների ներկայացուցիչները Վանաձորի Սուրբ Գր. Նարեկացի առաջնորդանիստ եկեղեցում սեպտեմբերի 21-ին ներկա են եղել հանրապետական մաղթանքի արարողությանը՝ հանդիսապետությամբ Գուգարաց թեմի առաջնորդ, Գերաշնորհ Տեր Հովնան եպիսկոպոս Հակոբյանի: Ապա նրանք այցելել և ծաղկեպսակներ են դրել ՀՀ Ազգային հերոս Սպարապետ Վազգեն Սարգսյանի արձանին:
