Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քննարկեցին ծրագրային հարցեր 21.11.2012
Նոյեմբերի 19-ին «Հայջրմուղկոյուղի» ընկերության գլխավոր տնօրեն և պայմանագրային կառավարիչ Պատրիկ Լորենը հանդիպեց Լոռու մարզպետ Արթուր Նալբանդյանի հետ՝ քննարկելու 2013-2014 թվականների ընթացքում Լոռու մարզի բնակավայրերում իրականացվող ծրագրերը: Նա տեղեկացրեց, որ հաջորդ երկու տարիների ընթացքում ջրագծերի բարելավման ծրագրում կընդգրկվեն նաև Սպիտակ, Ախթալա քաղաքային համայնքները։ Այսպիսով` մարզի բոլոր քաղաքային և մի շարք գյուղական համայնքներում գերմանական բանկի աջակցությամբ ջրամատակարարման ցանցի բարելավման աշխատանքներ կկատարվեն: Նա համառոտ ներկայացրեց այս տարվա ընթացքում կատարվող աշխատանքները: Ըստ Պ. Լորենի՝ ներկայումս աշխատանքներ են տարվում Վանաձոր, Ստեփանավան, Տաշիր, Ալավերդի քաղաքներում, հարակից գյուղական համայնքներում:
Առայժմ ավելի քան 10 մլն դրամ «Համահայկական հիմնադրամին» 20.11.2012
Նոյեմբերի 17-ին Վանաձորի Շառլ Ազնավուրի անվան մշակույթի պալատում անցկացվեց Լոռու մարզային « Դրամահավաք-մարաթոն- 2012»-ը: Այն նախատեսվում է տրամադրել «Հայաստան» համահայկական հիմնադրամին: Լոռու մարզային դրամահավաքը ավելի քան 10 տարի կազմակերպվում է «Լոռու դպրոց» հիմնադրամի միջոցով:
«Բաց դռների օր» Վանաձորի բժշկական կենտրոնում 19.11.2012
Նոյեմբերի 21-ին և 22-ին ժամը 11.00-ից «Վանաձորի բժշկական կենտրոն» ՓԲԸ-ում ( «Նարեկ») Երևանի «Արաբկիր» բժշկական համալիր- ԵԴԱԻ-ի, Մալայանի անվան ակնաբուժական կենտրոնի և Պերինատոլոգիայի, մանկաբարձության և գինեկոլոգիայի ինստիտուտի մանկաբույժ, մանկական ուրոլոգ, մեծահասակների ակնաբույժ, մանկաբարձ-գինեկոլոգ մասնագետների կողմից այցելուներին ցուցաբերվելու է բժշկական անվճար օգնություն
Նոյեմբերի 17-ը ուսանողների միջազգային օրն է 17.11.2012
Լոռու մարզպետ Արթուր Նալբանդյանի ուղերձը մարզի ուսանողությանը
Մեկնարկել է հաշմանդամության հիմնահարցերի միամսյակը 16.11.2012
Հաշմանդամություն ունեցող անձանց հարցերով զբաղվող Լոռու մարզային հանձնաժողովը նոյեմբերի 15-ին անցկացրեց ի հերթական նիստը: Ինչպես հայտնի է, հաշմանդամների հարցերով զբաղվող ազգային հանձնաժողովը նոյեմբերի 15-ից մինչև դեկտեմբերի 15-ը հայտարարել է հաշմանդամության հիմնահարցերի լուծմանը նվիրված միամսյակ, որի ընթացքում նախատեսվում է իրականացնել մի շարք միջոցառումներ: Ինչպես նշեց մարզային հանձնաժողովի քարտուղար, մարզպետարանի սոցիալական ապահովության բաժնի պետ Վալերի Ջաղինյանը, միամսյակի շրջանակներում մարզում ևս կիրականացվեն մի շարք միջոցառումներ` կլոր սեղան-քննարկումներ, հաշմանդամություն ունեցող երեխաների և երիտասարդների ձեռքի աշխատանքների, արվեստի գործերի ցուցադրություններ, համերգներ, թեքահարթակների կառուցում, կրթական հաստատություններում պայմանների հարմարեցում, մատչելի միջավայրի ստեղծում, տարաբնույթ ծրագրեր հասարակական կազմակերպությունների մասնակցությամբ և այլն: Նա ակտիվ մասնակցության կոչ արեց բոլոր կառույցներին և նշեց, որ լավագույն ծրագրերը կխրախուսվեն և կլուսաբանվեն:
Անվճար բժշկական օգնություն եւ խորհրդատվություն՝ Վանաձորում 15.11.2012
ՀՀ առողջապահության նախարար Դերենիկ Դումանյանի հանձնարարությամբ հանրապետության ողջ տարածքում իրականացվում է «Բաց դռների օր» ծրագիր: Նոյեմբերի 14 և 15-ին նմանատիպ ակցիա անցկացվեց Վանաձորի թիվ 1 համաբուժարանում: Վանաձորում էին Երևանի Մխիթար Հերացու անվան թիվ 1 հիվանդանոցային համալիրի բժիշկները:
