Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հուլիսի 10-ին Լոռու մարզպետարանի գլխավոր քարտուղար Նարեկ Սարգսյանը հանդես եկավ մամլո ասուլիսով, որի բուն նպատակը նախորդ մեկ ամսվա ընթացքում մարզպետարանի աշխատակազմի կողմից կատարված աշխատանքների վերաբերյալ հաշվետվության ներկայացումն էր:
Ստեփանավանի սոցիալական աջակցության տարածքային գործակալության պետ է նշանակվել Արթուր Վարդանյանը 11.07.2018
ՀՀ Լոռու մարզպետի տեղակալ Սերգեյ Սարուխանյանը 2018թ. հուլիսի 10-ին այցելեց աշխատակազմի Ստեփանավանի սոցիալական աջակցության տարածքային գործակալություն, որի պետի ժամանակավոր թափուր պաշտոնը ՀՀ Լոռու մարզպետարանի աշխատակազմի ղեկավարի 2018թ. հունիսի 29-ի թիվ 157 հրամանով զբաղեցնում է Արթուր Վարդանյանը:
Խորհրդակցություն Տաշիրի տարածշրջանի համայնքների ղեկավարների հետ 11.07.2018
Մարզպետ Հրանտ Մարգարյանը խորհրդակցություն անցկացրեց Տաշիրի տարածաշրջանի երեք խոշորացված՝ Տաշիր, Մեծավան և Սարչապետ համայնքների ղեկավարների հետ: Խորհրդակցությանը ներկա էին նաև մարզպետի տեղակալ Արամ Խաչատրյանը, Լոռու մարզպետարանի աշխատակազմի ոլորտային պատասխանատուներ:
Աշխատանքային քննարկումներ Տաշիրի տարածարջանի դպրոցների տնօրենների մասնակցությամբ 11.07.2018
Հուլիսի 11-ին Լոռու մարզպետ Հրանտ Մարգարյանը հրավիրել էր Տաշիրի տարածաշրջանի դպրոցների տնօրեններին՝ նրանց հետ ոլորտին առնչվող մի շարք խնդիրներ քննարկելու նպատակով: Հանդիպմանը մասնակցում էին նաև Լոռու մարզպետի տեղակալ Սերգեյ Սարուխանյանը, մարզպետարանի գլխավոր քարտուղար Նարեկ Սարգսյանը, Կրթության, մշակույթի և սպորտի վարչության պետի պաշտոնակատար Արփինե Մատինյանը, Կրթական ծրագրերի համակարգող Դավիթ Հակոբյանը:
Կայացավ ինժեներական երկրորդ համաժողով-ցուցահանդեսը 09.07.2018
Հուլիսի 7-ին Վանաձորի տեխնոլոգիական կենտրոնում անցկացվող Հայաստանում ինժեներական երկրորդ համաժողով-ցուցահանդեսին մասնակցելու նպատակով Վանաձոր էին ժամանել ՀՀ ԿԳ նախարար Արայիկ Հարությունյանը և Տրանսպորտի, կապի և տեղեկատվական տեխնոլոգիաների փոխնախարար Հակոբ Արշակյանը: Նրանք Լոռու մարզպետ Հրանտ Մարգարյանի հետ միասին մարզեպետարանում կարճ խորհրդակցություն անցկացրեցին փոխմարզպետներ Արամ Խաչատրյանի, Անդրեյ Ղուկասյանի, Սերգեյ Սարուխանյանի և ոլորտային պատասխանատու պաշտոնյաների մասնակցությամբ՝ ոլորտներում առկա խնդիրները քննարկելու նպատակով:
Աշխատանքային խորհրդակցություն 09.07.2018
Այսօր Լոռու մարզպետ Հրանտ Մարգարյանը փոխմարզպետներ Արամ Խաչատրանի, Անդրեյ Ղուկասյանի, Սերգեյ Սարուխանյանի, մարզպետարանի գլխավոր քարտուղար Նարեկ Սարգսյանի և մի խումբ ստորաբաժանումների ղեկավարների մասնակցությամբ խորհրդակցություն անցկացրեց մի քանի կարևոր հանձնարարականների քննարկման նպատակով: Մինչ քննարկվելիք հարցերին անդրադառնալը, մարզպետը շնորհավորեց Ա. Խաչատրյանին օրերս տոնած հոբելյանի կապակցությամբ՝ մաղթելով հաջողություններ անձնական կյանքում և աշխատանքում:
