Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Սպարապետը կդառնար 60 տարեկան 05.03.2019
Մարտի 5-ին Սպարապետ Վազգեն Սարգսյանը կդառնար 60 տարեկան: Այդ կապակցությամբ այսօր Սպարապետի արձանի մոտ տեղի ունեցավ ծաղիկների և ծաղկեպսակների խոնարհման արարողություն: Ներկա էին Լոռու մարզպետ Անդրեյ Ղուկասյանը, Վանաձորի քաղաքապետ Մամիկոն Ասլանյանը, Գուգարաց թեմի առաջնորդ տեր Սեպուհ արքեպիսկոպոս Չուլջյանը, մարզպետարանի և քաղաքապետարանի պաշտոնյաներ, հոգևորականներ, ազատամարտիկներ, զինվորականներ, ուսանողներ, այլոք:
Անդրեյ Ղուկասյանը օլիմպիադայի մասնակիցներին հաջողություն մաղթեց 04.03.2019
«Հայոց եկեղեցու պատմություն» առարկայից անցկացվող օլիմպիադայի մարզային փուլին այսօր ներկա գտնվեց մարզպետ Անդրեյ Ղուկասյանը Լոռու մարզպետարանի կրթության, մշակույթի և սպորտի վարչության պետ Ռաֆայել Հարությունյանի ուղեկցությամբ:
Մարտի 1-ին մարզպետ Անդրեյ Ղուկասյանը հյուրընկալել էր «Իմ քայլը հանուն Լոռու մարզի» բիզնես համաժողովում՝ որպես կամավոր ներգրավված Վանաձորի երկու պետական բուհերի մի խումբ ուսանողների: Մարզի ղեկավարը շնորհակալություն հայտնեց երիտասարդներին ֆորումի ընթացքում ցուցաբերած մեծ աջակցության համար: Նա կոչ արեց ուսանողներին լինել միշտ նախաձեռնող, պատրաստակամ, մասնակից դառնալ հասարակական-քաղաքացիական ողջունելի նախաձեռնություններին՝ այդ կերպ ակտիվորեն մասնակցելով մարզի զարգացմանը.
Մարզպետ Անդրեյ Ղուկասյանի նախաձեռնությամբ մարտի 4-ին հանդիպում էր կազմակերպվել մարզի երիտասարդ սերնդի արվեստագետների, մտավորականների հետ: Հանդիպմանը մասնակցում էին նաև մարզպետարանի ոլորտի պատասխանատու պաշտոնյաներ:
Հայտարարություն 01.03.2019
«Հասարակություն առանց բռնության» ՀԿ-ն հայտարարում է «Take Action» Կանանց քաղաքական ակումբ ծրագրի մասնակիցների/անդամների մրցույթ։ Ծրագիրը ֆինանսավորվում է Հայաստանում ԱՄՆ-ի դեսպանատան Ժողովրդավարության հանձնաժողովի փոքր դրամաշնորհների ծրագրի շրջանակներում։ Այն հնարավորություն կտա զարգացնելու կանանց գիտելիքներն ու կարողությունները քաղաքական դաշտում, ծանոթանալու ակտիվ կանանց հետ, հանդիպելու հայտնի կին քաղաքական գործիչներին և դառնալու քաղաքական ակումբի անդամ: Մանրամասներին և դիմելու ընթացակարգին ծանոթանալու համար այցելել հետևյալ կայքէջ՝ https://bit.ly/2E26ytd ։
Շուրջօրյա աշխատանքներ կիրականացվեն ճանապարհների անցանելիությունն ապահովելու նպատակով 01.03.2019
Լոռու մարզպետ Անդրեյ Ղուկասյանի հանձնարարությամբ ձյան առատ տեղումների հետևանքով մարզպետարանի քաղաքաշինության վարչության տրանսպորտի և ճանապարհաշինության աշխատակիցներն այսօր վաղ առավոտից շրջայցեր են իրականացնում հանրապետական և միջպետական ճանապարհների անցանելիության վերահսկման նպատակով:Նրանք մասնավորապես եղել են Մ8 և Մ3 ճանապարհներին: Բաժնի պետ Վահրամ Ղարսյանի վստահեցմամբ, ճանապարհների պահպանություն իրականացվող ճանապարհաշինական ընկերությունները շուրջօրյա աշխատանքներ կիրականացնեն ճանապարհների անցանելիությունն ապահովելու նպատակով:
