Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Ընդդեմ կոռուպցիայի 19.03.2012

«Հայաստանի երիտասարդ իրավաբանների ասոցացիա» հասարակական կազմակերպությունը 2009 թվականից ի վեր հանրապետության մարզերում ակտիվ գործունեություն է ծավալել կոռուպցիոն երևույթների դեմ: Կազմակերպությունն այս հարցում ջանում է համագործակցել շահագրգիռ պետական կառույցների հետ: Մարտի 14-ին Լոռու մարզպետարանի և ասոցացիայի միջև կնքվեց հակակոռուպցիոն գործունեության համաձայնագիր(տեանյութ):

Մարզպետի թռուցկաժողովում 12.03.2012

Լոռու մարզպետի հերթական աշխատանքային խորհրդակցությունում առաջին հերթին անդրադարձ եղավ մարզի համայնքներում սեփական եկամուտների հավաքագրման ընթացքին: Ֆինանսական և սոցիալտնտեսական վարչության պետ Սևակ Հովհաննիսյանը տեղեկացրեց, որ իրավիճակի առանձնակի փոփոխություն չկա, առավելապես մտահոգիչ է հողի հարկի հավաքագրման պատկերը: Գյուղատնտեսության ու բնապահպանության վարչության պետ Գրիգոր Հակոբյանը զեկուցեց մատչելի պայմաններով պարարտանյութի և դիզվառելիքի բախշման ընթացքի մասին: Մարզպետ Արթուր Նալբանդյանը իր դժգոհությունն արտահայտեց հատկապես համայնքների մեծ մասում շրջակա միջավայրի նկատելի աղտոտվածության վերաբերյալ (տեսանյութը՝ տեղեկատվության և հասարակայնության հետ կապերի բաժնի):

Երջանկություն և բարօրություն Ձեզ սիրելի կանայք 09.03.2012

Կանանց միջազգային օրվա առիթով Լոռու մարզի բոլոր համայնքներում, ուսումնական հաստատություններում, հիմնարկ-ձեռնարկություններում, հասարակական կազմակերպություններում և այլուր հանդիսություններ կազմակերպվեցին մեր սիրելի մայրերի, կանանց ու քույրերի տոնը շնորհավորելու, գարնանաբույր ծաղիկներով ու նվերներով նրանց օրը յուրատեսակ իմաստավորելու համար: Լոռու մարզպետ Արթուր Նալբանդյանը ևս իր բազմազբաղ աշխատաժամանակից ժամանակ տրամադրեց արժանավույնս նշելու սիրված տոնը(տեսանյութերը՝ «Ֆորտունա» մարզային հեռուստաընկերության):

Շնորհավոր Ձեր գարնանաբույր տոնը

Շնորհավոր Ձեր գարնանաբույր տոնը 08.03.2012

Թանկագին մայրեր, քույրեր: Ընդունեք իմ ջերմ շնորհավորանքը՝ Կանանց միջազգային օրվա՝ մարտի 8-ի առիթով: Սիրելի տատիկներ, Ձեր օրհնանքը թող անպակաս լինի ձեր զավակներից, թոռ ու ծոռներից: Ձեզ քաջառողջություն, երջանիկ երկարակեցություն եմ մաղթում: Թանկագին մայրեր, ձեր որդիների երջանկությամբ փառավորվեք, Ձեզնով՝սիրո, հավատարմության պակաս չլինի և ոչ մի օջախում: Նազելի քույրեր, մայրաբույր մնաք ու գթառատ՝ Ձեր եղբայրների, որդիների համար, ու զինակից՝ Ձեր ամուսիններին, ինչպես որ միշտ եղել է հայ կինը: Մեր ընտանիքները, հայրենիքը, հայոց պետականությունը Ձեզնով է հարուստ և կայուն: Շնորհավոր Ձեր գարնանաբույր տոնը:

Որ հիմնախնդիրները չվերածվեն կոնֆլիկտի

Որ հիմնախնդիրները չվերածվեն կոնֆլիկտի 07.03.2012

Ախթալայի լեռնահարստացման կոմբինատի աշխատակիցները բողոքի բաց նամակ են հղել ՀՀ նախագահ Սերժ Սարգսյանին, նշելով, որ հունվարյան տոներին իրենց աշխատած եւ թերհաշվարկված աշխատավարձերի վճարումը հանգեցրին համբերության բաժակի լցվելուն: Նրանք հանրապետության նախագահին ներկայացրել են ԼՀԿ-ում ստեղծված իրավիճակը, խնդրելով՝ ,,համապատասխան մարմինների միջոցով լուծում տալ կոմբինատի մի քանի հարյուր աշխատողներին հուզող հարցերին, որպեսզի ստիպված չլինեն լքել հարազատ պապենական հողերը:

Տեղի ունեցավ Վանաձորի գործարարների խորհրդի նիստը 06.03.2012

2012թ. մարտի 1-ին Վանաձորի Զբաղվածության մարզային կենտրոնի նիստերի դահլիճում տեղի ունեցավ Զբաղվածության պետական ծառայության Լոռու մարզային գործակալությանը կից գործող Վանաձորի գործարարների խորհրդի (մարզպետի տեղակալ Ա.Վարդերեսյանի մասնակցությամբ) նիստը:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2019-10-22 17:39:10