Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Օրեր առաջ համացանցը լեցուն էր Վանաձորի թիվ 1 հիմնական դպրոցի 8-րդ Բ դասարանի աշակերտներ Էդիկ Ղարաքեշիշյանի, Էդմոն Քոչարյանի և Վանաձորի թիվ 6 դպրոցի 7-րդ դասարանի աշակերտ Տիգրան Մարկոսյանի խիզախ ու անձնվեր արարքով հիացած օգտատերերի գրառումներով: Տղաները մարտի 3-ին ականատես էին եղել խոշոր ավտովթարի, ինչի արդյուքում է Վանաձոր-Ալավերդի ավտոճանապարհի Լոռի-1 հասցեի մոտ մեքենան դուրս էր եկել ճանապարհի երթևեկելի գոտուց, բախվել կամրջի երկաթյա ճաղավանդակներին և հայտնվել Տանձուտ գետում:
Շնորհակալագիր Լոռու մարզպետի կողմից 06.03.2019
Մարտի 5-ին Լոռու մարզպետ Անդրեյ Ղուկասյանը հանդիպման էր հրավիրել «Լոռու մարզ» թերթի գլխավոր խմբագիր Մանվել Միկոյանին: Հանդիպմանը ներկա էր նաև Լոռու մարզպետարանի լրատվության և հասարակայնության հետ կապերի բաժնի պետ Հրայր Հակոբյանը: Ա. Ղուկասյանը շնորհակալագիր հանձնեց Մ. Միկոյանին` «Լոռու մարզի համայնքների իրադարձությունները համակողմանի և օբյեկտիվ լուսաբանելու ու պաշտոնավարման 20-ամյակի կապակցությամբ»` մաղթելով աշխատանքային հետագա արդյունավետ գործունեություն:
Մարզպետը կարևորեց կրթության բարձր որակի ապահոնվումը կրթօջախներում 06.03.2019
Մարտի 6-ին Լոռու մարզպետ Անդրեյ Ղուկասյանն անակնկալ այցով եղավ Վանաձորի թիվ 18 միջնակարգ դպրոցում՝ նախ դպրոցի պայմաններին, կրթական պրոցեսին, դասասենյաների ջերմային ռեժիմին ծանոթանալու, ապա և կրթօջախի երկու մասնաշենքերում տարվող շինաշխատանքների ընթացքին հետևելու նպատակով: Մարզի ղեկավարին ուղեկցում էին մարզպետարանի մի խումբ պատասխանատու պաշտոնյաներ:
Մարտի 4-ին մարզպետ Անդրեյ Ղուկասյանն անցկացրեց աշխատանքային խորհրդակցություն մարզպետարանի մի խումբ պատասխանատու պաշտոնյաների մասնակցությամբ: Խորհրդակցության ընթացքում քննարկվեցին մասնավորապես տարածքային կառավարման և տեղական ինքնակառավարման, կրթության, քաղաքաշինության, առողջապահության, սոցիալական ապահովության, գյուղատնտեսության ոլորտներին առնչվող մի շարք օրախնդիր հարցեր, որոնց վերաբերյալ մարզի ղեկավարը հանդես եկավ ցուցումներով և հանձնարարականներով: Նա ստորաբաժանումների ղեկավարներին պահանջ ներկայացրեց քաղաքացիների դիմումներին տալ ամբողջական և հստակ պատասխաններ՝ անկախ նրանից՝ պատասխանը դրական, թե՝ բացասական բովանդակություն ունի:
ՀԱՅՏԱՐԱՐՈՒԹՅՈՒՆ 05.03.2019
Մեկնարկում է Հայաստանի Հանրապետության սպորտի և երիտասարդության հարցերի նախարարության կողմից անցկացվող «Լավագույն մարզական ընտանիք» մրցույթը: Մրցույթն անցկացվելու է 2019թ. հունիս-հուլիս ամիսներին` 3 փուլով/տարածաշրջանային, մարզային, հանրապետական/: 1-ին փուլը անցկացվելու է հունիսի 1-ից մինչև հունիսի 15-ը տարածաշրջանային կենտրոններում: Մրցույթն անցկացվելու է 4 տարիքային խմբերում.
Վանաձորի թիվ 5 պոլիկլինիկայի տնօրեն է նշանակվել Կարինե Բաղդասարյանը 05.03.2019
Հիմք ընդունելով ՀՀ Լոռու մարզպետարանի ենթակայության տակ գտնվող հարյուր տոկոս պետության սեփականության իրավունքով պատկանող բաժնեմաս ունեցող «Վանաձորի թիվ 5 պոլիկլինիկա» ՊՓԲԸ-ի տնօրենի թափուր պաշտոնն զբաղեցնելու համար մրցույթ անցկացնող մրցութային հանձնաժողովի 2019 թվականի փետրվարի 26-ի թիվ 5 որոշումը և հաշվի առնելով Կ. Բաղդասարյանի դիմումը՝ Լոռու մարզպետ Անդրեյ Ղուկասյանի 2019թ. մարտի 1-ի, թիվ 71-Ա որոշմամբ Կարինե Բաղդասարյանը նշանակվել «Վանաձորի թիվ 5 պոլիկլինիկա» ՊՓԲԸ-ի տնօրեն:
