Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քաղաքացիների ընդունելություն 14.03.2019
Լոռու մարզպետ Անդրեյ Ղուկասյանի կողմից այսօր անցկացված քաղաքացիների ընդունելությանը մասնակցեց ավելի քան 50 քաղաքացի Վանաձորից և մարզի գրեթե բոլոր տարածաշրջաններից: Հարցերը բազմաբնույթ էին: Ինչպես միշտ գերակշռում էին ֆինանսական աջակցության, անվճար բուժօգնություն, առողջարանային ուղեգրեր ստանալու, աշխատանքի տեղավորման, կոմունալ-կենցաղային բնույթի, բնակարանային պայմանների բարելավման, հողերի չափագրման հարցերը և այլն: Բարձրացվեցին նաև անձնական բնույթի խնդիրներ:
Մարզում հետհեղափոխական շրջանում ծնունդ առած ներդրումային ծրագրերը մարզպետ Անդրեյ Ղուկասյանն անձամբ է խրախուսում: Դրանք, մարզի ղեկավարի նախաձեռնությամբ, որպես հաջողության պատմություններ, կներկայացվեն հանրությանը՝ խթան և ոգևորիչ ուժ հանդիսանալով շատերի համար:
Համապետական մաքրության օր՝ մարտի 23-ին 13.03.2019
ՀՀ տարածքային կառավարման և զարգացման նախարարության նախաձեռնությամբ «Մաքուր Հայաստան» ծրագրի շրջանակներում մարտի 23-ին կանցկացվի համապետական մաքրության օր: Սանիտարական մաքրման, բարեկարգման և կանաչապատման աշխատանքներ են նախատեսվում միջպետական և միջհամայնքային ճանապարհների եզրերին ու հարակից տարածքներում, զբոսաշրջային գրավչություն ներկայացնող հատվածներում, պատմամշակութային հուշարձանների հարակից, հատուկ պահպանվող տարածքներում, կանաչ գոտիներում, պուրակներում, զբոսայգիներում, սննդի և այլ ծառայություններ մատուցող ճանապարհամերձ օբյեկտներին հարող տարածքներում։
Անհրաժեշտ է խոշորացույցի տակ վերցնել աճուրդի բոլոր փուլերը. նախարար Սուրեն Պապիկյան 13.03.2019
ՀՀ տարածքային կառավարման և զարգացման նախարար Սուրեն Պապիկյանն այսօր երկշաբաթյա պարբերականությամբ հերթական աշխատանքային խորհրդակցությունն է անցկացրել ՀՀ մարզպետների մասնակցությամբ։ Ողջունելով ներկաներին և անցնելով օրակարգային հարցերի քննարկմանը՝ Սուրեն Պապիկյանը մարզպետների ուշադրությունն է հրավիրել Հայաստանի տարբեր մարզերի վարչական տարածքներով անցնող կոլեկտորադրենաժային ցանցերի մաքրման կամ նորոգման աշխատանքների վրա, որի նպատակն է կանխել հողերի գերխոնավացումն ու աղակալումը։ Խնդրի կանոնակարգման ուղղությամբ նախարարը մարզպետներին հանձնարարել է վարչական աջակցություն ցուցաբերել դրենաժային համակարգերի մաքրման աշխատանքներ իրականացնող «Մելիորացիա» ՓԲԸ-ին և վերացնել տարբեր համայնքների և տնտեսվարող սուբյեկտների կողմից ինչ-ինչ պատճառներով ստեղծվող արհեստական խոչընդոտները։
Լոռու մարզում իրականացվող վիրաբուժական ծառայություններն արժանացան բարձր գնահատականի 13.03.2019
Վանաձորի բժշկական կենտրոնում հրավիրված խորհրդակցությանը մասնակցում էին ՀՀ առողջապահության նախարարության բշկական օգնության քաղաքականության վարչության պետ Դավիթ Մելիք-Նուբարյանը, նախարարի ընդհանուր վիրաբուժության գծով խորհրդատու Սուրեն Ստեփանյանը, սրտաբանական գծով խորհրդատու Համլետ Հայրապետյանը, նախարարի օգնական Հովհաննես Հարությունյանը, Լոռու մարզպետարանի առողջապահության և սոցիալական ապահովության վարչության պետ Արթուր Մխիթարյանը, Լոռու մարզի բժշկական կենտրոնների տնօրենները, վիրաբուժական բաժանմունքների ղեկավարները:
Մարտի 13-ին Լոռու մարզպետ Անդրեյ Ղուկասյանը խորհրդակցություն անցկացրեց մարզպետարանի առանձնացված ստորաբաժանումների ղեկավարների և պատասխանատու այլ պաշտոնյաների մասնակցությամբ: Անդրադառնալով նախորդ օրը ՀՀ Տարածքային կառավարման և զարգացման նախարարությունում քննարկված հարցերին՝ մարզպետը համապատասխան վարչություններին հանձնարարեց շարունակական վերահսկողություն իրականացնել գազալցակայանները սահմանված նորմերին համապատասխանեցնելու, համայնքների վարչական տարածքներում կոլեկտորադրենաժային ցանցերի մաքրման կամ նորոգման աշխատանքների կազմակերպման ուղղությամբ:
