Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՄԵԿՆԱՐԿԵԼ է ՁՄԵՌԱՅԻՆ ԶՈՐԱԿՈՉԸ 17.12.2019
Դեկտեմբերի 17-ին Լոռու մարզի Սպիտակ համայնքից մեկնարկեց 2019 թվականի ձմեռային առաջին զորակոչը: Հանդիսավոր միջոցառմանը ներկա էին Լոռու մարզպետի տեղակալ Գայանե Մարկոսյանը, Սպիտակի համայնքապետ Գագիկ Սահակյանը, Լոռու մարզի զինկոմ Արմեն Թումանյանը, տարածաշրջանի համայնքապետեր, զորակոչիկների հարազատներ:
ՄՇԱԿՎՈՒՄ Է ՄԱՐԶԿԵՆՏՐՈՆԻ ԳՐԱՎՉՈՒԹՅԱՆ ԲԱՐՁՐԱՑՄԱՆՆ ՈՒՂՂՎԱԾ ՆԵՐԴՐՈՒՄԱՅԻՆ ԾՐԱԳԻՐ 16.12.2019
Լոռու մարզպետ Անդրեյ Ղուկասյանի նախաձեռնությամբ, մարզպետարանի և Վանաձորի քաղաքապետարանի համատեղ աշխատանքի արդյունքում մշակվում է մարզկենտրոնի գրավչության բարձրացմանն ուղղված ներդրումային ծրագիր: Այսօր վերջինիս նախնական տարբերակի քննարկման նպատակով մարզի ղեկավարը խորհրդակցություն էր հրավիրել փոխմարզպետ Գայանե Մարկոսյանի, Վանաձորի քաղաքապետ Մամիկոն Ասլանյանի, մարզպետարանի և քաղաքապետարանի պատասխանատու պաշտոնյաների մասնակցությամբ: Ծրագրի նախնական տարբերակով առաջարկվում է արհեստական լճերի հարակից տարածքը վերածել զբոսաշրջային ենթակառուցվածքներով հագեցած հանգստի գոտու: Ծրագրային փաթեթում ընդգրկված են նաև քաղաքի ևս մի քանի կարևորագույն կետեր:
Անցկացվեց «Մեր հնարավորությունները» խորագիրը կրող միջոցառումը 16.12.2019
Վանաձորի «Լոռի» ժամանցի կենտրոնում անցկացվեց «Մեր հնարավորությունները» խորագիրը կրող միջոցառումը: Այն իրականացվում էր ՀՀ կրթության, գիտության, մշակույթի և սպորտի նախարարության աջակցությամբ՝ «Վանաձորը՝ երիտասարդական մայրաքաղաք» ծրագրի շրջանակում: Կազմակերպիչներն էին Լոռու մարզպետարանը և «Լուսաստղ» ՀԿ-ն: Միջոցառումը ներառում էր միաժամանակ մի քանի միջոցառում. անցկացվեց Հաշմանդամություն ունեցող անձանց հարցերով զբաղվող Լոռու մարզային հանձնաժողովի տարվա ամփոփիչ նիստը, կազմակերպվել էր ցուցահանդես – վաճառք՝ ՀՀ տարբեր մարզերից Վանաձոր ժամանած հաշմանդամություն ունեցող անձանց հիմնախնդիրներով զբաղվող ՀԿ-ների և անհատների մասնակցությամբ, ինչպես նաև մարզական և մշակութային միջոցառում` 5 սպորտաձևերից տարբեր մրցաշարերում հաջողություններ գրանցած հաշմանդամություն ունեցող մարզիկների ցուցադրական ելույթներ,հաշմանդամություն ունեցող անհատների և նրանցից կազմված խմբերի երաժշտական և պարային ելույթներ: Միջոցառումը վարում էր «Լուսաստղ» ԲՀԿ նախագահ Անի Գաբրիելյանը:
ԿՍՏԵՂԾՎԻ ԼՈՌՈԻ ԳՈՐԾԱՐԱՐ ԿԱՏԱԼՈԳ 16.12.2019
Լոռու մարզպետարանը նախաձեռնել է ստեղծելու գործարար կատալոգ՝ մարզի արտադրական, գործարար հնարավորությունները մեկ փաթեթում ներկայացնելու նպատակով: Լոռու մարզպետի հանձնարարությամբ նախաձեռնությունը կյանքի կկոչվի մարզպետարանի պատասխանատու պաշտոնյաների հետևողական աշխատանքի արդյունքում։ Աշխատանքների ընթացքը ղեկավարում է փոխմարզպետ Գայանե Մարկոսյանը։
ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԸ ՍՏԵՓԱՆԱՎԱՆԻ ՏԱՐԱԾԱՇՐՋԱՆՈՒՄ ԾԱՆՈԹԱՑԱՎ ՍՈՒԲՎԵՆՑԻՈՆ ԱՇԽԱՏԱՆՔՆԵՐԻՆ 16.12.2019
Դեկտեմբերի 16-ին Լոռու մարզպետ Անդրեյ Ղուկասյանը մարզպետարանի մի խումբ պատասխանատու պաշտոնյաների ուղեկցությամբ աշխատանքային օրն անցկացրեց Ստեփանավանի տարածաշրջանում: Մասնավորապես Լոռի Բերդ և Ստեփանավան խոշորացված համայնքներում մարզպետը ծանոթացավ սուբվենցիոն ծրագրերով իրականացվող շինարարական աշխատանքներին: Լոռի Բերդ խոշորացված համայնքը սուբվենցիոն ծրագրերի առումով մարզում դարձյալ առաջամարտիկներից է. այստեղ 2019թ.-ին 8 ծրագիր է իրականացվում: Մարզի ղեկավարը նախ եղավ ծրագրի շրջանակներում վերանորոգված համայնքային կենտրոնում (նախահաշվային արժեքը կազմել է 13098.0 հազ. դրամ), որի աշխատանքներն ավարտվել են ընդամենը օրեր առաջ, հետո նաև համայնքի համար կառուցված գյուղտեխնիկայի ծածկարան-կայանատեղիի տարածքում (նախահաշվային արժեքը՝ 14148.0 հազ. դրամ):
ԲԱԶԿԱՄԱՐՏԻ ԵՌԱԿԻ ՉԵՄՊԻՈՆ ՍԵՐՈԲ ԱԲՐԱՀԱՄՅԱՆՆ ԱՐԺԱՆԱՑԱՎ ԼՈՌՈՒ ՄԱՐԶՊԵՏԻ ՇՆՈՐՀԱԿԱԼԱԳՐԻՆ 16.12.2019
Տաշիրցի մարզիկ Սերոբ Աբրահամյանն արդեն երրորդ անգամ Ռումինիայում կայացած բազկամարտի միջազգային մրցաշարում ճանաչվել է աշխարհի չեմպիոն: Նա բացարձակ հաղթանակ էր տոնել նաև 2003թ.՝ ՌԴ-ում և 2018թ. Թուրքիայում կայացած մրցաշարերում:
