Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այցը ճանաչողական էր: Նախարարը տեղում ծանոթացավ կայարանի ներկայիս պայմաններին և այն խնդիրներին, որ վերջին շրջանում, հատկապես ուղևորափոխադրումներ իրականացնելու և դրա համար անհրաժեշտ պայմանների բացակայության պատճառով, առաջացել են Վանաձորի ավտոկայանում: Մարզի ղեկավարը նախարարին տեղեկացրեց ստեղծված իրավիճակի մասին: Նա նշեց, որ մեկ միասնական օպերատորի համակարգի ներմուծումը կարող է արմատապես փոխել ծառայությունների որակը, սակայն խորը ուսումնասիրությունների և փոփոխությունների խիստ անհրաժեշտություն է նկատվում:
Նիկոլ Փաշինյանը և Աննա Հակոբյանն այցելել են COAF ՍՄԱՐԹ կենտրոն 15.07.2019
ՀՀ վարչապետ Նիկոլ Փաշինյանին, կառավարության անդամներին և հյուրերին այցի ընթացքում ուղեկցում էր Լոռու մարզպետ Անդրեյ Ղուկասյանը: Վարչապետ Նիկոլ Փաշինյանը և տիկին Աննա Հակոբյանն այցելել են «Հայաստանի մանուկներ» հիմնադրամի ՍՄԱՐԹ կենտրոն, որը տեղակայված է Լոռու մարզի Դեբետ գյուղում: Կենտրոնը բացվել է 2018 թվականի մայիսին: Վարչապետը և տիկին Հակոբյանը շրջայց են կատարել կենտրոնով` ծանոթանալով գյուղաբնակ երեխաներին ու մեծահասակներին առաջարկվող դասընթացներին՝ երաժշտություն, պար, նկարչություն, ակտիվ քաղաքացիություն, լեզուներ, ծրագրավորում, ռոբոտիկա և այլն։
Ծառայության մեկնեցին Վանաձորի առաջին զորակոչիկները 15.07.2019
Հուլիսի 14-ին Վանաձորի զինկոմիսարիատից պարտադիր զինվորական ծառայության մեկնեցին 2019 թվականի ամառային զորակոչի առաջին նորակոչիկները: Հանդիսավոր արաողությանը ներկա էր Լոռու մարզպետ Անդրեյ Ղուկասյանը, Վանաձորի քաղաքապետ Մամիկոն Ասլանյանը, մարզային ու քաղաքային իշխանությունների ներկայացուցիչներ:
Հուլիսի 12-ին ևս Լոռու մարզպետի տեղակալ Գայանե Մարկոսյանը, ՀՀ տարածքային կառավարման և ենթակառուցվածքների նախարարության Տեղական ինքնակառավարման քաղաքականության վարչության պետ Աշոտ Գիլոյանը և մարզպետարանի մի խումբ պատասխանատու պաշտոնյաներ շարունակեցին հանդիպում-քննարկումները Սպիտակի և Գուգարքի տարածաշրջանների համայնքներում: Նրանք Լեռնապատ, Հալավար, Նոր Խաչակապ, Ղուրսալի, Քարաձոր և Արևաշող համայնքներում խորհրդակցություններ անցկացրեցին ավագանու անդամների, համայնքների աշխատակազմերի, ակտիվ բնակչության հետ:
Մարզպետ Անդրեյ Ղուկասյանն ընդունեց Ամերիկայի հայ ավետարանչական ընկերակցության ներկայացուցիչներին 15.07.2019
Հուլիսի 15-ին մարզպետ Անդրեյ Ղուկասյանն ընդունեց Ամերիկայի հայ ավետարանչական ընկերակցության Հայաստանի ներկայացուցիչ Հարութ Ներսեսսյանին, արտաքին կապերի պատասխանատու Լուսինե Օհանյանին, ընկերակցության Վանաձորի գրասենյակի պատասխանատու Ժաննա Դանիելյանին: Հանդիպմանը մասնակցում էր նաև մարզպետի տեղակալ Գայանե Մարկոսյանը: Շնորհակալություն հայտնելով հյուրընկալության համար՝ հյուրերը ամփոփ ներկայացրեցին ընկերակցության գործունեությունը և մասնավորապես Լոռու մարզում իրականացվող ծրագրերը: Նրանք նշեցին, որ Հայաստանի անկախացումից և ընկերակցության պաշտոնական գրանցում ստանալուց հետո Երևանում, ապա նաև՝ ՀՀ տարբեր մարզերում, այդ թվում և Լոռիում՝ բացվել են տարբեր գրասենյակներ, որոնք ակտիվ գործունեություն են իրականացնում: Լոռու մարզում նրանք մասնավորապես առանձնացրեցին Վանաձորի ցերեկային կենտրոնի, Վանաձորի և Սպիտակի «Շող» կենտրոնների գործունեությունը, Վանաձորում և Սպիտակում գործող բարեգործական ատամնաբուժարանները՝ տեղեկացնելով նաև, որ Ստեփանավանում արդեն կառուցվում է նոր գրասենյակ և նոր «Շող» կենտրոն:
Այսօր Լոռու մարզպետի տեղակալ Գայանե Մարկոսյանը մարզպետարանի զորահավաքային նախապատրաստության բաժնի պետ Սպարտակ Ղուբաթյանի ուղեկցությամբ եղավ Վանաձորում բնակվող 2016թ. ապրիլյան պատերազմի օրերին վիրավորված զինծառայող Վարժիկ Համբարյանի բնակարանում՝ նրա առողջական վիճակով հետաքրքրվելու և մարզի ղեկավարի կողմից դրամական աջակցություն հանձնելու նպատակով: Վարժիկը և մայրը տեղեկացրեցին, որ բուժումներն ընթացքի մեջ են, այդ իսկ պատճառով Վարժիկը ժամանակավորապես դադարեցրել է աշխատանքային գործունեությունը, քանի որ աշխատանքը բուժման ընթացքի հետ անհամատեղելի է եղել:
