Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հունվարի 31-ին Լոռու մարզպետարանում անցկացվեց սեմինար-քննարկում, որի նպատակը ՀՀ աշխատանքի և սոցիալական հարցերի նախարարության Զբաղվածության պետական գործակալության կողմից Լոռու մարզում իրականացվելիք «Սեզոնային զբաղվածության խթանման միջոցով գյուղացիական տնտեսության աջակցության տրամադրման» և «Վարձատրվող հասարակական աշխատանքների կազմակերպման միջոցով գործազուրկների ժամանակավոր զբաղվածության ապահովման» ծրագրերի ներկայացումն էր:
Տոնվեց ՀՀ զինված ուժերի ստեղծման 27-րդ տարեդարձը 29.01.2019
Հունվարի 28-ին Հայոց Բանակի օրվան նվիրված միջոցառումների շարքը մեկնարկեց Սպարապետ Վազգեն Սարգսյանի արձանի մոտ մատուցված հոգեհանգստյան կարգով և ծաղիկների խոնարհման արարողությամբ, որին մասնակցում էին Գուգարաց թեմի առաջնորդ, գերաշնորհ Տեր Սեպուհ արքեպիսկոպոս Չուլջյանը, Լոռու մարզպետ Անդրեյ Ղուկասյանը, փոխմարզպետ Արշակ Հովսեփյանը, Վանաձոր համայնքի ղեկավար Մամիկոն Ասլանյանը, մարզային ու համայնքային իշխանությունների, զինվորական և հոգևոր դասի ներկայացուցիչներ:
Մարզպետը եղավ զոհված զինծառայողներ Զորիկ Գևորգյանի և Արտյոմ Վարդերեսյանի ընտանիքներում 29.01.2019
2014թ. օգոստոսին Մարտակերտի ուղղությամբ հակառակորդի հետախուզադիվերսիոն ներթափանցման փորձը կասեցնելիս զոհված ավագ լեյտենանտ, վանաձորցի Զորիկ Գևորգյանն այսօր կդառնար 30 տարեկան: Զորիկի հարազատներին զորակցելու ու իր մշտական աջակցությունը հայտնելու համար այս հիշարժան օրը մարզպետ Անդրեյ Ղուկասյանը եղավ նրանց բնակարանում: Մտերմիկ և ջերմ զրույցի ընթացքում մարզպետը մեծապես կարևորեց հայոց քաջորդիների սխրանքը՝ նշելով, որ նրանց փառապանծ անունները ոսկե տառերով են գրված մեր պատմության էջերում:
Լոռու մարզային փրկարարական վարչության կատարած աշխատանքները գնահատվեցին բավարար 25.01.2019
Հունվարի 24-ին Լոռու մարզպետարանի դահլիճում ներկայացվեց ՀՀ արտակարգ իրավիճակների նախարարության փրկարար ծառայության Լոռու մարզային փրկարարական վարչության գործունեության ամփոփիչ հաշվետվությունը: Զեկուցմամբ հանդես եկավ վարչության պետ, փրկարարական ծառայության գնդապետ Կարեն Հովհաննիսյանը: Հաշվետվությունը լսում էին մարզպետ Անդրեյ Ղուկասյանը, ՀՀ արտակարգ իրավիճակների նախարարության փրկարար ծառայության տնօրենի տեղակալ, փրկարարական ծառայության գնդապետ Հովհաննես Եմիշյանը:
Համայնքային հաստիքային անասնաբույժի խնդիրը պետք է վերջնական լուծում ստանա. պահանջը հստակ է 25.01.2019
«Տեղական ինքնակառավարման մասին» ՀՀ օրենքի 1-ին մասի 2-րդ կետի պահանջը՝ «ապահովել անասնաբուժական ծառայության գործունեության կազմակերպումը՝ համայնքային հաստիքային անասնաբույժի միջոցով», դեռևս մարզում հնարավոր չի լինում իրագործել: Մարզի միայն Գուգարքի և Սպիտակի տարածաշրջանների համայնքերում է խնդիրն ամբողջությամբ լուծված, մյուսները՝ հատկապես խոշորացված համայնքները, հապաղում են, մինչդեռ պահանջը հստակ է:
Դեպքի վայր է մեկնել նաև մարզպետ Անդրեյ Ղուկասյանը 25.01.2019
Հունվարի 24-ին, ժամը 18:32-ին «911» ծառայությանն ահազանգ է ստացվել, որ Լոռու մարզի Վահագնաձոր գյուղում գտնվող երկաթգծի մոտակայքում այրվում է խոտածածկ տարածք:
