Տեղեկատվական կենտրոն
Նորություններ
Մեծավան համայնքի ղեկավարի պաշտոնակատար է նշանակվել Արման Վարդանյանը
01.04.2020
Լոռու մարզպետի 2020թ. մարտի 30-ի, թիվ 342-Ա որոշմամբ Լոռու մարզի Մեծավան խոշորացված համայնքի ղեկավարի պաշտոնակատար է նշանակել Արման Աբրահամի Վարդանյանը: Վերջինիս ավագանու անդամներին, աշխատակազմին ներկայացրել են Լոռու մարզպետարանի գլխավոր քարտուղար Արթուր Մխիթարյանը, մարզպետարանի այլ պատասխանատու պաշտոնյաներ: Ա.Մխիթարյանը, Արման Վարդանյանին շնորհավորելով պաշտոնը ստանձնելու կապակցությամբ, փոխանցել է նաև մարզի ղեկավարի ուղերձը՝ աշխատանքում լինել պատասխանատու, ազնիվ, համայնքային խնդիրների լուծման հարցում՝ նպատակասլաց ու նախաձեռնող:
Ա. Վարդանյանն, իր հերթին շնորհակալություն հայտնելով վստահության համար, պատրաստակամություն է հայտնել իր վրա դրված պարտականությունները կատարել ամենայն պատասխանատվությամբ: