Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Դեկտեմբերի 4-ին մարզպետ Անդրեյ Ղուկասյանն ընդունեց «Հայ-չինական հարաբերությունների տարածաշրջանային զարգացման հիմնադրամի» նախագահ Սերգեյ Ավանեսովին և գործադիր տնօրեն Վլադիմի Սիմոնյանին՝ քննարկելու նախորդ հանդիպումից ի վեր համատեղ իրականացված աշխատանքների մանրամասները և նախանշելու հետագա զարգացումները: Հանդիպմանը ներկա էին նաև մարզպետի տեղակալ Գայանե Մարկոսյանը, մարզպետարանի պատասխանատու պաշտոնյաներ և մարզի գործարարաներ: Հիմնադրամի հետ գործակցությունը սկսվել է շուրջ 5 ամիս առաջ, իսկ այս տարվա սեպտեմբերին առկա համագործակցությունն է՛լ ավելի ամուր հիմքերի վրա դնելու նպատակով Լոռու մարզպետարանն՝ ի դեմս մարզպետ Անդրեյ Ղուկասյանի և «Հայ-չինական հարաբերությունների տարածաշրջանային զարգացման հիմնադրամը»՝ ի դեմս նախագահ Սերգեյ Ավանեսովի, համաձայնագիր կնքեցին՝ պարտավորություն ստանձնելով համագործակցելու մարզում ներդրումային ծրագրերի իրականացման հարցում՝ նպաստելով Լոռու մարզի սոցիալ-տնտեսական զարգացմանը:
Դեկտեմբերի 4-ին Լոռու մարզպետ Անդրեյ Ղուկասյանն անցկացրեց քաղաքացիների հերթական ընդունելությունը, որին մասնակցեց ավելի քան 40 քաղաքացի մարզի գրեթե բոլոր տարածաշրջաններից: Մարզի ղեկավարին դիմեցին աշխատանքի տեղավորման, բնակարանային պայմանների բարելավման երկրաշարժի հետևանքով բնակարան կորցրած անձանց հերթացուցակում վերականգնվելու, սոցիալական, առողջապահական, անգամ կոմունալ-կենցաղային և մի շարք այլ հարցերով: Երկրաշարժի հետևանքով բնակարան կորցրած անձանց հերթացուցակում վերականգնվելու համար եկած Ջրաշեն համայնքի բնակիչ Ռազմիկ Այվազյանին մարզի ղեկավարը խորհուրդ տվեց իրավունքը վերականգնել դատական կարգով, սոցիալան և առողջապահական աջակցություն ունեցող քաղաքացիները անվերապահ աջակցություն ստացան մարզի ղեկավարի կողմից: Աշխատանք գտնելու ակնկալիքով եկած անձանց մարզի ղեկավարն ուղղորդեց տարբեր կառույցներ, բարձրագույն կրթություն ունեցող քաղաքացիներին առաջարկեց հետևել և մասնակցել թափուր աշխատատեղերի մրցույթներին:
ԿԻՐԱԳՈՐԾՎԻ ԿԻՍԱԿԱՌՈՒՅՑՆԵՐԻ ՇԻՆԱՐԱՐՈՒԹՅԱՆ ԱՎԱՐՏՄԱՆ ԵՎ ՀԵՏԱԳԱ ՕԳՏԱԳՈՐԾՄԱՆ ԾՐԱԳԻՐԸ 03.12.2019
ՀՀ կառավարության 2018 թ.մարտի 6-ի նիստի N 9 արձանագրային որոշմամբ նախատեսվել է իրագործել «ՀՀ կիսակառույցների շինարարության ավարտման և հետագա օգտագործման» ծրագիրը՝ 2020-2022թ.թ. համար: Ծրագրի նպատակը հանրապետության մարզերում առկա խորհրդային ժամանակաշրջանում սկսված և մինչ օրս չավարտված բնակելի և հասարակական նշանակության կիսակառույցների շինարարության ավարտման, հետագա օգտագործման, ինչպես նաև վթարավտանգ կիսակառույցների քանդման արդյունքում կառուցապատման նոր տարածքների ուղղությամբ պետական քաղաքականության մշակումն է:
ՔՆՆԱՐԿՎԵՑ ՀԱՅԱՍՏԱՆԻ ՏԱՐԱԾՔԱՅԻՆ ԶԱՐԳԱՑՄԱՆ ՌԱԶՄԱՎԱՐՈՒԹՅԱՆ ՆԱԽՆԱԿԱՆ ԱՄՓՈՓ ՏԱՐԲԵՐԱԿԸ 03.12.2019
Դեկտեմբերի 3-ին Լոռու մարզպետարանում տեղի ունեցավ 2019-2025 թթ Հայաստանի տարածքային զարգացման ռազմավարության նախնական ամփոփ տարբերակի հանրային քննարկումը: Հայաստանի տարածքային զարգացման ռազմավարությունը մշակվել է Եվրամիության և ՀՀ կառավարության համատեղ ջանքերով՝ «Ուժեղ մարզեր, ուժեղ Հայաստան» ծրագրի շրջանակներում: Քննարկումը վարում էր Լոռու մարզպետի տեղակալ Գայանե Մարկոսյանը։ Ծրագիրը և իրականացված փոփոխությունները ներկայացրեց ՀՀ տարածքային կառավարման և զարգացման նախարարության ներկայացուցիչ Աշոտ Առուշանյանը:
Համայնքների ղեկավարները խոստացան ապահովել եկամուտների հավաքագրման պատշաճ կատարողական 03.12.2019
Լոռու մարզպետի տեղակալ Գայանե Մարկոսյանի կողմից մարզի համայնքների ղեկավարների մասկացությամբ հարկերի հավաքագրման թեմայով խորհրդակցությունից շուրջ մեկ ամիս է անցել: Դեկտեմբերի 3-ին վերջիններս կրկին հրավիրվել էին մարզպետարան, և քննարկման թեման դարձյալ սեփական եկամուտների հավաքագրման պարտադիր լիզորությունների պատշաճ իրականացումն էր: Նախորդ հանդիպման ընթացքում ամրագրվել էին հստակ ցուցանիշեր, որոնց պետք է փորձեին հասնել համայնքները մինչև դեկտեմբերի 1-ը, ապա նաև՝ մինչև տարեվերջ ընկած ժամանակահատվածներում:
ՍՈՒԲՎԵՆՑԻՈՆ ԾՐԱԳՐԵՐԸ ՇԱՐՈՒՆԱԿՈՒՄ ԵՆ ՄՆԱԼ ՄԱՐԶՊԵՏԻ ԱՇԽԱՏԱՆՔԱՅԻՆ ՕՐԱԿԱՐԳՈՒՄ 02.12.2019
Նոյեմբերի 29-ին Լոռու մարզպետ Անդրեյ Ղուկասյանը մարզպետարանի մի խումբ պատասխանատու պաշտոնյաների ուղեկցությամբ աշխատանքային այցով եղավ Մարգահովիտ համայնքում՝ պետություն-համայնք համատեղ ներդրմամբ իրականացվող սուբվենցիոն ծրագրերի ընթացքին ծանոթանալու նպատակով: Մարգահովիտ համայնքում անցկացվել է լուսավորության համակարգ (ծրագրի պայմանագրային արժեքը՝ 6 մլն 876 հազար դրամ է),կառուցվել է ջրահեռացման ցանկ (պայմանագրային արժեքը՝ 6 մլն 120 հազար դրամ):Աշխատանքներն արդեն իսկ ավարտված են: Մարգահովիտ համայնքում իրականացվել է նաև ճանապարհի 1.1 կմ հատվածի ասֆալտապատում և 2 կմ հատվածի խճապատում: Ծրագրի արժեքը 81 մլն 990 դրամ է: Ծրագրի իրականացմանը աջակցել է Էյ-Սի-Փի ընկերությունը՝ շուրջ 41 մլն դրամ ներդրմամբ: Աշխատանքներն ավարտական փուլում են:
