Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԸ ԱԼԱՎԵՐԴԻ, ՕՁՈՒՆ ԵՎ ԱԽԹԱԼԱ ԽՈՇՈՐԱՑՎԱԾ ՀԱՄԱՅՆՔՆԵՐՈՒՄ ԷՐ 06.12.2019
Դեկտեմբերի 5-ին մարզպետարանի մի խումբ պատասխանատու պաշտոնյաների ուղեկցությամբ Լոռու մարզպետ Անդրեյ Ղուկասյանը եղավ Ալավերդի, Ախթալա և Օձուն խոշորացված համայնքներում՝ ծանոթանալով պետություն-համայնք համատեղ ներդրմամբ իրականացվող սուբվենիցոն միջոցներով արդեն իսկ ավարտված ծրագրերին և հետևելով ընթացքի մեջ գտնվող աշխատանքների որակին: Ախթալա խոշորացված համայնքում այս տարի միանգամից 8 ծրագիր է իրականացվում նրանցից մի մասն ավարտված են, մյուսներն՝ ավարտական փուլում են կամ՝ ընթացքի մեջ: Ախթալայի Թիվ 1 ՆՈՒՀ-ի շենքի տանիքի և 2-րդ հարկի հիմնանորոգումն ավարտված էր: Պաշտոնյաները շրջեցին տարածքում՝ ընդհանուր առմամբ գոհունակություն հայտնելով կատարված աշխատանքների որակից: Ծրագրի իրականացման համար ծախսվել է շուրջ 13 մլն դրամ: Ավարտված էր նաև Ճոճկան բնակավայրի ոռոգման գլխավոր ջրատար առվի վերանորոգումը (ծրագրի արժեքը՝ 16 մլն 650 հազար դրամ), ինչի շնորհիվ հնարավոր կլինի ավելի շատ տարածքներ ոռոգել, ընդարձակել ցանքատարածությունները, ստանալ առավել որակյալ և առատ բերք:
Վանաձորում գործարկվեց էլեկտրոմոբիլների լիցքավորման առաջին կայանը 06.12.2019
«Էներգետիկայի հայկական գործակալություն» հիմնադրամի ու Լոռու մարզպետարանի համագործակցության արդյունքում Վանաձորում օրեր առաջ տեղադրվեց էլեկտրոմոբիլների լիցքավորման առաջին կայանը: Այն հնարավոր է եղել իրականացնել «Էներգետիկայի հայկական գործակալություն» հիմնադրամի և ԳԷՀ-ի 2018թ.-ի միջև նոյեմբերի 15-ին կնքված ARM/SGP/OP6 /Y4/STAR/CC/18/14 պայմանագրով ՓԴԾ «Plug.am` էլեկտրական մեքենաների խթանումը Հայաստանում» ծրագրի շրջանակներում:
Լոռու մարզպետ Անդրեյ Ղուկասյանն արժանացավ Հայաստանի գրողների միության պատվոգրի 06.12.2019
Հայաստանի գրողների միության 85-ամյակի առթիվ և ՀՀ Լոռու մարզում ՀԳՄ-ի գրական-մշակութային ծրագրերի իրականացման ոլորտում արդյունավետ գործունեության համար Լոռու մարզպետ Անդրեյ Ղուկասյանն արժանացավ Հայաստանի գրողների միության պատվոգրի: Այն մարզի ղեկավարին հանձնեց միության Լոռու մարզային բաժանմունքի նախագահ, «Լոռու մարզ» թերթի գլխավոր խմբագիր Մանվել Միկոյանը՝ փոխանցելով նաև միության նախագահ Էդուրադ Միլիտոնյանի շնորհակալական խոսքը: Մարզի ղեկավարն իր հերթին շնորհակալություն հայտնեց գնահատանքի համար:
Ուսումնավարժական տարհանում Լոռու մարզպետարանից 06.12.2019
«Աղետների դիմակայության օր խորագրով այսօր Լոռու մարզպետարանում անցկացվեց տարհանման իրականացման գործնական պարապմունք, որի ժամանակ մարզպետարանի ողջ անձնակազմը մարզպետ Անդրեյ Ղուկասյանի գլխավորությամբ շենքից տարհանվեց: Այնուհետև Հայքի հրապարակում իրականացվեց ցուցադրական ելույթ հատուկ տեխնիկական միջոցների կիրառմամբ:
«Իմ Լոռին» խորագրով պլեները՝ դեկտեմբերի 8-ին 06.12.2019
Լոռու մարզպետարանը՝ Լոռու մարզպետ Անդրեյ Ղուկասյանի և փոխմարզպետ Գայանե Մարկոսյանի նախաձեռնությամբ, կազմակերպում է երիտասարդ գեղանկարիչների նկարչական պլեներ՝ «Իմ Լոռին» խորագրով: Այն իրականացվում է «Պետական աջակցություն մշակութային ծրագրերին» ծրագրի շրջանակներում և նախատեսվում է անցկացնել դեկտեմբերի 8-ին: Պլեներին մասնակցել ցանկացողները՝ շուրջ տասնինը գեղանկարիչներ մարզի տարբեր տարածաշրջաններից, դեկտեմբերի 6-ին հրավիրվել էին Լոռու մարզպետարանի նիստերի դահլիճում կայանալիք հանդիպում-քննարկմանը:
Մարզի ղեկավարն ընդունեց «Եվրոպայի ընտրություն» տիտղոսին արժանացած վանաձորցի Նարինե Պլուզյանին 06.12.2019
«Եվրոպայի Միսս թագուհի» հեղինակավոր գեղեցկության մրցույթից Հայաստանը ներկայացնող Նարինե Պլուզյանը թագով է վերադարձել: Նարինեն իր գեղեցկությամբ գրավել է ոչ միայն պրոֆեսիոնալ ժյուրիի ուշադրությունն ու հայտնվել լավագույն տասնյակում, այլև արժանացել հատուկ՝ «Եվրոպայի ընտրություն» տիտղոսին:
