Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կհիմնանորոգվի Գուգարք համայնքի բազմաբնակարան շենքի տանիքը 15.06.2020
Այս տարի սուբվենցիոն միջոցներով կիրականացվեն նաև Գուգարք համայնքի էներգետիկների 5-րդ փողոցի 9-րդ շենքի տանիքի վերանորոգման աշխատանքներ: Սա ևս համայնքի համար հրատապ լուծում պահանջող խնդիրներից է, քանի որ շենքի տանիքը(շենքում բնակվում է 10 ընտանիք), ամբողջությամբ խարխուլ վիճակում է: Ծրագրի ընդհանուր բյուջեն` նախահաշվային արժեքով, կազմում է 17.506.600 դրամ, որից մոտ 7.002.600 դրամը` համայնքային ներդրումն է: Ծրագրի իրականացման արդյունքում նախատեսվում է հինգհարկանի շենքի տանիքի վերանորոգում` ազբոշիֆրերը փոխարինելով ցինկապատ թիթեղներով, ինչպես նաև նոր ջրհորդանի կառուցում:
Լոռու մարզպետ Անդրեյ Ղուկասյանն այսօր ընդունեց «Գազպրոմ Արմենիա» ՓԲԸ Լոռու ԳԳՄ տնօրեն Վարդան Բաղդասարյանին, ընկերության այլ պատասխանատու պաշտոնյաների, Ալավերդի խոշորացված համայնքի ղեկավար Սասուն Խեչումյանին՝ Ալավերդիում ստորգետնյա գազատարի մի հատվածը վերգետնյա, սակայն ոչ ակնահաճո` ճամփեզրյա հենապատին կից անցկացնելու հետ կապված ալավերդցիների բազմաթիվ դժգությունների պատճառները քննարկելու և լուծման արդյունավետ տարբերակներ գտնելու նպատակով: Քննարկմանը ներկա էր նաև մարզպետարանի քաղաքաշինության վարչության պետ Արմեն Ջանազյանը: Բնակչի ու համայնքի շահը գերակա համարելով` Ա. Ղուկասյանը «Գազպրոմ Արմենիայի» ներկայացուցիչներին հորդորեց. չնայած նրան, որ Ալավերդու համայնքապետը, մի շարք նրբություններ հաշվի չառնելով, տվել է գազատարը մայթեզրյա հենապատի վրայով անցկացնելու համաձայնությունը, նախընտրելի տարբերակը համայնքի համար կարող է լինել Թումանյան փողոցում իրականացվող ստորգետնյա գազատար խողովակը հենապատի դրսի կողմից կոնսուլային եղանակով տեղադրումը:
Մարզը հաջողություններ է գրանցել դպրոցական առարկայական օլիմպիադաների հանրապետական փուլում 12.06.2020
Լոռու մարզ հանրակրթական դպրոցների աշակերտները հաջողություններ են գրանցել դպրոցական առարկայական օլիմպիադաների հանրապետական փուլում. մեր աշակերտները «Քիմիա» առարկայից նվաճել են 2՝ առաջին կարգի դիպլոմ, 1՝ 3-րդ կարգի, «Անգլերենից» 1՝ 3-րդ կարգի, «Գերմաներենից» 1՝ առաջին կարգի, «Պատմությունից»՝ 1 առաջին կարգի, 1՝ 2-րդ կարգի, 2՝ 3-րդ կարգի, «Աշխարհագրությունից» 1՝ 3-րդ կարգի, «Կենսաբանությունից»՝ 2՝ 2-րդ կարգի դիպլոմ և 2 գովասանագիր, «Ֆիզիկայից»՝ 1 գովասանագիր և «Մաթեմատիկայից»՝ 1՝ 3-րդ կարգի դիպլոմ:
Այսօր Լոռու մարզպետ Անդրեյ Ղուկասյանի, մարզպետարանի պատասխանատու մի խումբ պաշտոնյաների և «Ֆուլլեր տնաշինական կենտրոնի» ներկայացուցիչների մասնակցությամբ խորհրդակցություն էր հրավիրվել «Երկրաշարժի հետևանքով անօթևան մնացած ընտանիքների բնակարանային ապահովում» միջոցառման շրջանակներում այս տարի հատկացված միջոցներով 153 ընտանիքի համար տների կառուցման հետ կապված մի շարք հարցերի քննարկման նպատակով: Ինչպես հայտնի է ՀՀ կառավարության 2020թ. մայիսի 7-ի N712-Ն որոշմամբ մարզին հատկացված 1,868 մլրդ դրամից 1,819 մլրդ դրամը նախատեսված է Լոռու մարզի գյուղական բնակավայրերում ծրագրի շահառու ճանաչված 153 ընտանիքի համար բնակելի տների կառուցման նպատակով (1,817 մլրդ դրամը՝ բուն շինարարական, իսկ 1,989 մլն դրամը՝ արդեն շինարարությունն ավարտված բնակելի տների չափագրման աշխատանքների համար):
ԲԳՎ-ներ՝ 9 ընտանիքի 12.06.2020
Հունիսի 12-ին Լոռու մարզպետ Անդրեյ Ղուկասյանը Բնակարանի գնման վկայագրեր(ԲԳՎ) հանձնեց «Երկրաշարժի հետևանքով անօթևան մնացած ընտանիքների բնակարանային ապահովում» ծրագրի շահառու հանդիսացող թվով 8 ընտանիքի ներկայացուցիչների՝ համավարակով պայմանավորված իրավիճակից ելնելով՝ նրանց ընդունելով առանձին-առանձին: Եվս մեկ ընտանիք ԲԳՎ ստանալու նպատակով կհրավիրվի առաջիկայում: Ինչպես հայտնի է, ՀՀ կառավարության 2020թ. մայիսի 7-ի N712-Ն որոշմամբ պետբյուջեից «Երկրաշարժի հետևանքով անօթևան մնացած ընտանիքների բնակարանային ապահովում» միջոցառման շրջանակներում 1,868 մլրդ դրամ է հատկացվել Լոռու մարզին, որից շուրջ 49 մլն-ը դրամը՝ Սպիտակ քաղաքում և գյուղական բնակավայրերում ծրագրի շահառու ճանաչված 9 ընտանիքի բնակարանի գնման վկայագրի միջոցով բնակարան (բնակելի տուն) ձեռք բերելու նպատակով ֆինանսական աջակցության տրամադրման համար:
Սպիտակ համայնքը ձեռք կբերի գրեյդեր, հիբրիդային դիզել ավլող, փոշեկուլ մեքենա 12.06.2020
Բազմաֆունկիցոնալ տեխնիկայի ձեռբերումը հատկապես քաղաքային համայնքերի համար կարևոր առաջնահերթություն է: Այս տարի սուբվենցիոն միջոցներով Սպիտակ համայնքը կկարողանա համայնքային կարիքների համար ձեռքբերել գրեյդեր, հիբրիդային դիզել ավլող, փոշեկուլ մեքենա: Մեքենայի ձեռքբերումը կնպաստի համայնքի գրունտային ճանապարհների ժամանակին և արդյունավետ բարեկարգմանը, ինչպես նաև հնարավորություն կտա ավելացնել սանիտարական մաքրման տարածքը: Բացի այդ կստեղծվի 2 նոր աշխատատեղ:
