Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Մարզպետի տեղակալը ծանոթացավ բերքահավաքի ընթացքին

Մարզպետի տեղակալը ծանոթացավ բերքահավաքի ընթացքին 19.08.2021

Մարզպետի տեղակալ Գոռ Ասրյանը մարզպետարանի գյուղատնտեսության և բնապահպանության վարչության գյուղատնտեսության բաժնի պետ Արտյոմ Շահվերդյանի ուղեկցությամբ աշխատանքային այցով եղավ Գյուլագարակ խոշորացված համայնքի Ամրակից բնակավայրում և Տաշիր համայնքում՝ ծանոթանալով գյուղատնտեսական աշխատանքների ընթացքին: Ըստ նախնական ուսումնասիրության ու նաև գյուղատնտեսների ներկայացմամբ, նախորդ տարվա համեմատությամբ այս տարին այնքան էլ բերքառատ չէ. մարզում տեղացած կարկուտն ու երաշտը հասցրել են վնասել թե՛ մշակաբույսերը և թե՛ խոտհարքերը: Իհարկե վերջնական արդյունքների մասին հնարավոր կլինի խոսել միայն բերքահավաքի ավարտից հետո:

Նոր ուսումնական տարվան ընդառաջ դպրոցներում բարեկարգման աշխատանքներ են իրականացվում

Նոր ուսումնական տարվան ընդառաջ դպրոցներում բարեկարգման աշխատանքներ են իրականացվում 19.08.2021

Այսօր Լոռու մարզպետ Արամ Խաչատրյանը մարզպետարանի կրթության, մշակույթի և սպորտի վարչության պետ Արամ Գրիգորյանի ուղեկցությամբ այցելեց Վանաձորի թիվ 1, թիվ 8, թիվ 23 և թիվ 25 դպրոցներ՝ ծանոթանալու բարերար Գագիկ Սարուխանյանի աջակցությամբ այստեղ կատարված բարեկարգման աշխատանքներին: 650 աշակերտ ունեցող թիվ 1 դպրոցում ամբողջությամբ վերանորոգվել են միջանցքները, 4 դասասենյակ, դահլիճն ու մարզադահլիճը: Թիվ 8-ում՝ հիմնանորոգվել է տանիքը, վերականգնվել են անձրևատարները և նորոգվել՝ դահլիճը: Շինարարական ընկերությունն էլ իր միջոցներով թեքահարթակներ է կառուցել:

Տուֆով սալարկում՝ Լեռնավան համայնքում

Տուֆով սալարկում՝ Լեռնավան համայնքում 18.08.2021

Պետություն-համայնք համատեղ ներդրմամբ իրականացվող սուբվենցիոն միջոցներով այս տարի տուֆ քարով կսալարկվեն Լեռնավան համայնքի դեպի հուշարձան և գերեզմանատուն տանող ճանապարհները՝ 12-րդ փողոցի 3-րդ փակուղին և 1-ին փողոցի 4-րդ փակուղին: Ընդհանուր առմամբ նորոգ ու բարեկարգ տեսք կստանան 442 մ երկարությամբ և միջինը 5.5 մ լայնությամբ ճանապարհներ:

Լոռու համայնքները էկոլոգիական միջանցքի մաս կդառնան

Լոռու համայնքները էկոլոգիական միջանցքի մաս կդառնան 17.08.2021

Բնության համաշխարհային հիմնադրամի (WWF) հայաստանյան մասնաճյուղը «Ռազմավարական զարգացման գործակալություն» ՀԿ-ի հետ համատեղ իրականացնում է «Հայաստանի կենդանի լանդշաֆտները շուկայի զարգացման համար» ծրագիրը՝ նպատակն ունենալով բարելավել հեռավոր շրջաններում ֆերմերների և գյուղական բիզնեսների եկամուտները՝ տեղական բնական ռեսուրսները տնտեսապես ավելի արդյունավետ և ավելի կայուն օգտագործելու միջոցով: Այսօր Լոռու մարզպետարանի հետ համագործակցությամբ կազմակերպված աշխատաժողովի ընթացքում քննարկվեցին համայնքներում այս ծրագրի իրականացման հնարավորությունները և հեռանկարները:

Ա.Խաչատրյան. Քայլ առ քայլ կյանքի ենք կոչելու Վանաձորն առանց տնակների կարգախոսը

Ա.Խաչատրյան. Քայլ առ քայլ կյանքի ենք կոչելու Վանաձորն առանց տնակների կարգախոսը 16.08.2021

«ԱՌՔ» բարեգործական հիմանդրամի, Լոռու մարզպետարանի և Վանաձորի քաղաքապետարանի համագործակցությամբ այսօր մեկնարկեց Սանկտ-Պետերբուրգ տնակային ավանի բնակիչներին քարաշեն բնակարաններով ապահովման ծրագիրը: Համագործակցության արդյունքում Վանաձորի Տարոն-4 թաղամասում՝ Վանաձոր համայնքի կողմից անհատույց հատկացված հողատարածքի վրա բնակելի տներ կկառուցվեն առայժմ 16 ընտանիքների համար: ՀՀ կառավարությունը և մարզպետարանը կաջակցեն ինժեներական ցանցերի կառուցման հարցում (գազ, էլեկտրաէներգիա, ջուր, կոյուղի, ճանապարհներ):

Վանաձորի հոգենյարդաբանական դիսպանսերում կգործի ցերեկային ստացոնար բաժանմունք. մարզի ղեկավարը ծանոթացավ առկա պայմաններին

Վանաձորի հոգենյարդաբանական դիսպանսերում կգործի ցերեկային ստացոնար բաժանմունք. մարզի ղեկավարը ծանոթացավ առկա պայմաններին 16.08.2021

Այսօր մարզպետ Արամ Խաչատրյանը մարզպետարանի առողջապահության և սոցիալական ապահովության վարչության պետ Ռուզաննա Պողոսյանի ուղեկցությամբ ճանաչողական այց կատարեց Վանաձորի հոգենյարդաբանական դիսպանսեր: Վերջինս հանրապետությունում այն եզակիներից է, որտեղ ստացիոնար բուժում է իրականացվում: Այստեղ արտահիվանդանոցային հսկողություն է սահմանված ավելի քան 5000 բնակչի նկատմամբ, միջինում ստացիոնար բուժում է ստանում 20-25 հիվանդ: Մարզի ղեկավարին Վանաձորի հոգենյարդաբանական դիսպանսերի տնօրեն Արթուր Ղուլիջանյանը ներկայացրեց բուժում ստացող անձանց կենցաղային և հանգստի պայմանները, առկա դեղորայքային հագեցվածությունը, ինչպես նաև լուծում պահանջող խնդիրները: Ըստ տնօրենի՝ բուժհաստատությանը խիստ անհրաժեշտ է նյարդաբան մասնագետ: Ջանքեր են գործադրում մասնագետի ներգրավման ուղղությամբ:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2026-11-13 16:52:00