Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Պետական աջակցությամբ մարզում շարունակում են կառուցվել «խելացի» անասնաշենքեր

Պետական աջակցությամբ մարզում շարունակում են կառուցվել «խելացի» անասնաշենքեր 24.08.2021

Այսօր Լոռու մարզպետի տեղակալ Գոռ Ասրյանը Լոռու մարզպետարանի գյուղատնտեսության և բնապահպանության վարչության գյուղատնտեսության բաժնի պետ Արտյոմ Շահվերդյանի ուղեկցությամբ աշխատանքային այցով եղավ Գուգարք և Վանաձոր համայնքներում, որտեղ պետական աջակցության ծրագրերի շրջանակներում կառուցվում են «խելացի» անասնաշենքեր: Առաջին կանգառը Գուգարք համայնքում էր: Այստեղ համայնքի բնակիչ Կարեն Քարհանյանը, օգտվելով «Փոքր և միջին «խելացի» անասնաշենքերի կառուցման կամ վերակառուցման և դրանց տեխնոլոգիական ապահովման պետական աջակցության» ծրագրից, կառուցում է 50 գլուխ խոշոր եղջերավոր կենդանու համար նախատեսված անասնաշենք՝ 35 մլն դրամ ընդհանուր արժողությամբ. գումարի 70 տոկոսը փոխհատուցվելու է պետության միջոցներից:

Հարգանքի տուրք մատուցվեց Իոսիվ Մոնտրեզորի  և ռուս-պարսկական պատերազմում զոհված զինվորների հուշարձանի մոտ

Հարգանքի տուրք մատուցվեց Իոսիվ Մոնտրեզորի և ռուս-պարսկական պատերազմում զոհված զինվորների հուշարձանի մոտ 23.08.2021

Վանաձոր-Սպիտակ ավտոմայրուղու միջնամասից հարավ ընկած տարածքում է գտնվում ռուսական բանակի հրամանատար Իոսիվ Մոնտրեզորի և նրա հետ ռուս-պարսկական պատերազմում զոհված զինվորների հուշարձանը, որը խորհրդանշում է հայ-ռուսական դարավոր բարեկամությունը: Ռուս-պարսկական առաջին պատերազմի տարիներին՝ 1804 թվականին, այս տարածքում 114 ռուս զինվորներից և 60 հայ կամավորներից կազմված ջոկատը հերոսաբար զոհվել է 30 անգամ գերազանցող պարսից ուժերի հետ անհավասար պայքարում:

Կայացավ սեղանի թենիսի հուշամրցաշարը

Կայացավ սեղանի թենիսի հուշամրցաշարը 23.08.2021

Օգոստոսի 21-22-ը Վանաձորի «Կենտրոն» համալիր մարզադպրոցում անցկացվեց սեղանի թենիսի պատանեկան հուշամրցաշար՝ նվիրված ՀԽՍՀ և ՀՀ վաստակավոր մարզիչ Ռոբերտ Գևորգյանին: Մրցաշարին մասնակցում էին մինչև 17 տարեկան շուրջ 50 պատանի մարզիկներ (17 աղջիկ և 32 տղա)՝ Երևանից, Արցախից, Լոռու, Շիրակի մարզերից և հանրապետության տարբեր մարզադպրոցներից: Եզրափակիչ մրցաշարի ընթացքում պատանի թենիսիստներին ողջունելու և ոգևորելու էր եկել Լոռու մարզպետ Արամ Խաչատրյանը: Հուշամրցաշարը կազմակերպել էր Լոռու մարզպետի օգնական, Լոռու մարզի սեղանի թենիսի ֆեդերացիայի նախագահ Էրիկ Կոստանյանը:

Ախթալայում անցկացվեց խորովածի համահայկական 12-րդ փառատոնը

Ախթալայում անցկացվեց խորովածի համահայկական 12-րդ փառատոնը 23.08.2021

Օգոստոսի 22-ին Ախթալայում արդեն 12-րդ անգամ անցկացվեց Խորովածի ամենամյա ավանդական փառատոնը: Վերջինս կազմակերպվել էր «Հայ խոհարարական ավանդույթների զարգացման և պահպանման» հկ-ի նախաձեռնությամբ ու ջանքերով, Լոռու մարզպետարանի և Ախթալայի համայնքապետարանի աջակցությամբ: Միջոցառմանը ներկա էին Լոռու մարզպետ Արամ Խաչատրյանը, մարզպետ տեղակալ Գոռ Ասրյանը, մարզպետարանի պաշտոնյաներ, համայնքների ղեկավարներ, բազմաթիվ հյուրեր: Փառատոնը մեկնարկեց թատերականացված տեսարանով: Ալավերդու քաղաքային թատրոնի բեմադրությամբ ներկայացվեց Գուրգեն Առաջին Բագրատունու՝ որսից վերադարձի տեսարանը: Ներկայացման վերջում ընթերցվեց արքայի հրովարտակը և հայտարարվեց փառատոնի մեկնարկի մասին։ Այն ուղեկցվեց Ալավերդու պարի թատրոնի, Վանաձորի դհոլահարների խմբի և «Ադանա» փրոջեքթի կատարումներով:

Մարզպետ Արամ Խաչատրյանը պարգևատրեց թիվ 3 դպրոցի աղջիկների ֆուտբոլի թիմին

Մարզպետ Արամ Խաչատրյանը պարգևատրեց թիվ 3 դպրոցի աղջիկների ֆուտբոլի թիմին 20.08.2021

Վանաձորի թիվ 3 դպրոցի աղջիկների ֆուտբոլի մանկապատանեկան թիմը Հայաստանի ֆուտբոլի ֆեդերացիայի կողմից վերջերս կազմակերպած մարզային մրցաշարում գրավել է առաջին տեղը, պարգևատրվել ոսկե գավաթով Լոռու մարզում առաջատար լինելու և Երևանում անցկացված խաղում Եղեգնաձորի թիմին 2։1 հաշվով հաղթելու համար։ Այսօր մարզպետ Արամ Խաչատրյանն ընդունեց թիմի անդամներին, դպրոցի և ֆուտբոլի ֆեդերացիայի ներկայացուցչական կազմերին: Նա շնորհավորեց հաղթանակի կապակցությամբ և շնորհակալություն հայտնեց մարզի հեղինակությունը բարձր պահելու համար:

Զբոսաշրջության հիմնախնդիրները Լոռու մարզում. բաց քննարկում

Զբոսաշրջության հիմնախնդիրները Լոռու մարզում. բաց քննարկում 20.08.2021

Մարզում զբոսաշրջության և մատուցվող ծառայութունների որակը բարձրացնելու նպատակով Լոռու մարզպետարանի Զարգացման ծրագրերի, զբոսաշրջության և վերլուծության բաժինը հանդիպման էր հրավիրել ոլորտի ներկայացուցիչերին՝ վեր հանելու հիմնախնդիրները և պետություն-համայնք-մասնավոր հատված համագործակցության միջոցով բարձրացված հարցերի համար արդյունավետ և իրատեսական լուծումներ գտնելու: Քննարկումը վարում էր Լոռու մարզպետարանի զարգացման ծրագրերի, զբոսաշրջության և վերլուծության բաժնի պետ Հասմիկ Մկրտչյանը:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2026-11-13 16:52:00