Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՈՒՇԱԴՐՈՒԹՅՈՒՆ ԳՈՐԾՈՒՄ ԵՆ ԹԵԺ ՀԵՌԱԽՈՍԱԳԾԵՐ 09.04.2020
Հարգելի լոռեցինե՛ր Քաղաքացիների և կազմակերպությունների անհետաձգելի կարիքներին արձագանքելու և հուզող հարցերին պատասխանելու նպատակով, ինչպես Լոռու մարզպետարանում, այնպես էլ՝ մարզի համայնքներում գործում են շուրջօրյա թեժ գծեր: Մինչև իրավիճակի կարգավորումը դադարեցված է թղթային տարբերակով դիմումների, գրությունների և առաջարկությունների ընդունումը: Խնդրում ենք ձեր դիմումները, բողոքներն ու առաջարկություններն ուղարկել պաշտոնական էլ․ փոստի՝ marzpet.lori@mta.gov.am, lori@mta.gov.am, lori.qartughar@mta.gov.am կամ էլեկտրոնային հարցումների միասնական հարթակի՝ https://e-request.am/hy/ միջոցով:
Կորոնավիրուսի սոցիալական և տնտեսական հետևանքների չեզոքացման նպատակով, ինչպես հայտնի է, ՀՀ կառավարության կողմից հաստատվել են 9 միջոցառումների ծրագրեր: Նշված ծրագրերի վերաբերյալ տեղեկատվություն հաղորդելու, ինչպես նաև քաղաքացիների և կազմակերպությունների անհետաձգելի կարիքներին արձագանքելու նպատակով Լոռու մարզպետարանում գործում է շուրջօրյա թեժ գիծ, որի պատասխանատուն է Ֆինանսական և սոցիալ-տնտեսական զարգացման վարչության ավագ մասնագետ Քրիստինե Հովսեփյանը՝ հեռ. 0322-4-47-29(աշխ.), 099-85-25-52(բջջ.), ով հանգամանալի տեղեկատվություն կներկայացնի ծրագրերի վերաբերյալ:
56 նոր պլանշետ հեռավար դասապրոցեսն անխափան իրականացնելու նպատակով 07.04.2020
Կրթության, մշակույթի և սպորտի նախարարության կողմից Լոռու մարզպետարանին հատկացվել է 56 նոր պլանշետ, որոնք կտրամադրվեն մարզի թվով 24 համայնքների դպրոցների: Վերջիններիս կողմից ժամանակավոր օգտագործման նպատակով դրանք կտրվեն հեռավար դասապրոցեսին մասնակցելու համար տեխնիկական միջոցներ չունեցող, 4 և ավելի դպրոցահասակ երեխաներ ունեցող ընտանիքներին: Օգտագործման անհրաժեշտության ավարտից հետո պլանշետները կվերադարձվեն դպրոցներին՝ հետագա տնօրինման նպատակով: Գործընթացը կկրի շարունակական բնույթ:
Ռաֆայել Հրայրի Հարությունյանը՝ Լոռու մարզպետարանի կրթության,մշակույթի և սպորտի վարչության պետ 07.04.2020
Ղեկավարվելով մի շարք իրավական ակտերով և հիմք ընդունելով 2020 թվականի ապրիլի 2-ին մրցութային հանձնաժողովի կողմից տրված եզրակացությունը՝ ՀՀ Լոռու մարզպետարանի գլխավոր քարտուղարի ապրիլի 3-ի, թիվ 369 հրամանով Ռաֆայել Հրայրի Հարությունյանը նշանակվել է Լոռու մարզպետարանի կրթության,մշակույթի և սպորտի վարչության պետ: Շնորհավորում ենք, մաղթում աշխատանքային հաջողություններ:
Վանաձոր համայնքում «Հայկական Կարիտաս» բարեսիրական հասարակական կազմակերպության կողմից 70 միայնակ ծերերի հատկացվել են սննդի տարողունակ փաթեթներ և խնամքի պարագաներ: «Բարի մամա» ՀԿ-ի կողմից Վանաձորի թվով 30 ընտանիքների տրամադրվել են սննդի փաթեթներ և խնամքի պարագաներ: Գուգարաց թեմի առաջնորդ տեր Սեպուհ արքեպիսկոպոս Չուլջյանի միջնորդությամբ Վանաձորի բժշկական կենտրոնին նվիրաբերվել է թթվածնի կոնցենտրատոր:
ԻՆՉՊԵՍ ԱՌՑԱՆՑ ԴԻՄԵԼ ՀԱՄԱՅՆՔԱՊԵՏԱՐԱՆ 03.04.2020
Հարգելի՛ քաղաքացիներ, առցանց ծառայությունների կիրառումը խթանելու և ստեղծված իրավիճակում ձեր այցը համայնքապետարաններ բացառելու նպատակով՝ մշակվել է կարճ ուղեցույց-տեսահոլովակ:
