Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՌՈԲԵՐՏ ԷՄՄԻՅԱՆԻ ԱՆՎԱՆ ԳԱՎԱԹԻ ՄԻՋԱԶԳԱՅԻՆ ՄՐՑԱՇԱՐԸ ՎԱՆԱՁՈՐՈՒՄ ԱՆՑԿԱՑՎԵՑ ԱՐԴԵՆ ԵՐՐՈՐԴ ԱՆԳԱՄ 13.09.2019
Սեպտեմբերի 12-ին Վանաձորի Աթլետիկայի օլիմպիական հերթափոխի մանկապատանեկան մարզադպրոցում անցկացված Ռոբերտ Էմմիյանի անվան գավաթի միջազգային մրցաշարի բացման հանդիսավոր արարուղությանը իր մասնակցությունն էր բերել նաև մարզպետ Անդրեյ Ղուկասյանը: Բացման հանդիսավոր արարողությանը ներկա էին նաև Վանաձոր համայնքի ղեկավար Մամիկոն Ասլանյանը, պետական այրեր, մարզաշխարհի անվանի ներկայացուցիչներ և պատվարժան հյուրեր: Ողջույնի խոսքով հանդես եկան Լոռու մարզպետ Անդրեյ Ղուկասյանը, Վանաձոր համայնքի ղեկավար Մամիկոն Ասլանյանը և աշխարհահռչակ հեռացատկորդ Ռոբերտ Էմմիյանը:
Մարզպետը Ձորագյուղում հորդորեց շեշտադրում կատարել անասնապահության և զբոսաշրջության վրա 13.09.2019
Սեպտեմբերի 12-ին Լոռու մարզպետ Անդրեյ Ղուկասյանն աշխատանքային այցով եղավ Ձորագյուղ, Ձորագետ և Վահագնի համայնքներում: Մարզի ղեկավարին ուղեկցում էին մարզպետարանի մի խումբ ոլորտային պատասխանատու պաշտոնյաներ: Առաջին կանգառը Ձորագյուղում էր: Անդրեյ Ղուկասյանն այստեղ նախ խորհրդակցություն անցկացրեց համայնքապետարանում, ապա նաև՝ շրջայց կատարեց համայնքում՝ այցելելով դպրոց, մանկապարտեզ, զրուցեց համայնքի բնակիչների հետ:
Մարզպետի տեղակալն ընդունել է «Մեկ մարզ, մեկ երգ» ծրագիրի ներկայացուցիչներին 13.09.2019
«Դեպի Հայք» հիմնադրամի շրջանավարտների ծրագրի ղեկավար Արծրուն Պիվազյանը, ՀՀ Կրթության, գիտության, մշակույթի և սպորտի նախարարության հետ համագործակցությամբ, իրականացնում է «Մեկ մարզ, մեկ երգ» ծրագիրը: Վերջինս ենթադրում է ծրագրում ներգրավված երիտասարդների այցելություններ Հայաստանի և Արցախի մի շարք մարզերի տեսարժան վայրեր, պատմամշակութային հուշարձաններ, ծանոթություններ երաժիշտների և երաժշտախմբերի հետ, նրանց հետ համատեղ հայկական երգերի և տեսահոլովակների նկարահանում:
Սեպտեմբերի 11-ին Լոռու մարզպետարանում անցկացվեց Լոռու մարզի զբաղվածության աջակցության մարզային հանձնաժողովի նիստը, որը վարում էր հանձնաժողովի նախագահ, մարզպետի տեղակալ Գայանե Մարկոսյանը:
Սեպտեմբերի 11-ին Լոռու մարզպետ Անդրեյ Ղուկասյանն անցկացեց քաղաքացիների ընդունելություն, որին մասնակցեց շուրջ 30 քաղաքացի Վանաձորից և մարզի բոլոր տարածարջաններից: Քաղաքացիները մարզի ղեկավարին դիմեցին նպաստառության վերականգնման, անձնական բնույթի, աշխատանքի տեղավորման, բնակապահովման՝ այդ թվում՝ բնակարանային պայմանների բարելավման և մի շարք այլ խնդիրներով: Որոշ քաղաքացիներ պարզապես շնորհակալություն հայտնելու էին եկել՝ մարզի ղեկավարի հետ նախորդ ընդունելության արդյունքում իրենց բարձրացրած խնդրին շուտափույթ լուծում տալու և աջակցության համար:
«ՕքսԵՋԵՆ» հիմնադրամը Եվրամիության կողմից ֆինանսավորվող «ԵՄ-ն հանուն երիտասարդության՝ հմտություններ ապագայի համար» ծրագրի շրջանակներում իր գործընկեր «Սեյվ դը չիլդրեն ինթերնեշնլ» կազմակերպության հայաստանյան ներկայացուցչության հետ համատեղ նախաձեռնել է քննարկումների շարք «Համընդհանուր հմտությունները՝ որպես երիտասարդների՝ աշխատաշուկայում մրցունակ լինլու գրավական» խորագրով: Վանաձորի տեխնոլոգիական կենտրոնում այսօր անցկացված աշխատաժողովին ներկա էր նաև մարզպետի տեղակալ Գայանե Մարկոսյանը:
