Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Լոռու փոխմարզպետը ու Մեծ Բրիտանիայի և Հյուսիսային Իռլանդիայի Միացյալ Թագավորության դեսպանը հյուրընկալվեցին թիվ 3 հիմնական դպրոցում

30.04.2021

Մեծ Բրիտանիայի և Հյուսիսային Իռլանդիայի Միացյալ Թագավորության դեսպան Ջոն Պատրիկ Գալագերին Լոռու մարզ կատարած ճանաչողական այցի շրջանակներում Լոռու մարզպետի տեղակալ Գոռ Ասրյանի ուղեկցությամբ եղավ Վանաձորի թիվ 3 հիմնական դպրոցում: Փոխմարզպետը շնորհակալություն հայտնեց համագործակցության համար և շեշտեց՝ մարզպետարանը առաձնակի կարևորում է կրթական ոլորտը, մարզային իշխանությունների կողմից ողջունելի ու խրախուսելի է Լոռիում իրականացվող յուրաքանչյուր ներդրում:
Դեսպանը Գոռ Ասրյանի, մարզպետարանի կրթության, մշակույթի և սպորտի վարչության պետի պաշտոնակատար Արփինե Մատինյանի, դպրոցի ուսուցչական կոլեկտիվի հետ միասին շրջեց դպրոցում, ծանոթացավ պատմությանը, ուսուցման կազմակերպման գործընթացին: Աշակերտները անգլերեն լեզվի բաց դաս անցկացրին, իսկ դասի ավարտին հնարավորություն ունեցան իրենց հուզող հարցերն ուղղելու հյուրերին:
Բրիտանիայի խորհրդի հետ Վանաձորի թիվ 3 հիմնական դպրոցը համագործակցում է՝ սկսած 2017թ.-ից: Արդյունքում՝ բրիտանական 2 դասասենյակներում իրականացվող դասերը հնարավորություն են տալիս ավելի խորացված ուսումնասիրել անգլերեն լեզուն և հիմնավոր գիտելիքներ ձեռք բերել :

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-28 14:24:21