Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիսավորությամբ նշվել է ՏԻՄ համակարգի 28-ամյակը 12.11.2024
Լոռու մարզպետ Արամ Ղազարյանը նոյեմբերի 11-ին մասնակցել է Տեղական ինքնակառավարման համակարգի 28-ամյակին նվիրված հանդիսավոր միջոցառմանը։ Միջոցառմանը ներկա են եղել ՀՀ վարչապետ Նիկոլ Փաշինյանը, փոխվարչապետ Տիգրան Խաչատրյանը, Կառավարության մի շարք անդամներ, այլ պետական պաշտոնյաներ, ՀՀ մյուս մարզերի մարզպետները և բոլոր համայնքապետերը, ԵՄ դեսպան Վասիլիս Մարագոսը, ԵԽ հայաստանյան գրասենյակի ղեկավար Մաքսիմ Լոնգանգեն, միջազգային և հասարակական կազմակերպությունների մի շարք ներկայացուցիչներ։
Դեկտեմբերի 1-ը անշարժ գույքի հարկի և փոխադրամիջոցների գույքահարկի վճարման վերջնաժամկետն է 12.11.2024
Հիշեցնում ենք անշարժ գույքի հարկի վճարման համար սահմանված ժամանակացույցը. • ֆիզիկական անձինք՝ մինչև հարկային տարվա դեկտեմբերի 1-ը ներառյալ, • կազմակերպությունները՝ յուրաքանչյուր հաշվետու կիսամյակ` առաջին կիսամյակում մինչև հարկային տարվա հունիսի 1-ը ներառյալ, երկրորդ կիսամյակում մինչև հարկային տարվա դեկտեմբերի 1-ը ներառյալ։ • Փոխադրամիջոցների գույքահարկի վճարման վերջնաժամկետն է դեկտեմբերի 1-ը ներառյալ:
Լոռի առողջապահական ֆեստիվալ»` Վանաձորի բժշկական կենտրոնում 11.11.2024
Լոռու մարզպետ Արամ Ղազարյանի հովանու ներքո «Եվրոպա Դոննա Արմենիա» կազմակերպությունը, «Պրոտոն Դիագնոստիքս» ախտորոշիչ և գիտակրթական կենտրոնը, Լոռու մարզպետի աշխատակազմի և Վանաձորի բժշկական կենտրոնի հետ համագործակցությամբ նոյեմբերի 9-ին Վանաձորի բժշկական կենտրոնում կազմակերպել էին կոնֆերանս՝ «Լոռի առողջապահական ֆեստիվալ» խորագրով: Կոնֆերանսին մասնակցում էր մարզպետ Արամ Ղազարյանը: Ներկա էին Լոռու մարզպետի աշխատակազմի առողջապահության և սոցիալական ոլորտի վարչության պետ Ռուզաննա Պողոսյանը, մայրաքաղաքի առաջավոր կլինիկաների և Լոռու մարզի բուժհաստատությունների բուժաշխատողներ:
Լոռու մարզպետ Արամ Ղազարյանի հանձնարարությամբ՝ մարզպետի աշխատակազմը նոյեմբերի 9-ին վաղ առավոտից մասնակցեց Վանաձորում հայտարարված համաքաղաքային շաբաթօրյակին: Միջոցառմանը ներգրավվել էին նաև Վանաձորի համայնքապետարանի, Գուգարք, Շահումյան և Դարպաս բնակավայրերի, համայնքապատկան կառույցների, պետական և մասնավոր հիմնարկների աշխատակիցները, քաղաքացիական հասարակության ակտիվ խմբեր, սրտացավ քաղաքացիներ։ Մարզկենտրոն Վանաձորի մաքրման աշխատանքներն արդյունավետ կազմակերպելու նպատակով մասնակիցների համար առանձնացվել էին աշխատանքային տեղամասեր: Լոռու մարզպետի ողջ աշխատակազմն ակտիվորեն մասնակցեց Վանաձորի Սայաթ-Նովայի անվան զբոսայգու տարածքի սանմաքրման, բարեկարգման և հարդարման աշխատանքներին։
Նոյեմբերի 8-ին Լոռու մարզպետարանում համագործակցության մասին հուշագիր է կնքվել «Պրոտոն Դիագնոստիքս» ախտորոշիչ և գիտակրթական կենտրոնի՝ ի դեմս տնօրեն Նարեկ Մատինյանի և «Վանաձորի բժշկական կենտրոն» ՓԲԸ-ի միջև՝ ի դեմս տնօրեն Մեսրոպ Հազրոյանի: Հուշագրի կնքման արարողությանը ներկա են եղել Լոռու մարզպետ Արամ Ղազարյանը, «Շենգավիթ» բժշկական կենտրոնի տնօրեն Ալեքսանդր Ուռումյանը, Լոռու մարզպետի աշխատակազմի առողջապահության և սոցիալական հարցերի վարչության պետ Ռուզաննա Պողոսյանը, ֆինանսական վարչության պետ Մերի Դալլաքյանը, Վանաձորի բժշկական կենտրոնի բաժանմունքների ղեկավարներ: Ողջունելով ներկաներին՝ մարզպետ Արամ Ղազարյանը շնորհակալություն է հայտնել «Պրոտոն Դիագնոստիքս» ախտորոշիչ և գիտակրթական կենտրոնի տնօրեն Նարեկ Մատինյանին Վանաձորի բժշկական կենտրոնի հետ համագործակցության պատրաստակամության համար:
Հանրային իրազեկում՝ գյուղատնտեսության ոլորտի պետական օժանդակության ծրագրերի վերաբերյալ 08.11.2024
Գյուղատնտեսության ոլորտի պետական օժանդակության ծրագրերի վերաբերյալ հանրային իրազեկում իրականացելու և անհրաժեշտ խորհրդատվություն տրամադրելու նպատակով շարունակվում են այցերը Լոռու մարզի համայնքներ: Նոյեմբերի 7-ին Լոռու մարզպետի աշխատակազմի գյուղատնտեսության և շրջակա միջավայրի վարչության պետ Արուս Թումանյանը, ՀՀ Էկոնոմիկայի նախարարության գյուղատնտեսության խորհրդատվության և նորարարությունների վարչության գլխավոր մասնագետներ Մուշեղ Ղազարյանը, Ջոն Սիմոնյանը, մարզպետի աշխատակազմի մասնագետները Փամբակ և Թումանյան համայնքներում հանդիպումներ են ունեցել նշված համայնքների բնակավայրերի գյուղատնտեսության ոլորտի տնտեսվարողների հետ: Հանդիպումներին ներկա են եղել համայնքապետարանների պատասխանատու պաշտոնյաներ և բնակավայրերի վարչական ղեկավարները:
