Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Անցկացվեց Հաշմանդամություն ունեցող անձանց հարցերով զբաղվող Լոռու մարզային հանձնաժողովի նիստը 21.07.2025
Հուլիսի 18-ին անցկացվեց Հաշմանդամություն ունեցող անձանց հարցերով զբաղվող Լոռու մարզային հանձնաժողովի նիստը, որը վարում էր Լոռու մարզպետի պաշտոնակատար Հովհաննես Ավետիսյանը։ Ողջունելով ներկաներին՝ Հ. Ավետիսյանն ընդգծեց հանձնաժողովի գործունեության կարևորությունը՝ նշելով, որ առաջնային խնդիր է հաշմանդամություն ունեցող անձանց սոցիալական ներառման, կրթության, առողջապահության և զբաղվածության հնարավորությունների ընդլայնումը: Նա կարևորեց նաև պետական և տեղական ինքնակառավարման մարմինների, հասարակական կազմակերպությունների համագործակցությունը՝ արդյունավետ ծրագրերի իրականացման համար:
Հուլիսի 20-ին Լոռու մարզպետի պաշտոնակատար Հովհաննես Ավետիսյանը՝ Փամբակ համայնքի ղեկավար Սուրեն Կոստանդյանի ուղեկցությամբ, այցելել է Անտառամուտ և Վահագնի բնակավայրեր, հանդիպել բնակիչների հետ և ծանոթացել նրանց հուզող խնդիրներին։ Հանդիպմանը մասնակցել են նաև Լոռու մարզպետի աշխատակազմի, Փամբակի համայնքապետարանի պատասխանատու պաշտոնյաներ և բնակավայրերի վարչական ղեկավարները։ Անտառամուտ բնակավայրում անցկացված հանդիպման ընթացքում մարզպետի պաշտոնակատար Հովհաննես Ավետիսյանը բնակիչներին տեղեկացրել է, որ նախորդ տարիներին բնակավայրում պետական ամբողջական ֆինանսավորմամբ և սուբվենցիոն միջոցներով ակնառու ծրագրեր են իրականացվել, անդրադարձ է կատարվել նաև մի շարք խնդիրների:
Լոռու մարզում կֆինանսավորվեն մի շարք հրատապ ծրագրեր 18.07.2025
ՀՀ կառավարության այսօրվա նիստում կայացված որոշմամբ նախատեսվում է ֆինանսավորել հետևյալ հրատապ ծրագրերը. Լոռի մարզի Տաշիր համայնքի թվով 6 կամուրջների հիմնանորոգում Տաշիր քաղաքի Գետափնյա 8 շենքի հիմքի վերանորոգում և մայթի վերականգնում(ինն ամիս՝ 150 մլն դրամ, տարի՝ 263 մլն 175 հազար դրամ). ինչպես նաև՝ 434 մլն 106.4 հազար դրամ կհատկացվի՝ Ալավերդի քաղաքի Սանահին թաղամասի ջրամատակարարման արտաքին ջրատար համակարգի վերակառուցման աշխատանքների իրականացման, Ալավերդի քաղաքի Թումանյան փողոցի քանդված հենապատերի կառուցման, ճանապարհի ասֆալտապատման, կապիտալ վերանորոգման, մայթերի կառուցման, վերականգնման, ճանապարհի կահավորման՝ գծանշումների, ճանապարհային նշանների տեղադրման, ճաղաշարերի տեղադրման աշխատանքների իրականացման, Ալավերդի համայնքի ճանապարհների և բակային հատվածների ասֆալտապատման, կապիտալ վերանորոգման և խաղահրապարակների կառուցման աշխատանքների իրականացման, Լոռու մարզի կրթահամալիրներ տանող ճանապարհների միջին նորոգման և հիմնանորոգման աշխատանքների նախագծանախահաշվային փաստաթղթերի ձեռքբերում և նախագծան
Անցկացվել է մարզային զորակոչային հանձնաժողովի նիստ 18.07.2025
Հուլիսի 18-ին անցկացվել է Լոռու մարզային զորակոչային հանձնաժողովի նիստը, որը վարել է հանձնաժողովի նախագահ, ՀՀ Լոռու մարզպետի պաշտոնակատար Հովհաննես Ավետիսյանը: Հանձնաժողովի անդամներն են՝ ՀՀ ՊՆ Վանաձորի ռազմական ոստիկանության բաժնի պետ, փոխգնդապետ Վահան Անտոնյանը, ՀՀ ՊՆ ՀԶԿ Լոռու մարզի զինվորական կոմիսար, փոխգնդապետ Սարգիս Վահրադյանը, ՀՀ ՆԳՆ ոստիկանության ՀՈԳՎ Բազումի բաժնի պետ, փոխգնդապետ Ա.Հարությունյանը, Գուգարքի բաժնի պետ, փոխգնդապետ Մ.Եղշատյանը, Տարոնի բաժնի պետ, փոխգնդապետ Կ.Արզումանյանը, Թումանյանի բաժնի պետ, փոխգնդապետ Ա.Գյուրջանյանը, Ստեփանավանի բաժնի պետ, փոխգնդապետ Գ.Պալյանը, Սպիտակի բաժնի պետ, փոխգնդապետ Ս.Մալաքյանը, Տաշիրի բաժնի պետ, փոխգնդապետ Ա.Չթչյանը, Լոռու մարզպետի աշխատակազմի զորահավաքային նախապատրաստության բաժնի պետ, մարզային զորակոչային հանձնաժողովի քարտուղար Արմեն Հակոբյանը:
Լոռու մարզպետի պաշտոնակատար Հովհաննես Ավետիսյանն այսօր՝ հուլիսի 16-ին, ընդունել է բռնցքամարտի մարզիչ, ՀՀ ֆիզիկական կուլտուրայի և սպորտի վաստակավոր գործիչ, ԿԳՄՍ ոսկե մեդալակիր Վազգեն Բադալյանին և կանանց պրոֆեսիոնալ բռնցքամարտի Ասիայի չեմպիոն, «Վազգեն Բադալյան» մարզական ակումբի սան Անահիտ Արոյանին: Հանդիպմանը մասնակցել են նաև Լոռու մարզպետի աշխատակազմի պատասխանատու պաշտոնյաները:
Աշխատանքային խորհրդակցություն 17.07.2025
Լոռու մարզպետի պաշտոնակատար Հովհաննես Ավետիսյանն հուլիսի 16-ին անցկացրել է աշխատանքային խորհրդակցություն՝ մարզպետի աշխատակազմի կառուցվածքային ստորաբաժանումների ղեկավարների, պատասխանատու այլ պաշտոնյաների մասնակցությամբ: Խորհրդակցության ընթացքում մարզպետի աշխատակազմի ստորաբաժանումների ղեկավարները հանդես են եկել նախորդ շաբաթվա ընթացքում իրականացված աշխատանքների վերաբերյալ հաշվետվություններով, ներկայացրել նաև առաջիկա անելիքները:
