Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Դպրոցներում բացառել դրամահավաքի դրսևորումները 16.05.2016
Հարգելի լոռեցիներ: Մայիսի 27-ին ավարտական դասարաններում կազմակերպվող «Վերջին դաս» միջոցառումը սովորողների և նրանց ծնողների համար իրական տոն դարձնելու, հասարակության շրջանում դպրոցի, մանկավարժի վարկը բարձր պահելու, ծնողներին ֆինանսական խնդիրների առջև չկանգնեցնելու համար պետք է բացառել դրամահավաքի որևէ դեպք:
ԼՂՀ «Մենք ենք մեր սարերը» երգի- պարի պետական համույթը՝ Լոռու մարզում 16.05.2016
Մայիսի 13, 14 և 15-ին ԼՂՀ մշակույթի նախարարության «Մենք ենք, մեր սարերը» երգի-պարի պետական համույթը հանդես եկավ մարզի 5 տարածաշրջանային կենտրոններում: Լոռու մարզպետարանի աջակցությամբ ու մարզպետարանի կրթության, մշակույթի և սպորտի վարչության մշակույթի և սպորտի բաժնի անմիջական օժանդակությամբ համույթը փայլուն կատարումներով ներկայացավ լոռեցի հանդիսատեսին: Հայ ազգային ինքնատիպ երգն ու պարը մատուցելով՝ համույթն արժանացավ հանդիսատեսի ջերմ ընդունելությանն ու ծափողջույններին:
Սոցիալական պաշտպանության բարեփոխումներ 13.05.2016
Սոցիալական պաշտպանության բնագավառի բարեփոխումների շրջանակում Լոռու մարզպետարանի դահլիճում տեղի ունեցավ տարածքային մակարդակում սոցիալական համագործակցության համաձայնագրի կնքման գործընթացին նվիրված սեմինար-քննարկում։
Աշխատանքային այցով Լոռու մարզում էր ՀՀ առողջապահության նախարարը 12.05.2016
Մայիսի 11-ին աշխատանքային այցով Լոռու մարզում էր ՀՀ առողջապահության նախարար Արմեն Մուրադյանը: Լոռու մարզպետ Արթուր Նալբանդյանի ուղեկցությամբ նա մասնակցեց Ուռուտի առողջության առաջնային պահպանման կենտրոնի (ԱԱՊԿ) նորկառույց մասնաշենքի բացման հանդիսավոր արարողությանը:
Քաղաքացիների ընդունելություն 12.05.2016
Մայիսի 12-ի Լոռու մարզպետարանում անցկացվեց քաղաքացիների հերթական ընդունելությունը: Վանաձորից, Գուգարքի, Թումանյանի, Ստեփանավանի տարածաշրջաններից 22 բնակիչների հուզող հարցերը լսեց և սպառիչ պատասխաններ տվեց Լոռու մարզպետի տեղակալ Արսեն Դարբինյանը: Նրանց հարցերը առավել համակողմանիորեն պարզաբանելու նպատակով ընդունելությանը մասնակցում էին նաև մարզպետարանի որոշ ստորաբաժանումների ղեկավարներ:
Մարզային միջոցառումներ՝ նվիրված մայիսյան հաղթանակներին 10.05.2016
Լոռու մարզի բոլոր քաղաքային ու գյուղական համայնքներում հանդիսավորությամբ ու շուքով նշվեց Հայրենական մեծ պատերազմի հաղթանակի 71-ամյակը և Շուշիի ազատագրման 24-րդ տարեդարձը: Ամենուր տեղի ունեցան մայիսյան եռատոներին նվիրված բազմաբնույթ միջոցառումներ, մեծարվեցին Հայրենական պատերազմի և Արցախյան ազատամարտի վետերաններն ու մերօրյա մասնակիցները: Տոնական ու փառաբանման միջոցառումներ տեղի ունեցան Ստեփանավանում, Սպիտակում, Տաշիրում, Ալավերդիում, այլուր:
