Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կվերանորոգվի Գեղագիտության ազգային կենտրոնի Վանաձորի մասնաճյուղը 06.03.2015
Լոռու մարզպետարանի պատվիրատվությամբ և պետբյուջեի ֆինանսավորմամբ այս տարի կվերանորոգվի Գեղագիտության ազգային կենտրոնի Վանաձորի մասնաճյուղը: Այդ նպատակով կհատկացվի ավելի քան 19 մլն դրամ: Կատարվել են նախագծային աշխատանքներ, որը դեռևս քննարկման փուլում է: Կենտրոնի մասնաշենքը բավականին հին, ինքնատիպ շինություն է, ունի առանձնահատուկ կառուցվածք, ուստի մարզպետարանը, նախագծողներն ու մասնագետները ամենայն պատասխանատվությամբ են վերաբերում խնդրին:
Հարգանքի տուրք Վազգեն Սարգսյանի հիշատակին 05.03.2015
Մարտի 5-ին՝ Սպարապետ Վազգեն Սարգսյանի ծննդյան օրը, հիշատակի միջոցառում էր կազմակերպել նրա արձանի մոտ։ Վազգեն Սարգսյանի հիշատակը հարգելու էին եկել Լոռու մարզպետ Արթուր Նալբանդյանը, տեղակալ Տիգրան Բադոյանը, Վանաձորի քաղաքապետ Սամվել Դարբինյանը, մարզպետարանի և քաղաքապետարանի վարչությունների և բաժինների պետեր, աշխատակիցներ, ՀՀ պաշտպանության նախարարության 3-րդ բանակային կորպուսի սպաներ, զինվորներ, մտավորականներ։
Տեղի ունեցավ Արտակ Աղեկյանի և Հայկ Բարոյանի հոգեհանգիստը 04.03.2015
Մարտի 3-ին ՀՀ պաշտպանության նախարար Սեյրան Օհանյանը, ԼՂՀ պաշտպանության նախարար Մովսես Հակոբյանը, Լոռու մարզպետ Արթուր Նալբանդյանը, բարձրաստիճան զինվորականներ, պաշտոնատար այլ անձինք Տաշիր քաղաքում մասնակցեցին փետրվարի 28-ին ադրբեջանական դիվերսիան հետ մղելու հետևանքով զոհված փոխգնդապետ Արտակ Աղեկյանի և ժամկետային զինծառայող Հայկ Բարոյանի հոգեհանգստին:
Վանաձոր քաղաքի անհատ աշխատող տաքսու վարորդներին տրվեցին պարզաբանումներ 04.03.2015
Մարտի 4-ին Վանաձոր քաղաքի անհատ աշխատող տաքսու վարորդները ոլորտում կատարված օրենսդրական փոփոխությունների վերաբերյալ իրենց անհամաձայնությունն արտահայտելու, իրենց հուզող հարցերի վերաբերյալ սպառիչ պատասխաններ ստանալու նպատակով Լոռու մարզպետարանում հանդիպում ունեցան ՀՀ տրանսպորտի և կապի նախարարի տեղակալ Արամ Արսենյանի, ՀՀ տրանսպորտի տեսչության պետ Արման Միրիջանյանի հետ:
Աշխատանքային խորհրդակցություն 02.03.2015
Մարտի 2-ին Լոռու մարզպետ Արթուր Նալբանդյանն անցկացրեց աշխատանքային խորհրդակցություն: Լոռու մարզի փրկարարական վարչության պետ, փրկարարական ծառայության գնդապետ Հրաչ Անտոնյանը հակիրճ ներկայացրեց նախորդ շաբաթվա ընթացքում արձանագրված արտակարգ դեպքերը՝ մասնավորապես անդրադառնալով փետրվարի 27-ին Մ-6 միջպետական ավտոճանապարհի Վանաձոր - Ալավերդի հատվածի 31-րդ կմ-ում տեղի ունեցած քարաթափմանը (մոտ 20 տ), ինչի հետևանքով վնասվել է «Օպել» մակնիշի ավտոմեքենա:
Հաշվետվություններով հանդես եկան Հոբարձի, Վարդաբլուր, Գյուլագարակ և Կուրթան համայնքների ղեկավարները 02.03.2015
Լոռու մարզի բոլոր 113 համայնքների ղեկավարները մարզի ղեկավարի պահանջով հանդես են գալիս հաշվետվություններով, ավագանու անդամներին ու բնակիչներին ներկայացնում հաշվետու տարում կատարված աշխատանքը: Փոխմարզպետ Տիգրան Բադոյանը մարզպետարանի մի շարք վարչությունների ներկայացուցիչների ուղեկցությամբ եղավ Ստեփանավանի տարածաշրջանի Հոբարձի, Վարդաբլուր Գյուլագարակ և Կուրթան համայնքներում:
