Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Անցկացվեց «Լավագույն մարզական ընտանիք» մրցույթի եզրափակիչ փուլը 31.07.2018
Հուլիսի 23-28-ը Ծաղկաձորի գլխավոր մարզահամալիրում հոբելյանական՝ 15-րդ անգամ անցկացվող «Լավագույն մարզական ընտանիք» մրցույթի եզրափակիչ փուլում 167 ընտանիքներ (որոնցից 23-ը՝ հաշմանդամություն ունեցողներ) մրցել են տարվա լավագույն ընտանիքի տիտղոսին արժանանալու համար:
Առայժմ հաստատվել է 15 ծրագիր 31.07.2018
ՀՀ համայնքների տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրերով ֆինանսավորվելու համար (ծրագիրը մեկնարկել է այս տարվա հունվարից) Լոռու մարզից դիմել ընդամենը 15 համայնք, ներկայացվել է 23 ծրագիր, որոնցից միջգերատեսչական հանձնաժողովի կողմից հավանության է արժանացել և ՀՀ վարչապետի որոշմամբ հաստատվել է առայժմ 15-ը: Ֆինանսավորումը սոցիալական բնույթի ծրագրերի դեպքում պահանջում է 60 տոկոս համայնքային և 40 տոկոս պետական բյուջեից ներդրում, իսկ տնտեսական բնույթի ծրագրերը՝ 40 տոկոս՝ համայնքային և 60 տոկոս ներդրում՝ պետական բյուջեից:
Աշխատանքային այց Սպիտակի տարածաշրջան 30.07.2018
Մարզպետ Հրանտ Մարգարյանը հուլիսի 27-ին մարզպետարանի մի խումբ պատասխանատու պաշտոնյաների ուղեկցությամբ աշխատանքային այցով Սպիտակի տարածաշրջանում էր: Նրա առաջին կանգառը Կաթնաջուր համայնքում էր: Գյուղապետարանի աշխատակազմի, ավագանու անդամների և բնակչության հետ Լոռու մարզպետի հանդիպումը կայացավ համայնքապետարանի բակում:
Չկալովում բարերարի աջակցությամբ խաղահրապարակ է բացվել 30.07.2018
Թումանյանի տարածաշրջանի Չկալով համայնքի բնակչուհի, այժմ ընտանիքով արտերկրում բնակվող Սիլվա Զալինյանը (Մովսիսյան) հատկապես վերջին տարիներին հարազատ գյուղում իրականացրած մի քանի խոշոր ծրագրերին հավելեց հերթականը: Գյուղն ապահովված է գիշերային լուսավորությամբ, վերանորոգվել է հանդիսությունների սրահը, գնվել է գյուղտեխնիկա, համակարգիչներ, տեխնիկական այլ պարագաներ՝ համայնքի աշխատանքներն ավելի արդյունավետ ու որակյալ կազմակերպելու համար: Ընտանիքի կողմից իրականացված վերջին ծրագիրը գյուղում խաղահրապարակի կառուցումն է: Համայնքի ղեկավար Ռոման Շաքարյանը և Սիլվա Զալինյանը բարի լուրի մասին անձամբ էին հայտնել՝ այցելելով մարզպետարան: Նրանք մարզպետարանի պատասխանատու պաշտոնյաներին հրավիրել էին ներկա գտնվելու համայնքի համար չափազանց ուրախալի այդ հանդիսությանը:
Այսօր մարզպետ Հրանտ Մարգարյանն ընդունեց «Վորլդ Վիժն Հայաստան» կազմակերպության Լոռու մարզային ծրագրերի ղեկավար Արեգ Մարտիրոսյանին: Հանդիպմանը ներկա էին նաև ոլորտային պատասխանատու պաշտոնյաներ: Շնորհակալություն հայտնելով հյուրընկալության համար՝ Ա. Մարտիրոսյանը մարզի ղեկավարին ներկայացրեց կառույցի կողմից իրականացված և ընթացքի մեջ գտնվող ծրագրերը:
Այսօր մարզպետ Հրանտ Մարգարյանի կողմից մարզպետարանի պատասխանատու պաշտոնյաների մասնակցությամբ հրավիրված խորհրդակցությանը քննարկվեցին մի քանի օրակարգային հարցեր: Մարզպետի տեղակալ Արամ Խաչատրյանը զեկուցեց, որ նախորդ շաբաթ հանդիպում է ունեցել Գուգարքի տարածաշրջանի համայնքների ղեկավարների հետ և մի շարք կարևոր հարցերին զուգահեռ քննարկվել է նաև «Տեղական ինքնակառավարման մասին» ՀՀ օրենքի 1-ին մասի 2-րդ կետի պահանջը, այն է՝ «ապահովել անասնաբուժական ծառայության գործունեության կազմակերպումը՝ համայնքային հաստիքային անասնաբույժի միջոցով»:
