Տեղեկատվական կենտրոն
Նորություններ
Հաջողված պատմություններ 26.03.2018
ՀՀ տարածքային կառավարման և զարգացման նախարարության միգրացիոն ծառայությունը ներկայացնում է Էմիգրանտների և վերադարձած միգրանտների` Հայաստանի համայնքներում կատարած ներդրումների հաջողված պատմությունները, որոնց կարելի է ծանոթանալ հետևյալ հղումներով՝
Սրբազան հայր: Իմ և Լոռու մարզի հավատացյալ բնակչության անունից ջերմորեն շնորհավորում եմ Ձեզ՝ ծննդյան տարեդարձի առթիվ: Երկու տասնամյակից ավելի է, որ Դուք, արգասաբեր գործունեությամբ, անմնացորդ նվիրումով առաջնորդում եք Ձեր հոգևոր հոտը՝ քարոզելով հանդուրժողականություն և մարդասիրություն, սերմանելով բարու և գեղեցիկի հունդեր` հույս, հավատ, զգոնություն և ուժ եք հաղորդում հավատացյալներին, օգնում դիմակայելու դժվարություններին, նպաստում հայ ազգային ավանդույթների պահպանմանը, քրիստոնեական հավատքի ամրապնդմանը:
«Բարեկամության կամուրջներ» Վանաձոր և Կաունաս քաղաքների միջև 22.03.2018
2018 թվականը խորհրդանշական է թե՛ Հայաստանի, թե՛ Լիտվայի հանրապետությունների համար: Երկու ժողովուրդներն էլ նշում են առաջին հանրապետությունների անկախության 100-ամյակը: Հոբելյանական տարվա միջոցառումների գեղեցիկ մեկնարկը Վանաձորում տվեց Կոմիտասի անվան արվեստի դպրոցը՝ Լիտվայի Կաունասի Միկո Պետրաուսկոյի անվան երաժշտական դպրոցի հետ համատեղ համերգներով, որոնք կրում էին «Բարեկամության կամուրջներ» խորագիրը: Վանաձորյան միջոցառումն իրենց ներկայությամբ պատվել էին ՀՀ-ում Լիտվայի արտակարգ և լիազոր դեսպան Էրիկաս Պետրիկասը, Վանաձորի քաղաքապետ Մամիկոն Ասլանյանը, Լոռու մարզպետի տեղակալ Տիգրան Բադոյանը, Գուգարաց թեմի առաջնորդ բարձրաշնորհ Տեր Սեպուհ արք. Չուլջյանը, պաշտոնատար այլ անձինք, արվեստասեր բազմաթիվ Վանաձորցիներ:
Ֆրանկոֆոնիայի երկամսյակի շրջանակում 22.03.2018
Ֆրանկոֆոնիայի երկամսյակի շրջանակում, որը մեկնարկել է մարտի 12-ին, Վանաձորի տարբեր մշակութային օջախներում շարունակվում են միջոցառումները: Էդուարդ Կզարթմյանի անվան երաժշտական դպրոցի համերգասրահում տեղի ունեցավ Վանաձորի կամերային երգչախմբի համերգը, որին ներկա էր նաև Լոռու մարզպետի տեղակալներ Տիգրան Բադոյանը և Հովհաննես Թադևոսյանը:
Համատեղ խորհրդակցություն՝ Ոստիկանություն – մարզպետարան - ՏԻՄ համագործակցության շրջանակներում 21.03.2018
ՀՀ Ոստիկանություն – մարզպետարան - ՏԻՄ համագործակցության շրջանակներում մարտի 21-ին տեղի ունեցավ հերթական խորհրդակցությունը Լոռու մարզպետարանի ստորաբաժանումների պետերի, Վանաձորի քաղաքապետարանի պաշտոնյաների և ՀՀ ոստիկանության Լոռու մարզային վարչության ներկայացուցիչների մասնակցությամբ:
Ի գիտություն 21.03.2018
Լոռու մարզում ոռոգելի հողոտարածքների ավելացմանն ուղղված՝ անջրդի հողատարածքներում ոռոգման համակարգի ներդրման խրախուսական մեխանիզմների կիրառման նպատակով հայտնում ենք, որ, ներդրողի կողմից ջրագիծ անցկացնելու դեպքում սեփականության իրավունքով անհատույց կտրամադրվի հողատարածք (օրինակ 10 հա հողատարածքում մասնավոր սուբյեկտի կողմից ջրագիծ անցկացնելու դեպքում 7 հա-ն սեփականության իրավունքով անհատույց կտրամադրվի վերջինիս): Մանրամասների համար կարող եք զանգահարել Լոռու մարզպետարանի աշխատակազմի գյուղատնտեսության և բնապահպանության վարչություն՝ (0322) 4-30-99 հեռախոսահամարով: