Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետ Անդրեյ Ղուկասյանն, ընդառաջելով Ստեփանավանի և Տաշիրի տարածաշրջանների մի խումբ անասնապահների խնդրանքին, այսօր հանդիպեց նրանց հետ: Անասնապահները մարզի ղեկավարին փոխանցեցին իրենց մտահոգությունը՝ նշելով, որ կաթ մթերող ընկերությունները մեկ լիտր կաթի մթերման համար սահմանել են աննախադեպ ցածր գին՝ ընդամենը 120 դրամ, վստահեցնելով, որ նախորդ տարի կաթը հանձնել են 160-170 դրամով, ամռան ամիսներին սահմանված է եղել ամենացածր գինը՝ 130 դրամ:
Կկնքվի Լոռու մարզպետարան, «Ռոսֆրուտ» ընկերություն և գյուղատնտես եռակողմ պայմանագիր 19.03.2019
Լոռու մարզպետ Անդրեյ Ղուկասյանի նախաձեռնությամբ հանդիպում էր կազմակերպվել Վանաձորում պահածոների արտադրությամբ զբաղվող «Ռոսֆրուտ» ընկերության սեփականատեր Զոհրաբ Քեշիշյանի և մարզի խոշոր գյուղատնտեսների հետ: Զ. Քեշիշյանը նշեց, որ ընկերությունն ընդլայնում է գործունեութան շրջանակները և պատրաստ է պատվիրատու դառնալու կամ անհրաժեշտության դեպքում ֆինանսավորելու այն գյուղատնտեսներին, ովքեր կկարողանան ապահովել ոլոռի, լոբու, ոսպի, հնդկաձավարի, ձավարի մեծաքանակ արտադրություն:
Այսօր համայնքապետարանի նիստերի դահլիճում անցկացվեց համայնքի ավագանու հերթական նիստը, որին ներկա գտնվեց նաև մարզպետ Անդրեյ Ղուկասյանը: Նիստի ընթացքում Վանաձոր համայնքի ղեկավար Մամիկոն Ասլանյանը հանդես եկավ Վանաձոր համայնքի 2018 թվականի բյուջեի կատարման տարեկան և հաշվետու տարում 2018-2021թթ․ զարգացման ծրագրի իրականացման վերաբերյալ 2018 թվականի հաշվետվությամբ:
Մարտի 18-ին Լոռու մարզպետ Անդրեյ Ղուկասյանը աշխատանքային խորհրդակցություն անցկացրեց մարզպետարանի մի խումբ պատասխանատու պաշտոնյաների և կառուցվածքային ստորաբաժանումների ղեկավարերի մասնակցությամբ: Փոխմարզպետ Արշակ Հովսեփյանը մարզի ղեկավարին ներկայացրեց «Մաքուր Հայաստան» ծրագրի շրջանակներում մարտի 23-ին անցկացվելիք համապետական շաբաթօրյակի կազմակերպման ընթացիկ աշխատանքները: Ա. Ղուկասյանն ի լրումն նշեց, որ միջոցառումը ձևական բնույթ չի կրելու, մասնակցելու են բոլոր պետական կառույցները, մասնակցության կոչ է արվում նաև հասարակական կազմակերպություններին, իրավաբանական անձանց, քաղաքացիներին:
Լոռիում սկսվել է գարնանացան սերմացուների բաշխման գործընթացը 15.03.2019
Լոռու մարզի գյուղացիական տնտեսություններն ու հողօգտագործողներն արդեն ստանում են պետության կողմից սուբսիդավորված սերմացուների առաջին խմբաքանակը՝ գարնանացանը ժամանակին և անխափան կատարելու համար:
Այսօր Վանաձորի բժշկական կենտրոնում համագործակցության հուշագիր ստորագրեցին ՀՀ առողջապահության ազգային ինստիտուտի տնօրեն Ալեքսանդր Բազարչյանը և Վանաձորի բժշկական կենտրոնի տնօրեն Վահագն Մկրտչյանը: Հուշագրով համաձայնություն ձեռք բերվեց հենց Վանաձորի բժշկական կենտրոնում իրականացնելու կրթական մի շարք ծրագրեր, որոնք վերաբերում են բուժքույրերի, միջին բժշկական անձնակազմի, ինչպես նաև առաջնային օղակի բժիշկների վերապատրաստումների, շարունակական մասնագիտական զարգացման համատեղ ծրագրերի իրականացմանը, հետագայում նաև կոնֆերանսների, գիտական տարբեր միջոցառումների անցկացմանը և այլն:
