Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այսօր Լոռու մարզպետի տեղակալ Գայանե Մարկոսյանը հյուրընկալել էր «Կանաչ արահետ» գյուղատնտեսության աջակցության հասարակական կազմակերպության ներկայացուցիչ Ստելլա Սարուխանյանին: Լոռու մարզպետարանը պատրաստակամություն է հայտնել աջակցելու կազմակերպությանը մարզի թվով 55 ընտանիքի հատապտուղների տնկիների և սածիլների, սերմերի բաշխում իրականացնելու հարցում: Մարզի 12 բնակավայրերից ընտրվել են սոցիալապես անապահով այն ընտանիքները, որոնք պատրաստակամություն են հայտնել հետագայում՝ տրամադրված աջակցության շնորհիվ, ընդլայնելու ցանքատարածությունները, զբաղվելու մշակաբույսերի վաճառքով և շահույթ ստանալով՝ հոգալու առօրյա հոգսերը: Ելնելով համավարակի տարածման պատճառով ստեղծված իրավիճակից՝ այդ ընտանիքներին կտրամադրվեն նաև սննդի փաթեթներ:
Գայանե Մարկոսյանն աշխատանքային այցով եղավ Հարթագյուղ, Ծաղկաբեր և Սարալանջ համայնքներում 18.05.2020
Մայիսի 15-ին Լոռու մարզպետի տեղակալ Գայանե Մարկոսյանն աշխատանքային այցով եղավ Հարթագյուղ, Ծաղկաբեր և Սարալանջ համայնքներում՝ ծանոթանալու Վարձատրվող հասարակա¬կան աշխատանքների կազմակերպման միջոցով` գործազուրկների ժամանա¬կավոր զբաղվա¬ծության ապահովման ծրագրի շրջանականերում իրականացվող աշխատանքներին, ինչպես նաև հաղորդակից դառնալու համայնքային խնդիրներին: Այցի առաջին կանգառը Հարթագյուղում էր: Այստեղ վերը նշված ծրագրի շրջանակներում իրականացվում է Սուրբ Հովհաննես մատուռ տանող շուրջ 1.3 կմ ճանապարհի խճալցում և բարեկարգում, ինչը համայնքի 6 բնակիչների համար երկամսյա ժամկետով ոչ միայն աշխատատեղի խնդիր է լուծում, այլև համայնքի համար զբոսաշրջային նշանակության մեկ այլ կարևոր հարց. ըստ համայնքի ղեկավարի, հատկապես հանգստյան օրերին և բարենապաստ եղանակային պայմաններում օրական 2000-3000 զբոսաշրջիկ է բարձրանում այդ ճանապարհով:
«Ռուսաստանի հայերի միության» կողմից տրամադրված սննդօգնությունը Լոռու մարզպետարանի աջակցող խմբերի և կամավորների կողմից բաշխվել է մարզի սոցիալապես անապահով 158 ընտանիքի (ընդամենը մինչ այժմ՝1143): Հայկական կարմիր խաչի ընկերության Լոռու մարզային մասնաճյուղը ՀՀ Կառավարության կողմից հատկացված սննդօգնությունը և հիգիենայի պարագաները տրամադրել է Սարահարթ համայնքում՝ սոցիալապես անապահով 9 միայնակ ծերերի, Լոռի Բերդում ՝ միայնակ թոշակառու և առավել աղքատ 49 ընտանիքի (Լոռի Բերդում՝ 5, Լեջանում՝ 17, Ուռուտում՝ 6, Ագարակում՝ 7, Բովաձորում՝ 3, Կողեսում՝ 2, Յաղդանում՝ 5, Սվերդլովում՝ 4), Ստեփանավանում՝ սոցիալապես անապահով 187 ընտանիքի, Տաշիրում՝ 145 ընտանիքի, Մեծավանում ՝ 64 ընտանիքի,Սարչապետում՝ 73 ընտանիքի: Ընդհանուր առմամբ այս ծրագրով աջակցություն կցուցաբերվի 1500 ընտանիքի: Դարպաս համայնքում սոցիալապես անապահով 16 ընտանիքի «Բարգավաճ Հայաստան» կուսակցության կողմից տրամադրվել է սննդօգնություն:
Քննարկվեցին մի շարք օրախնդիր հարցեր, տրվեցին հանձնարարականներ 18.05.2020
Լոռու մարզպետ Անդրեյ Ղուկասյանն այսօր ընդլայնված խորհրդակցություն անցկացրեց փոխմարզպետ Գայանե Մարկոսյանի, մարզպետարանի գլխավոր քարտուղար Արթուր Մխիթարյանի, կառուցվածքային ստորաբաժանումների ղեկավարների և մարզպետարանի պատասխանատու այլ պաշտոնյաների մասնակցությամբ: Մինչ օրակարգային հարցերին անցնելը, տեղեկատվություն ներկայացվեց նախորդ շաբաթ մարզի ղեկավարի կողմից տրված հանձնարարականների կատարման վերաբերյալ: Այնուհետ ներկաները հանդես եկան կատարված աշխատանքների մասին հաշվետվությամբ: Փոխմարզպետ Գայանե Մարկոսյանը տեղեկացրեց, որ նախորդ շաբաթվա ընթացքում մարզպետարանի աջակցող խմբերի և կամավորների օգնությամբ շարունակվել է սննդօգնության բաշխումը մարզի կարիքավոր ընտանիքներին, որոնց վերաբերյալ յուրաքանչյուր շաբաթ տեղեկանք է հրապարակվում:
Կարևորվեց կանխարգելիչ միջոցառումներ իրականացնելու անհրաժեշտությունը 18.05.2020
Լոռու մարզպետարանի ընտանիքի, կանանց և երեխաների իրավունքների պաշտպանության բաժնի պետ Սարգիս Գրիգորյանը հանդիպում-քննարկում անցկացրեց ՀՀ ոստիկանության Լոռու մարզային վարչության անչափահասների գործերով և ընտանիքում բռնության կանխարգելման բաժանմունքների պետերի մասնակցությամբ: Ս. Գրիգորյանը կարևորեց անչափահաս իրավախախտ, ուշադրության կենտրոնում հայտնված երեխաների հետ կապված աշխատանքներն առավել համագործակցված և արդյունավետ կազմակերպելը: Նա ընդգծեց նաև կանխարգելիչ միջոցառումներ իրականացնելու անհրաժեշտությունը, որը ևս պետք է իրականացվի բաժին-ոստիկանություն համատեղ ջանքերով: Համաձայնություն ձեռքբերվեց անհրաժեշտության դեպքում յուրաքանչյուր դեպքի առնչությամբ առանձին քննարկում կազմակերպել:
Մայիսի 14-ին Լոռու մարզպետ Անդրեյ Ղուկասյանն աշխատանքային այցով եղավ Լոռի Բերդ խոշորացված համայնքի Բովաձոր բնակավայրում, Տաշիր խոշորացված համայնքի Տաշիր քաղաքում և Մեդովկա բնակավայրում՝ ծանոթանալու ինչպես պետական աջակցությամբ, այնպես էլ՝ մասնավոր ներդրումներով իրականացվող անասնապահության զարգացմանն ուղղված ծրագրերին: Առաջին կանգառը Բովաձորում էր: Այստեղ Սարգիս Մարիկյանը «Փոքր և միջին «խելացի» անասնաշենքերի կառուցման կամ վերակառուցման և դրանց տեխնոլոգիական ապահովման պետական աջակցության» ծրագրով իրականացնում է պոլիէթիլենային տարբերակով անասնաշենքի կառուցում՝ նախատեսված շուրջ 45 գլուխ խոշոր եղջերավոր կենդանիների համար: Աշխատանքների զգալի մասը կատարված է. առաջին փուլով նախատեսված աշխատանքներն ավարտված են, աջակցության մի մասը ևս ստացել է: Շուտով ավարտին կմոտենա երկրորդ փուլը, որից հետո կստանա նաև աջակցության մյուս մասը: Այսպիսով՝ ընդհանուր առմամբ 35 մլն դրամ արժողությամբ ծրագրի շուրջ 50 տոկոսը կփոխհատուցի պետությունը:
