Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Եվրոպական միության «Համայնքի ղեկավարներ հանուն տնտեսական զարգացման» ծրագիրը, թեև մեկնարկել է 2017թ.-ին, սակայն ծրագրից ինչ-ինչ պատճառներով դուրս մնացած Վանաձոր և Սպիտակ համայնքներին հնարավորություն կտրվի օգտվելու ընձեռված հնարավորություններից, քանի որ, հաշվի առնելով ծրագրի հաջող փորձը, Եվրոպական միությունը զգալի միջոցներ է նախատեսել դրա շարունակականությունը ապահովելու և նոր համայնքներ ընդգրկելու նպատակով: Այն է՝ տրամադրված մեթոդական աջակցության շնորհիվ մշակելու համայնքների տնտեսական զարգացման պլան՝ հետագա փուլերում արդեն դրամաշնորհային ծրագրերից օգտվելու հեռանկարով: Լոռու մարզպետի տեղակալ Գայանե Մարկոսյանի հետ հանդիպմանն այս մասին տեղեկացրեց «Համայնքի ղեկավարներ հանուն տնտեսական զարգացման» քարտուղարություն Հայաստանի նախագծի համակարգող Սևակ Հովհաննիսյանը: Հանդիպմանը մասնակցում էին Սպիտակ համայնքի ղեկավար Գագիկ Սահակյանը և Վանաձորի քաղաքապետարանի զարգացման ծրագրերի, արտաքին կապերի և տեղեկատվական տեխնոլոգիաների բաժնի պետ Լիլյա Դավթյանը:
ՄԱՐԶԻ ԳՅՈՒՂԱՏՆՏԵՍՆԵՐԻՆ ՆԵՐԿԱՅԱՑՎԵՑԻՆ ԳՅՈՒՂԱՏՆՏԵՍՈՒԹՅԱՆ ՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐԸ 31.01.2020
ՀՀ էկոնոմիկայի նախարարության գյուղոլորտի պատասխանատուները հունվարի 31-ին Լոռու մարզպետարանում կազմակերպել էին հանդիպում մարզի համայնքների ղեկավարների և ֆերմերների հետ: Մարզպետի տեղակալ Գայանե Մարկոսյանը, ողջունելով ներկաներին՝ մարզպետ Անդրեյ Ղուկասյանի և իր անունից կարևորեց միջոցառման նախաձեռնությունը. -Լոռու մարզպետարանը նույնպես պետական աջակցությամբ իրականացվող գյուղատնտեսական ծրագրերի վերաբերյալ պարբերաբար իրազեկման աշխատանքներ է իրականացնում, սակայն շատ կարևոր է, երբ Էկոնոմիկայի նախարարության ծրագրերի մշակման պատասխանատուներից է հնարավորություն լինում ստանալու բոլոր հարցերի պատասխանները,-ասաց Գ. Մարկոսյանը՝ դահլիճում ներկա համայնքների ղեկավարներին և գյուղատնտեսներին հորդորելով ակտիվ լինել:
Փոխմարզպետը կարևորեց երիտասարդների պահանջատեր լինելու կեցվածքը 31.01.2020
Ընդառաջ գնալով Ալավերդի խոշորացված համայնքի մի խումբ ակտիվ երիտասարդների խնդրանքին՝ այսօր Լոռու մարզպետի տեղակալ Գայանե Մարկոսյանը հանդիպեց նրանց հետ: Վերջիններս նշեցին, որ այժմ թեև ակտիվիստների խումբը սակավաթիվ է, սակայն ջանքեր չեն խնայում իրենց շարքերը համալրելու ուղղությամբ: -Նպատակ ունենք երիտասարդական խորհուրդ ձևավորելու, որպեսզի ամենօրյա ռեժիմով հնարավորություն ունենանք բարձրաձայնելու համայնքային խնդիրները և հետևողական լինելու դրանց լուծման ուղղությամբ,-նշեցին երիտասարդները: Նրանք կարևորեցին հատկապես զբոսաշրջության զարգացման ուղղությամբ իրականացվելիք ծրագրերը՝ նշելով, որ բազմաթիվ հետաքրքիր գաղափարներ ունեն, որոնցով պատրաստ են կիսվելու համայնքային և մարզային իշխանությունների հետ:
Հրշեջ ISUZU մակնիշի 9 ավտոբաքերն արդեն Լոռու մարզում 30.01.2020
Հունվարի 29-ին ԱԻՆ շարահրապարակում տեղի ունեցավ Ճապոնիայի միջազգային համագործակցության գործակալության (JICA) կողմից Հայաստանի Հանրապետության արտակարգ իրավիճակների նախարարությանը նվիրաբերված 22 հրշեջ ավտոմեքենաների հանձնման հանդիսավոր արարողությունը, որին ներկա էր նաև մարզպետ Անդրեյ Ղուկասյանը: Հրշեջ մեքենաները տրվել են JICA-ի՝ «Հակահրդեհային սարքավորումների բարելավման ծրագրի» շրջանակներում, և նախատեսված են Լոռու, Շիրակի և Սյունիքի մարզերի փրկարարական ստորաբաժանումների տեխնիկական վերազինման համար:
ԴՐԱՄԱԿԱՆ ԱՋԱԿՑՈՒԹՅՈՒՆ` 31 ԸՆՏԱՆԻՔԻ 30.01.2020
Լոռու մարզպետ Անդրեյ Ղուկասյանի նախաձեռնությամբ Հայկական բանակի 28-րդ տարեդարձի առթիվ 2013թ.-ից մինչ օրս զոհված թվով 31 զինծառայողների ընտանիքների ցուցաբերվել է դրամական աջակցություն: Նման աջակցությունները պարբերական բնույթ են կրում:
Լոռու մարզպետի տեղակալ Գայանե Մարկոսյան հունվարի 30-ին ընդունեց Հայկական բարեգործական ընդհանուր միության հայաստանյան գրասենյակի գործադիր տնօրեն Թալար Կազանջյանին և ընկերության ներկայացուցիչներին: Հանդիպմանը ներկա էին նաև մարզպետարանի պատասխանատու պաշտոնյաներ: Թ. Կազանջյանի ներկայացմամբ, ՀԲԸՄ գրասենյակը նախաձեռնություն է ցուցաբերել սկսելու կանանց հզորացման ծրագիր Վանաձորում: Կազմակերպությունն արդեն երեք տարի է՝ դասընթացներ է իրականացնում կին ձեռներեցների համար՝ նպատակ ունենալով առաջարկելու այլ մասնագիտական հմտություններ ևս:
