Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Թող անառիկ ու խաղաղ լինեն մեր Հայրենիքի սահմանները, թող շատ երեխաներ լույս աշխարհ գան 15.10.2020
Արցախցի արդեն երրորդ փոքրիկը՝ գեղեցկուհի Եվան, լույս աշխարհ է եկել Վանաձորի բժշկական կենտրոնում: Նա երկու քաջարի եղբայրների միակ և անկրկնելի քույր է, ովքեր արդեն այսօր վստահեցնում են, որ ապագա զինվոր են ու պաշտպանելու են ոչ միայն իրենց քրոջը, այլև՝ Հայրենիքը: Փոքրիկ Եվային և նրա մայրիկին՝ Էլինային, այսօր բազմաթիվ նվերներով այցելեց մարզպետի տեղակալ Գայանե Մարկոսյանը: Նա ի դեմս Եվայի, աշխարհի բոլոր մանուկներին մաղթեց խաղաղ երկնքի տակ մեծանալու, արարելու երջանկություն.
ՀՀ Լոռու մարզպետարանի աշխատակազմը, միանալով «Մենք ենք, մեր սահմանները. բոլորս Արցախի համար» մարդասիրական և զարգացման ծրագրերին, 7 մլն 584 հազար դրամ ՀՀ դրամ է փոխանցել «Հայաստան» համահայկական հիմնադրամի հաշվին: Այս օրհասական պահին Արցախին աջակցություն ցուցաբերելու անհատների և կազմակերպությունների պատրաստակամությունը շատ կարևոր է, ինչը ևս մեկ անգամ վկայում է մեր միասնականության, անհրաժեշտ պահին բռունցքվելու կամքի մասին: Կոչ ենք անում մեր բոլո՛ր հայրենակիցներին Հայաստանի Հանրապետությունում և սփյուռքում է՛լ ավելի ակտիվ լինել, համախմբված. այսօր Արցախն ունի բոլորիս օժանդակության կարիքը: Հայ զինվորը, վայրկյան անգամ չվարանելով, իր կյանքն է դնում զոհասեղանին՝ հանուն հայրենիքի, իսկ մենք՝ թիկունքում պարզապես պարտավո՛ր ենք մեր ողջ ներուժով օգնել, նպաստել հաղթանակի կերտմանը ու հետո նաև՝ Արցախի վերածննդին: Միասին մենք անպարտելի՛ ենք: Նվիրատվություն իրականացնելու համար կարող եք այցելել. www.himnadram.org կայքէջ #Հաղթելու_ենք
Հանձնաժողով ստեղծելու մասին 14.10.2020
Մարտական գործողությունների գոտում գտնվող զինծառայողների հետ կապված՝ քաղաքացիներին հուզող հարցերին օպերատիվ կարգով արձագանքելու նպատակով ձևավորվել է աշխատանքային հանձնաժողով: Հանձնաժողովը կգործի ՀՀ ՊՆ ռազմական ավիացիոն համալսարանի տարածքում, հասցե՝ ք․ Երևան, Արշակունյաց պող․ 89, հեռախոս՝ +374 10 448425: ՀՀ ՊՆ Հիշեցնենք, որ գործում են նաև ՀՀ ՊՆ թեժ գծի 1-28, +374 10 29-46-76 և +374 10 66-00-54, ինչպես նաև ԶՈՒ ԳՇ 8501 և 8503 հեռախոսահամարները: Վիրավոր զինծառայողների առողջական վիճակի հետ կապված հարցերի պարզաբանումների համար գործում է +374 10 29-46-27 հեռախոսահամարը:
Նշանակվել են Լոռու մարզային և համայնքապետարանների պատասխանատուներ 14.10.2020
ՈՒշադրություն Հարգելի՛ քաղաքացիներ, ստեղծված իրավիճակով պայմանավորված՝ նշանակվել են Արցախի Հանրապետությունից Լոռու մարզ տեղափոխված ընտանիքների հարցերով զբաղվող Լոռու մարզային և համայնքապետարանների պատասխանատուներ: Նշված տեղեկատվությանը կարող եք ծանոթանալ այստեղ:
Շարունակելու ենք արարել ու ստեղծել, կառուցել նորը 12.10.2020
Լոռեցի շինարարները ՝ ոտքի կանգնած, Արցախ գնալ են ուզում, բայց և գիտակցում են՝ այստեղ՝ թիկունքում պետք է ամուր լինել, պետք է շարունակել կառուցել ու շենացնել երկիրը: -Թշնամին քանդում-ավիրում է, բայց մենք շենացնելո՛ւ ենք. շարունակելու ենք արարել ու ստեղծել, կառուցել նորը՝ ավելի գեղեցիկն ու լավագույնը: Այնպես ենք անելու՝ չերևա նույնիսկ, որ թուրքը մեր սրբազան տարածքներով անցել է: Ավերածությունների հետքերը վերացնելու ենք,-ասում են մարզի շինարարները:
Արցախյան հերոսները վերածնվում են 10.10.2020
Լոռու մարզում արդեն երկրորդ տղան է ծնվել, մայրերը արու զավակներ են լույս աշխարհ բերում, որ հայրերի այսօրվա օրինակով վաղը կանգնեն սահմանին՝ կենդանի վահան դառնալով թշնամու բոլո՛ր ոտնձգությունների դեմ
