Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզի ղեկավարը ներկա գտնվեց Վանաձորի կերպարվեստի թանգարանի 45-ամյակին նվիրված ցուցահանդեսի բանցմանը 10.06.2019
Վանաձորի կերպարվեստի թանգարանի 45-ամյակի առթիվ հոբելյանական ցուցահանդես էր կազմակերպվել՝ նվիրված Հովհաննես Թումանյանի ու Կոմիտասի ծննդյան 150-ամյակներին, որին ներկա էին Լոռու մարզպետ Անդրեյ Ղուկասյանը, Վանաձորի քաղաքապետ Մամիկոն Ասլանյանը, մարզային ու քաղաքային իշխանությունների ներկայացուցիչներ, մշակութային գործիչներ, հարգարժան այրեր: Թանգարանը հիմնվել է 1974թ.՝ իբրև Հայաստանի Պետական պատկերասրահի (այժմ՝ Հայաստանի Ազգային պատկերասրահ) մասնաճյուղ (ճարտարապետ՝ Լևոն Խաչատրյան): 1979թ. վերակազմավորման արդյունքում ձևավորվել է իբրև կերպարվեստի թանգարան՝ Կիրովականի գործկոմի ենթակայության տակ: Այսօր՝ Վանաձորի համայնքապետարանի ենթակայությամբ գործող կազմակերպություն է: Թանգարանի շենքը 2004թ. ՀՀ կառավարության որոշմամբ ներառվել է պատմության և մշակույթի անշարժ հուշարձանների ցանկում:
Լոռու մարզպետարանի և Հայկական Կարիտասի համագործակցությունն ամրագրվեց «Փոխըմբռնման հուշագրով» 10.06.2019
Այսօր Լոռու մարզպետ Անդրեյ Ղուկասյանը և «Հայկական Կարիտաս» բարեսիարական հասարակական կազմակերպության գործադիր տնօրեն Գագիկ Տարասյանը «Փոխըմբռնման հուշագիր» ստորագրեցին՝ պարտավորություն ստանձնելով բազմակողմանիորեն համագործակցել մարզի համայնքներում իրականացվող ծրագրերի իրականացման գործում: Միջոցառմանը ներկա էին նաև մարզպետի տեղակալ Գայանե Մարկոսյանը և «Համայնքային զարգացում և աղետների ռիսկերի կառավարում» ծրագրի ռազմավարական ուղղության պատասխանատու Զառա Աղայանը:
Շաբաթօրյակի մեկնարկը տրված է 08.06.2019
Այսօր ամբողջ օրվա ընթացքում մաքրման աշխատանքներ կիրականացվեն մարզի ողջ տարածքում: Շաբաթօրյակին, ըստ նախնական տեղեկատվության, կմասնակցի 10393 մարդ, կներգրավվի 253 տեխնիկա և կօգտագործվի 6244 գործիք: Շաբաթօրյակի ընթացքում 115 աղբանոցներից կփակվեն 88-ը: Ակնկալվում է, սակայն, որ մասնակիցների թիվը շատ ավելին կլինի:
Շաբաթօրյակը բուռն կերպով շարունակվում է 08.06.2019
Շաբաթօրյակը թեժ ընթացքի մեջ է մարզի բոլոր համայնքներում: Ինչպես արդեն տեղեկացրել ենք, Լոռու մարզի տարբեր համայնքներում են մարզպետարանի կառուցվածքային ստորաբաժանումների ղեկավարները, որտեղ նրանք ոչ միայն ներգրավված են շաբաթօրյակի աշխատանքներում, այլև հետևում են ընթացքին: Մարզպետարանի կոլեկտիվը մաքրման աշխատանքներ է իրականացնում նաև Վանաձորի Սանկտ Պետերբուրգյան տնակային ավանին հարակից տարածքում և «Մոր և մանկան» զբոսայգում:
Մարզպետ Անդրեյ Ղուկասյանն հունիսի 6-ին եղավ Վանաձորի գեղատեսիլ բնության գրկում ծվարած՝ նախկին Շինարարների պիոներական ճամբարի տարածքում, ուր մեծածավալ ներդրումների արդյունքում հանգստի գողտրիկ անկյուն է կառուցվում: Ծնունդով կաթնաջուրցի, ռուսաստանաբնակ գործարար Դավթ Նիկողոսյանը, որդիների հետ զգալի ներդումներ կատարելով, երբեմնի ավերակ տարածքն իսկական դրախտավայրի է վերածել: Հանգստի գոտու շինարարությունը սկսվել է դեռևս 6 տարի առաջ, և այն իր դռները հանգստացողների համար կբացի արդեն հաջորդ տարի: Կառուցվել են հյուրանոցային 5 համալիր՝ բոլոր հարմարություններով, ռեստորանային համալիր, ևս երկու դահլիճ խնջույքների համար, շատրվաններ: Տարածքը բարեկարգվել է, կանաչապատվել, ենթակառուցվածքները ևս կարգի են բերվել: Այն պատրաստ կլինի ընդունելու 50-60 հանգստացողների:
Հունիսի 8-ին մարզպետ Անդրեյ Ղուկասյանը Վանաձորի Շառլ Ազնավուրի անվան մշակույթի պալատում անցկացրեց ընդլայնված խորհրդակցություն մարզի համայնքների ղեկավարների մասնակցությամբ: Օրակարգային առաջին հարցով մարզպետի տեղակալ Գայանե Մարկոսյանն անդրադարձավ հունիս 8-ին անցկացվելիք համապետական շաբաթօրյակին՝ կարևորելով համայնքների ղեկավարների,համայնքային ենթակայության հիմնարկների և բնակչության ակտիվ մասնակցությունը շաբաթօրյակին:
