Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Նպատակը՝ սպորտի մասսայականացումն է

Նպատակը՝ սպորտի մասսայականացումն է 24.03.2012

Մարզում մասսայական սպորտի զարգացման նպատակով Լոռու մարզպետ Ա.Նալբանդյանի այս տարվա փետրվարի 20-ի կարգադրությամբ սահմանվեց ՀՀ «Լոռու մարզպետի գավաթ» մրցաշարը, որը ներառում է մի քանի սպորտաձևեր: Մարտի 23-ին մարզպետի մասնակցությամբ տեղի ունեցավ կազմկոմիտեի նիստ, ուր քննարկվեցին մրցաշարի անցկացմանն առնչվող մի շարք հարցեր(տեսանյութ):

Շահավետ համաձայնագիր

Շահավետ համաձայնագիր 23.03.2012

Մարտի 20-ին Սպիտակի «Երիտասարդ մարդկանց քրիստոնեական ասոցիացիա» հկ-ի համայնքային կենտրոնում «Սպիտակ-ֆերմեր» հկ-ի և Նիդերլանդական ՊԱՄ կազմակերպության միջև ստորագրվեց համագործակցության համաձայնագիր, որի նպատակը Սպիտակի տարածաշրջանում գյուղատնտեսության ու մասնավորապես անասնապահության զարգացմանը նպաստելն է, այս ոլորտում ծրագրերի իրականացումը։ Մինչ համաձայնագրի ստորագրումը Սպիտակի քաղաքապետարանում հանդիպում էր կազմակերպվել Հայաստանում Նիդերլանդների փոխդեսպան Անջել Սամուրայի, «ՊԱՄ-Նիդերլանդներ» կազմակերպության հայաստանյան պատասխանատու Լուիտ Կելֆկենսի, Լոռու մարզպետ Արթուր Նալբանդյանի, Սպիտակի քաղաքապետ Գագիկ Սահակյանի, «Սպիտակ-ֆերմեր» հկ գործադիր տնօրեն Սարգիս Մարկոսյանի, նիդերլանդական կողմի այլ ներկայացուցիչների միջև։ Հանդիպման ընթացքում Գագիկ Սահակյանը ողջունելով հյուրերին, կարևորեց Նիդերլանդների հետ համագործակցությունը, բարեկամական կապերի հաստատումը։

Ֆրանսիական  պատվիրակության այցը Լոռու մարզ

Ֆրանսիական պատվիրակության այցը Լոռու մարզ 22.03.2012

Մարտի 20-ին Լոռու մարզպետարանում կայացավ Ֆրանսիայի Պրովանս Ալպ կոտ Դ’Ազյուր ռեգիոնալ խորհրդի պատվիրակության հանդիպումը Լոռու մարզպետ Արթուր Նալբանդյանի և մարզպետարանի վարչությունների պետերի, մարզի խոշոր տնտեսվարողների հետ։ Պրովանս Ալպ կոտ Դ’Ազյուրի (ՊԱԿԱ) և Լոռու մարզի միջև բարեկամությունն սկսվել է 1996-ից, 1997-ից քույր մարզերի բարեկամության պայմանագիր է կնքվել, համագործակցությունը շարունակվում է մինչ օրս։ Այս համագործակցության շնորհիվ մի շարք ծրագրեր են իրականացվել Լոռու մարզում՝ տարբեր բնագավառներում՝ կրթության, մշակույթի, սոցիալական և այլն։ ՊԱԿԱ ռեգիոնալ խորհրդի պատվիրակության այցը Լոռու մարզ, ինչպես նախորդ տարի, այս անգամ ևս անց էր կացվում Հայաստանում Ֆրանսիային նվիրված միամսյակի շրջանակներում, որը մեկնարկել է մարտի 15-ից։

Orange Հիմնադրամի աջակցությամբ Թեղուտ գյուղի մանկապարտեզն ունի կահավորում ու ջեռուցում

Orange Հիմնադրամի աջակցությամբ Թեղուտ գյուղի մանկապարտեզն ունի կահավորում ու ջեռուցում 21.03.2012

Orange Հիմնադրամը և «Շեն» բարեգործական հասարակական կազմակերպությունը շարունակում են Հայաստանի հեռավոր համայնքների զարգացմանն ուղղված բարեգործական ծրագրի իրականացումը, որոնց առանցքում շարունակում են մնալ երեխաները` կրթություն, առողջություն, նախադպրոցական և մարզական դաստիարակություն:

Մարզպետի թռուցկաժողովում 20.03.2012

Մարտի 19-ին Լոռու մարզպետի ամենշաբաթյա հերթական թռուցկաժողովում տրված հանձնարարականների կատարման մասին մարզպետարանի ստորաբաժանումների պետերի զեկուցումներից զատ խոսակցություն ծավալվեց համայնքներում սեփական եկամուտների հավաքագրման իրավիճակի, ֆերմերային տնտեսություններին մատչելի գնով պարարտանյութի և դիզվառելիքի բաշխման գործընթացի, առաջիկա խորհրդարանական ընտրություններին հավուր պատշաճի նախապատրաստվելու և այլ հարցերի շուրջ(տեսանյութ):

Ընդդեմ կոռուպցիայի 19.03.2012

«Հայաստանի երիտասարդ իրավաբանների ասոցացիա» հասարակական կազմակերպությունը 2009 թվականից ի վեր հանրապետության մարզերում ակտիվ գործունեություն է ծավալել կոռուպցիոն երևույթների դեմ: Կազմակերպությունն այս հարցում ջանում է համագործակցել շահագրգիռ պետական կառույցների հետ: Մարտի 14-ին Լոռու մարզպետարանի և ասոցացիայի միջև կնքվեց հակակոռուպցիոն գործունեության համաձայնագիր(տեանյութ):

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2018-07-20 16:45:11