Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետը Ազգային անվտանգության ծառայողի օրվա կապակցությամբ պարգևատրել է մի խումբ նվիրյալների 20.01.2025
Հունվարի 8-ին նշվել է Ազգային անվտանգության ծառայության աշխատակցի օրը: Այդ կապակցությամբ Լոռու մարզպետ Արամ Ղազարյանը հունվարի 17-ին այցելել է Լոռու մարզի ԱԱԾ, շնորհավորել ղեկավար կազմին, ծառայողներին և աշխատակիցներին: Մարզի ղեկավարն իր շնորհավորանքի խոսքում բարձր է գնահատել նրանց կողմից իրականացվող աշխատանքները․ - Մեծ երախտագիտության են արժանի բոլոր այն ծառայողներն, ովքեր անձնվիրաբար, մեծ նվիրումով են իրականացնում իրենց առաքելությունը՝ ժամանակին արձագանքելով ներքին և արտաքին սպառնալիքներին, մեր երկրի առջև ծառացող տարաբնույթ մարտահրավերներին՝ ամեն ինչից վեր դասելով ազգային ու պետական շահը: Համակարգն՝ արհեստավարժ մասնագետներով, պատվով է իրականացնում իր առջև դրված խնդիրները,- նշել է Ա․ Ղազարյանը:
Լոռու մարզպետ Արամ Ղազարյանը հունվարի 20-ին խորհրդակցություն է անցկացրել մարզի համայնքների ղեկավարների մասնակցությամբ: Խորհրդակցությանը ներկա են եղել նաև մարզպետի տեղակալներ Գոռ Ասրյանը, Հովհաննես Ավետիսյանը, մարզպետի աշխատակազմի պատասխանատու այլ պաշտոնյաներ: Մարզի ղեկավարն անդրադարձել է մի շարք հրատապ խնդիրների: Արամ Ղազարյանը համայնքների ղեկավարներին հորդորել է շարունակել հետևողական աշխատանքները հիմնանորոգված, վերանորոգված հանրային ճանապարհների ինքնակամ վնասման դեպքերի ուղղությամբ:
Բնակիչների հետ հանդիպում՝ Վանաձոր համայնքի Բազում թաղամասում 20.01.2025
Լոռու մարզպետ Արամ Ղազարյանը բնակիչերի հետ հանդիպումը շարունակել է Վանաձոր համայնքի Բազում թաղամասում: Այստեղ ևս մարզի ղեկավարը զրուցել է թաղամասի բնակիչների հետ, նրանց ներկայացրել Վանաձորի զարգացման հնարավորություններն ու հեռանկարները, նշել, որ վերջին տարիներին պետությունը լուրջ միջոցներ է ուղղում համայնքի կենսական նշանակության խնդիրները հիմնովին լուծելու համար: Արամ Ղազարյանն ընդգծել է որ Կառավարության օժանդակությամբ բազմաթիվ հրատապ խնդիրներ՝ կապված ենթակառուցվածքների զարգացման, ճանապարհաշինության, համայնքի զարգացման հետ, ըստ առաջնահերթ կարևորության, իրենց լուծումներն են գտնում: Թաղամասի բնակիչները մարզի ղեկավարին են դիմել շենքերի բակերի բարեկարգման, վերելակների գործարկման, սոցիալական աջակցության և տարաբնույթ այլ հարցերով, հանդես եկել թաղամասն առավել հարմարավետ դարձնելու առաջարկներով:
Ազգաբնակչության հետ հանդիպումներ են անցկացվել Կաթնաջուր, Շիրակամուտ և Գեղասար բնակավայրերում 20.01.2025
Հունվարի 18-ին Լոռու մարզպետ Արամ Ղազարյանի հանձնարարությամբ՝ մարզպետի տեղակալներ Գոռ Ասրյանը և Հովհաննես Ավետիսյանը Սպիտակ համայնքի ղեկավար Քաջայր Նիկողոսյանի ուղեկցությամբ այցելել են Կաթնաջուր, Շիրակամուտ և Գեղասար բնակավայրեր, հանդիպել բնակիչների հետ և ծանոթացել նրանց անհանգստացնող խնդիրներին։ Հանդիպմանը մասնակցել են նաև Լոռու մարզպետի աշխատակազմի, Սպիտակի համայնքապետարանի պատասխանատու պաշտոնյաներ և բնակավայրերի վարչական ղեկավարները։ Կաթնաջուր բնակավայրում անցկացված հանդիպման ընթացքում մարզպետի տեղակալ Հովհաննես Ավետիսյանը բնակիչներին տեղեկացրել է, որ նախորդ տարիներին բնակավայրում պետական ամբողջական ֆինանսավորմամբ և սուբվենցիոն միջոցներով բազում ակնառու ծրագրեր են իրականացվել։ 2025 թվականին նախատեսվում է սուբվենցիոն միջոցներով ասֆալտապատել գյուղամիջյան ճանապարհի մոտ 700 մետր հատվածը։
Ազգաբնակչության հետ հանդիպումներ են անցկացվել Կաթնաջուր, Շիրակամուտ և Գեղասար բնակավայրերում 20.01.2025
Հունվարի 18-ին Լոռու մարզպետ Արամ Ղազարյանի հանձնարարությամբ՝ մարզպետի տեղակալներ Գոռ Ասրյանը և Հովհաննես Ավետիսյանը Սպիտակ համայնքի ղեկավար Քաջայր Նիկողոսյանի ուղեկցությամբ այցելել են Կաթնաջուր, Շիրակամուտ և Գեղասար բնակավայրեր, հանդիպել բնակիչների հետ և ծանոթացել նրանց անհանգստացնող խնդիրներին։ Հանդիպմանը մասնակցել են նաև Լոռու մարզպետի աշխատակազմի, Սպիտակի համայնքապետարանի պատասխանատու պաշտոնյաներ և բնակավայրերի վարչական ղեկավարները։ Կաթնաջուր բնակավայրում անցկացված հանդիպման ընթացքում մարզպետի տեղակալ Հովհաննես Ավետիսյանը բնակիչներին տեղեկացրել է, որ նախորդ տարիներին բնակավայրում պետական ամբողջական ֆինանսավորմամբ և սուբվենցիոն միջոցներով բազում ակնառու ծրագրեր են իրականացվել։ 2025 թվականին նախատեսվում է սուբվենցիոն միջոցներով ասֆալտապատել գյուղամիջյան ճանապարհի մոտ 700 մետր հատվածը։
Սպիտակ համայնքի նորակոչիկները մեկնել են ծառայության 16.01.2025
Լոռու մարզպետի տեղակալ Գոռ Ասրյանը, Սպիտակ համայնքի ղեկավար Քաջայր Նիկողոսյանը, մարզպետի աշխատակազմի զորահավաքային նախապատրաստության բաժնի պետ Արմեն Հակոբյանը, ՀՀ ՊՆ Լոռու մարզի Սպիտակի զինվորական կոմիսար Հրահատ Գևորգյանը, պատասխանատու այլ պաշտոնյաներ Սպիտակ համայնքի զինվորական կոմիսարիատի բակում հունվարի 16-ին ներկա են եղել Սպիտակ խոշորացված համայնքի նորակոչիկների՝ Հայոց բանակ ճանապարհելու հանդիսավոր արարողությանը: Նրանց ճանապարհելու էին եկել նաև ծնողները, հարազատները, ընկերները: Հնչել է Հայաստանի Հանրապետության պետական օրհներգը, ապա նորակոչիկներին օրհնության խոսք է ասել Սպիտակի Սուրբ Հարություն եկեղեցու հոգևոր հովիվ տեր Օվսե քահանա Հովհաննիսյանը:
