Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

ԱՆԴՐԵՅ ՂՈՒԿԱՍՅԱՆԸ ՊԱՐԳԵՎԱՏՐՎԵԼ Է «ՀԱՄԱԳՈՐԾԱԿՑՈՒԹՅՈՒՆ ՀԱՆՈՒՆ ՓՐԿՈՒԹՅԱՆ» ՄԵԴԱԼՈՎ

ԱՆԴՐԵՅ ՂՈՒԿԱՍՅԱՆԸ ՊԱՐԳԵՎԱՏՐՎԵԼ Է «ՀԱՄԱԳՈՐԾԱԿՑՈՒԹՅՈՒՆ ՀԱՆՈՒՆ ՓՐԿՈՒԹՅԱՆ» ՄԵԴԱԼՈՎ 23.09.2019

ՀՀ արտակարգ իրավիճակների նախարարի հրամանով Արտակարգ իրավիճակների աշխատողի օրվա կապակցությամբ Լոռու մարզպետ Անդրեյ Ղուկասյանը պարգևատրվել է «Համագործակցություն հանուն փրկության» մեդալով: Պարգևը մարզի ղեկավարին հանձնեց Լոռու մարզի փրկարարական վարչության պետ, փ/ծ գնտապետ Սերոբ Գաբրիելյանը: Նա իր խորին երախտագիտությունը հայտնեց մարզի ղեկավարին սերտ համագործակցության և պատրաստակամության համար:

«Երկրները մեկ հարկի տակ»

«Երկրները մեկ հարկի տակ» 23.09.2019

Սեպտեմբերի 20-22-ը Երևանում անց է կացվում «Երկրները մեկ հարկի տակ» անվանումը կրող ամենամյա ցուցահանդես-համաժողով-մրցանակաբաշխությունը, որին մասնակցում էր նաև մարզի պատվիրակությունը «Երկրները մեկ հարկի տակ» ամենամյա միջազգային ցուցահանդեսն արդեն իններորդ տարին է, ինչ ծառայում է որպես հարթակ՝ միջազգային և տեղական կազմակերպությունների, դեսպանությունների և հյուպատոսությունների, ինչպես նաև քաղաքացիական հասարակության միջև կապեր ստեղծելու և միջազգային համագործակցություն սկիզբ դնելու համար:

Մարդու իրավունքների փառատոնը եզրափակվում է վազքի մարաթոնով և տոնական համերգով

Մարդու իրավունքների փառատոնը եզրափակվում է վազքի մարաթոնով և տոնական համերգով 23.09.2019

«Հանուն հավասար իրավունքների» կրթական կենտրոն ՀԿ-ն արդեն երկրորդ տարին է` Հայաստանում կազմակերպում է «Հոդված 3» մարդու իրավունքների փառատոնը։ Այն իրականացվում է Եվրոպական միության կողմից ֆինանսավորվող «Մարդու իրավունքների խթանում և պաշտպանություն» ծրագրի շրջանակներում՝ ՄԱԿ-ի զարգացման ծրագրի, ՄԱԿ-ի բնակչության հիմնադրամի և ՅՈՒՆԻՍԵՖ-ի կողմից: Փառատոնը նպատակ ունի հանրային մշակութային միջոցառումների միջոցով բարձրացնելու մարդու իրավունքների մասին իրազեկվածությունը, դառնալու երիտասարդների համար նոր գիտելիքներ ստանալու այլընտրանքային հարթակ, ստեղծելու մարդու իրավունքների վերագնահատման և արժևորման մշակույթ։ Այս տարի փառատոնը նվիրված էր ատելության խոսքի դեմ պայքարին և տեղի ունեցավ սեպտեմբերի 14-20-ը՝ «Ես էլ եմ այստեղ» խորագրով։ Փառատոնը մեկնարկել էր Երևանում, իսկ մյուս միջոցառումների կանգառը եղել է Վանաձորը։

ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ ԼՈՌՈՒ ՄԱՐԶՊԵՏԱՐԱՆԻ ԵՎ «ՍՈԼԱՐ ԳՐՈՒՊ»ԸՆԿԵՐՈՒԹՅԱՆ ՄԻՋԵՎ

ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ ԼՈՌՈՒ ՄԱՐԶՊԵՏԱՐԱՆԻ ԵՎ «ՍՈԼԱՐ ԳՐՈՒՊ»ԸՆԿԵՐՈՒԹՅԱՆ ՄԻՋԵՎ 23.09.2019

Այսօր Լոռու մարզպետարանի՝ ի դեմս մարզպետ Անդրեյ Ղուկասյանի և «Սոլար Գրուպ» ընկերության միջև՝ ի դեմս գործադիր տնօրեն Ալեքսանդր Գրիգորյանի, ստորագրվեց համագործակցության հուշագիր: Հաշվի առնելով այն, որ Լոռու մարզպետարանը կարևորում է վերականգնվող էներգիայի օգտագործումը և աջակցում է արևային էներգիայի տարածմանն ուղղված քայլերին, հուշագրի շրջանակներում համաձայնություն ձեռք բերվեց այն մասին, որ «Սոլար Գրուպը» Լոռու մարզպետարանի աջակցությամբ իրականացված նախագծերից ստացված հասույթի մինչև 5 տոկոսը կներդնի մարզպետարանի կողմից ընտրված հաստատություններում (դպրոցներ, համաբուժարաններ, մանկապարտեզներ) արևային կայաններ կառուցելու համար:

 ՄԱՐԶԻ ՂԵԿԱՎԱՐԸ ՊԱՏՐԱՍՏԱԿԱՄՈՒԹՅՈՒՆ ՀԱՅՏՆԵՑ ՕԺԱՆԴԱԿՑՈՒԹՅՈՒՆ ՑՈՒՑԱԲԵՐԵԼ ՄՍԻ և ՄՍԵՂԻՔԻ ԿԱՆՈՆԱԿԱՐԳՄԱՆ ՀԱՐՑՈՒՄ ՆԱԵՎ ՄԱՐԶԻ ԿՏՐՎԱԾՔՈՎ

ՄԱՐԶԻ ՂԵԿԱՎԱՐԸ ՊԱՏՐԱՍՏԱԿԱՄՈՒԹՅՈՒՆ ՀԱՅՏՆԵՑ ՕԺԱՆԴԱԿՑՈՒԹՅՈՒՆ ՑՈՒՑԱԲԵՐԵԼ ՄՍԻ և ՄՍԵՂԻՔԻ ԿԱՆՈՆԱԿԱՐԳՄԱՆ ՀԱՐՑՈՒՄ ՆԱԵՎ ՄԱՐԶԻ ԿՏՐՎԱԾՔՈՎ 23.09.2019

Այսօր Լոռու մարզպետ Անդրեյ Ղուկասյանն ընդունեց ՀՀ ԿԵ սննդամթերքի անվտանգության տեսչական մարմինի ներկայացուցիչներին՝ քննարկելու մասնավորապես Վանաձորում մսի ու մսեղիքի առքուվաճառքի օրինականության հետ կապված մի շարք հարցեր և ծանոթանալու Վանաձորում անցկացված ուսումնասիրությունների արդյունքներին: Տեսչական մարմինը նախորդ մի քանի ամիսների ընթացքում այցելություններ է կատարել Վանաձոր՝ ստուգելով մսի վաճառքի կետերում տիրող իրավիճակը, օրինականությունը և համապատասխանությունը սահմանված չափանիշերին: Ինչպես ներկայացվեց մարզի ղեկավարին, նախորդ այցելությունների ընթացքում ուսումնասիրություններ են կատարվել թվով 32 մսի վաճառքի կետերում, արձանագրվել են թերացումները, որոնք էլ՝ կարճ ժամանակամիջոցում վերացվել են: Խնդիրներ է ծագել միայն Վանաձորի Գրիգոր Լուսավորչի 50 հասցեում մսի անօրինական վաճառքով զբաղվող մեկ տնտեսվարողի հետ, ով հրաժարվել է կատարել տեսչական մարմինի պահանջները:

ԼՈՌՈՒ ՄԱՐԶՈՒՄ ԽՈՇՈՐ ՆԵՐԴՐՈՒՄԱՅԻՆ ԾՐԱԳԻՐ ԿԻՐԱԿԱՆԱՑՎԻ՚ ՄԱՐԶԻ ՂԵԿԱՎԱՐՆ ԸՆԴՈՒՆԵՑ ԳՈՐԾԱՐԱՐ ՏԻԳՐԱՆ ԱԼԵՔՍԱՆՅԱՆԻՆ

ԼՈՌՈՒ ՄԱՐԶՈՒՄ ԽՈՇՈՐ ՆԵՐԴՐՈՒՄԱՅԻՆ ԾՐԱԳԻՐ ԿԻՐԱԿԱՆԱՑՎԻ՚ ՄԱՐԶԻ ՂԵԿԱՎԱՐՆ ԸՆԴՈՒՆԵՑ ԳՈՐԾԱՐԱՐ ՏԻԳՐԱՆ ԱԼԵՔՍԱՆՅԱՆԻՆ 20.09.2019

Լոռու մարզպետ Անդրեյ Ղուկասյանն ընդունեց գործարար Տիգրան Ալեքսանյանին և «ԱրխիԴաչ», «Առդեսկ» ընկերությունների ներկայացուցիչ Սարգիս Հակոբջանյանին: Հանդիպմանը ներկա էր նաև մարզպետի տեղակալ Գայանե Մարկոսյանը: Տիգրան Ալեքսանյանը մարզի ղեկավարին տեղեկացրեց, որ նախատեսում է Մարգահովիտ համայնքում իրականացնել շուրջ 2-3 մլն դոլար արժողությամբ խոշոր ներդրումային ծրագիր՝ հիմնելով Էկո-ռիզորթ ՝ հյուրանոցային համալիր, ձիրաշավարան՝ ամառային և ձմեռային լիարժեք հանգստի համար նախատեսված բոլոր հարմարություններով և ժամանցների կազմակերպմամբ, էկոլոգիապես մաքուր սննդի մատուցմամբ և այլն:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-28 17:54:09