Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ինչպես արդեն նշել ենք, այս օրերին Լոռու մարզում էր քույր մարզ հանդիսացող Ռումինիայի Հարգիտա նահանգի պատվիրակությունը՝ Հարգիտայի մարզպետի տեղակալ Բարտի Տիհամերի գլխավորությամբ: Պատվիրակության կազմում էին նաև Ալավերդի համայնքի հետ քույր քաղաք հանդիսացող Գեորգենի քաղաքապետ Նագի Զոլոտան, մարզպետարանի և քաղաքապետարանի ներկայացուցիչներ, Տրանսիլվանիայի հունգարահայերի միության անդամներ: Այցի առաջին օրը հյուրերին Լոռու մարզպետարանում հյուրընկալեց Լոռու մարզպետ Անդրեյ Ղուկասյանը և կողմերի միջև կնքվեց համագործակցության հուշագիր՝ երկկողմ հարաբերությունները այս կերպ տեղափոխելով առավել գործնական հարթակ:
ԶԲՈՍԱՇՐՋՈՒԹՅԱՆ ՄԻՋԱԶԳԱՅԻՆ ՕՐԸ COAF SMART ԿԵՆՏՐՈՆՈՒՄ. ԽՐԱԽՈՒՍՎԵՑԻՆ ՈԼՈՐՏԻ ԼԱՎԱԳՈՒՅՆՆԵՐԸ 27.09.2019
Սեպտեմբերի 27-ին Զբոսաշրջության միջազգային օրը նշանավորելու նպատակով, «Լոռու տուրիզմի զարգացման և հետազոտության կենտրոնը», Լոռու մարզպետարանի և Վանաձորի համայնքապետարանի հետ համատեղ նախաձեռնել էր հավաք-քննարկում Լոռու մարզի զբոսաշրջության ոլորտում գործող կազմակերպությունների ներկայացուցիչների մասնակցությամբ: Միջոցառումն անցկացվեց Դեբեդի COAF Smart կենտրոնում վերջինիս հետ համատեղ: Միջոցառումը նպատակն ուներ խրախուսելու Լոռու մարզի զբոսաշրջության ոլորտի ակտիվ ներկայացուցիչներին։ Միջոցառմանը ներկա էր և ողջույնի խոսքով հանդես եկավ մարզպետի տեղակալ Գայանե Մարկոսյանը։Նա իր խոսքում կարևորեց այն, որ Տուրիզմի միջազգային օրը նշվում է հատկապես Դեբեդի գեղատեսիլ հովտում տեղակայված COAF Smart կենտրոնում.
ՊԱՐԳԵՎԱՏՐՎԵՑԻՆ ԼԱՎԱԳՈՒՅՆ ՄԱՐԶԱԿԱՆ ԸՆՏԱՆԻՔՆԵՐԸ 26.09.2019
Սեպտեմբերի 19 և 20-ը Վանաձորի աթլետիկայի մարզադպրոցում անցկացվեց ՀՀ կրթության, գիտության, մշակույթի և սպորտի նախարարության նախաձեռնությամբ և Լոռու մարզպետարանի աջակցությամբ կազմակերպված «Լավագույն մարզական ընտանիք» մրցույթի Լոռու մարզային փուլը: Հաղթողներին Լոռու մարզպետարանում շնորհավորեց և ՀՀ կրթության, գիտության, մշակույթի և սպորտի նախարարության պատվոգրեր ու դրամական պարգևներ հանձնեց Լոռու մարզպետի տեղակալ Գայանե Մարկոսյանը:
ՆԱԽԱՐԱՐ ՍՈՒՐԵՆ ՊԱՊԻԿՅԱՆԸ ԼՈՌՈՒ ՄԱՐԶՈՒՄ ԷՐ 26.09.2019
ՀՀ տարածքային կառավարման և ենթակառուցվածքների նախարար Սուրեն Պապիկյանն աշխատանքային այցով Լոռու մարզում էր: Այցի նպատակն էր ծանոթանալ մարզում իրականացվող ասֆալտապատման աշխատանքների ընթացքին, բացահայտել և վեր հանել այն թերություններն ու խնդիրները, որոնք հանդիպում են հընթացս: Նախարարին ուղեկցում էր Լոռու մարզպետ Անդրեյ Ղուկասյանը: Նրանք եղան ասֆալտապատվող ճանապարհահատվածներում՝ Մեծ Պարնի-Ծաղկաբեր, Լեռնապատ և Վանաձոր –Դիլիջան:
ԼՈՌՈՒ ՄԱՐԶՊԵՏԸ ՊԱՏՐԱՍՏԱԿԱՄՈՒԹՅՈՒՆ ՀԱՅՏՆԵՑ ԱՋԱԿՑԵԼՈՒ ԲԱՐԵԳՈՐԾԱԿԱՆ ՎԱԶՔԻ ԿԻՍԱՄԱՐԱԹՈՆԻՆ 25.09.2019
Սեպտեմբերի 25-ին մարզպետ Անդրեյ Ղուկասյանը հյուրընկալեց «Հայկական Կարիտաս» բարեսիարական հասարակական կազմակերպության ֆոնդհայթայթման մասնագետ Իրինա Փահլևանյանին, կազմակերպության Վանաձորի «Փոքրիկ իշխան» կոնտրոնի համակարգող Նարինե Ղազարյանին և «Խաչվող ուղիներ» ՍՀԿ գործադիր տնօրեն Կամո Եգանյանին: Հյուրերը մարզի ղեկավարին տեղեկացեցին, որ «Հայկական Կարիտասը» նախատեսում է արդեն երկրորդ տարին անընդմեջ Վանաձորում կազմակերպել վազքի բարեգործական կիսամարաթոն: Եթե նախորդ տարի միայն Վանաձորն էր ընդգրկված, ապա կազմակերպությունն այս տարի նպատակ ունի այն դարձնելու ամենամյա մարզային կիսամարաթոն և այս հարցում ակնկալում է Անդրեյ Ղուկասյանի աջակցությունը:
Սեպտեմբերի 25-ին Լոռու մարզպետ Անդրեյ Ղուկասյանն ընդունեց «Հայ-չինական հարաբերությունների տարածաշրջանային զարգացման հիմնադրամի» պատվիրակությանը, որոնց թվում էին հիմնադրամի ներկայացուցիչները և չին գործարարներ: Հանդիպմանը մասնակցում էին նաև Լոռու մարզպետի տեղակալ Գայանե Մարկոսյանը և մարզպետարանի պատասխանատու պաշտոնյաներ:
