Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետ Արամ Ղազարյանի ուղերձը Ցեղասպանության զոհերի հիշատակի օրվա կապակցությամբ 25.04.2024
Սիրելի՛ հայրենակիցներ, լոռեցինե՛ր, այսօր՝ ապրիլի 24-ին՝ Հայոց ցեղասպանության զոհերի հիշատակի օրը, ողջ հայությունը՝ Հայաստանում և Սփյուռքում, գլուխ է խոնարհում 20-րդ դարի առաջին ցեղասպանության անմեղ զոհերի հիշատակի առջև։ Ավելի քան մեկ ու կես միլիոն հայ զոհ գնաց Օսմանյան կայսրության կողմից իրականացված ցեղասպանությանը: Հարյուր հազարավոր հայեր էլ, հաղթահարելով անմարդկային տառապանքները, բռնեցին գաղթի ճամփան՝ վերահաստատվելով մայր Հայաստանում կամ սփռվեցին աշխարհով մեկ՝ ձևավորելով հայկական Սփյուռքը: Մենք կորցրեցինք նաև մեր՝ դարերով կերտված հոգևոր, նյութական ու մշակութային արժեքների մի մասը:
Լոռու մարզպետ Արամ Ղազարյանի ուղերձը Ոստիկանության օրվա կապակցությամբ 16.04.2024
Հայաստանի Հանրապետության ոստիկանության հարգելի՛ ծառայողներ, վետերաններ, ջերմորեն շնորհավորում եմ ձեզ մասնագիտական տոնի առթիվ: Հայաստանի Հանրապետության ոստիկանությունը մշտապես և այսօր էլ՝ պատվախնդրորեն իրականացնում է քաղաքացու իրավունքների ու ազատությունների, մարդու, հասարակության և պետության շահերի պաշտպանությունը, կանխարգելում հանցագործությունները, անողոք պայքար մղում հանցավորության դեմ:
Լոռու մարզպետ Արամ Ղազարյանի շնորհավորական ուղերձը Մայրության և գեղեցկության տոնի առթիվ 05.04.2024
Սիրելի՛ կանայք, մայրե՛ր, քույրե՛ր և դուստրե՛ր, Սուրբ Մարիամ Աստվածածնի Ավետման խորհրդով ջերմորեն շնորհավորում եմ ձեզ Մայրության և գեղեցկության տոնի առթիվ: Հայ կնոջ նվիրվածությունն օջախին, նրա դերը սերունդների հայրենանվեր դաստիարակության գործում, նրա ավանդը ազգային արժեհամակարգի պահպանման ու կատարելագործման հարցում արժանի է միայն մեծարման ու խոնարհումի: Կնոջն ի վերուստ տրված ամենավեհ առաքելությունը մայրությունն է: Թանկագին մայրեր, անգնահատելի է ձեր դերը մեր կյանքում: Ուստի, այս տոնական օրվա շնորհավորանքներին պետք է գումարենք նաև մեր անսահման երախտագիտությունը հայ մայրերի հանդեպ:
Լոռու մարզպետ Արամ Ղազարյանի ցավակցական խոսքը Սամվել Հարությունյանի մահվան կապակցությամբ 04.04.2024
Ցավով տեղեկացանք «ՄԻԳ» հեռուստառադիոընկերության հիմնադիր տնօրեն Սամվել Հարությունյանի անժամանակ մահվան մասին: Սամվել Հարությունյանը նորանկախ Հայաստանի Հանրապետությունում կանգնած է եղել մարզային հեռուստաընկերությունների զարգացման ակունքներում: Ավելի քան 25 տարի առաջ Վանաձորում նրա ղեկավարած «Ինտերկապ» անվանումով հեռուստառադիոընկերությունը լավագույն մարզային լրատվական կազմակերպություններից էր հանրապետությունում, որը տարիներ անց վերանվանվեց «ՄԻԳ» հեռուստառադիոընկերություն:
Լոռու մարզպետ Արամ Ղազարյանի շնորհավորական ուղերձը Սուրբ Հարության տոնի առթիվ 29.03.2024
Սիրելի՛ հայրենակիցներ, լոռեցինե՛ր, շնորհավորում եմ Հիսուս Քրիստոսի հրաշափառ Հարության տոնի՝ Սուրբ Զատիկի կապակցությամբ: Սուրբ Զատիկը հայ ժողովրդի համար քրիստոնեական ամենասիրելի տոներից է: Այն յուրօրինակ խորհուրդ ունի. համախմբում է բոլոր քրիստոնյաներին, ամրապնդում հավատը սեփական ուժերի հանդեպ, նոր հույսեր պարգևում վաղվա օրվա նկատմամբ: Այս տոնը նաև յուրատեսակ կոչ է՝ լինել ավելի միասնական ու համախմբված, ինչն առավել կարևոր է այսօր Հայաստանի Հանրապետության քաղաքացիների համար:
Լոռու մարզպետ Արամ Ղազարյանի շնորհավորական ուղերձը Թատրոնի միջազգային օրվա առթիվ 27.03.2024
Թատերարվեստի հարգարժա՛ն գործիչներ՝ թատրոնի մշակներ, սրտանց շնորհավորում եմ ձեզ Թատրոնի միջազգային օրվա առթիվ: Տարվա յուրաքանչյուր օր դուք եք տոն ստեղծում ձեր հանդիսատեսի համար՝ բեմից պարգևելով անսպառ հույզեր ու ապրումներ, և այսօր ձեր հավատարիմ հանդիսատեսը գեղեցիկ առիթ ունի շնորհավորելու ձեզ ու ասելու, շնորհակալությու՛ն: Թատրոնը մեր կյանքում առանցքային տեղ է գրավում, որովհետև հանդիսատեսն իրեն հուզող բազմապիսի հարցերի ու խնդիրների լուծման բանալին փնտրում է նաև թատրոնում` առանձնահատուկ վերաբերմունք տածելով թատրոնի և թատերական գործչի հանդեպ:
