Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետ Արամ Խաչատրյանի շնորհավորական ուղերձը Գրադարանավարի օրվա առթիվ 07.10.2021
Գրադարանային համակարգի հարգելի՛ աշխատակիցներ, շնորհավորում եմ բոլորիդ մասնագիտական տոնի՝ Գրադարանավարի օրվա առթիվ: Ամեն օր չէ, որ առիթ է ընձեռվում մեզ խոսելու ձեր մասնագիտության կարևորության ու ձեր կողմից հասարակությանը մատուցված մեծագույն ծառայության մասին: Դուք միշտ առանձնահատուկ խնամքով և հոգատարությամբ եք վերաբերում համաշխարհաին գրականության մտքի գոհարներին՝ գրքերին, դրանք պահելով աչքի լուսյի պես:
Լոռու մարզպետ Արամ Խաչատրյանի շնորհավորական ուղերձը Ուսուցչի օրվա առթիվ 05.10.2021
Սիրելի՛ ուսուցիչներ, ի սրտե շնորհավորում եմ ձեզ մասնագիտական տոնի առթիվ: Տոն, որը մեր ժողովուրդն ավանդաբար նշում է երախտագիտության մեծ զգացումով: Մանկավարժ լինելը առանձնահատուկ նվիրում է պահանջում, հոգևոր-բարոյական պատասխանատվություն՝ ժողովրդի ապագայի և երկրի վաղվա օրվա առջև: Ձեր շնորհիվ դպրոցը դառնում է կրթօջախ ու տուն, ընտանեկան միջավայր և գիտելիքի դարբնոց, որտեղ ձևավորվում են մարդկային փոխհարաբերություններ ու սեր առ ուսում, որտեղ հայրենիքը պաշտպանելու, շենացնելու և հայրենիքի պատիվը ներսում ու դրսում բարձր պահելու հիմնավոր դաստիարակություն են ստանում:
Լոռու մարզպետ Արամ Խաչատրյանի ուղերձը Տարեցների միջազգային օրվա կապակցությամբ 01.10.2021
Թանկագի՛ն տարեցներ, սիրելի՛ ծնողներ, պապիկնե՛ր, տատիկնե՛ր, ջերմորեն շնորհավորում եմ Ձեզ Տարեցների միջազգային օրվա առթիվ: Հարգանքս և խոնարհումս եմ ուզում հայտնել ձեզ ձեր ավանդի, վաստակի և բարի խորհուրդների համար, որոնք ավագի իմաստությամբ փոխանցում եք սերունդներին: Հայ ընտանիքն ավանդաբար ջերմ վերաբերմունք, խորին հարգանք է ցուցաբերում ընտանիքի մեծի, ավագի նկատմամբ, սակայն, խորհրդանշական այս օրը լրացուցիչ առիթ է, որպեսզի բոլորս մեկ անգամ ևս արտահայտենք մեր ակնածանքը:
ՀՀ ԼՈՌՈՒ ՄԱՐԶՊԵՏ ԱՐԱՄ ԽԱՉԱՏՐՅԱՆԻ ՈՒՂԵՐՁԸ ԹԱՏԵՐԱԿԱՆ ԼՈՌԻ 29-ՐԴ ՓԱՌԱՏՈՆԻ ԲԱՑՄԱՆ ԿԱՊԱԿՑՈՒԹՅԱՄԲ 25.09.2021
Սիրելի՛ թատերասերներ, հարգարժա՛ն հայրենակիցնե՛ր, հյուրե՛ր Ողջունում եմ բոլորիդ «Թատերական Լոռի» 29-րդ միջազգային փառատոնի մեկնարկի կապակցությամբ: Այն, սկիզբ առնելով դժվարին պայմաններում, կայացման խրթին ուղի է անցել ու այսօր թատերասեր հասարակության դատին է ներկայանում՝ որպես կայացած ու միջազգային ճանաչում ստացած փառատոն: Բարձր գնահատանքի է արժանի այն, որ հիմնվելով Լոռու մարզի Ալավերդի համայնքում, փառատոնը կարողանում է համախմբել թատերական խմբերի հանրապետության բոլոր տարածաշրջաններից, մայրաքաղաք Երևանից, մեր գեղեցիկ բնաշխարհում հյուրընկալում է նաև թատերական խմբերի աշխարհի տարբեր երկրներից։
Այսօր իմ, քո` բոլորիս հայրենիքի անկախության 30-ամյակն է: Այս չափազանց թանկ ու նվիրական օրվա առթիվ շնորհավորում եմ հայ ժողովրդին, աշխարհի որ անկյունում էլ, որ ապրելիս լինի, շնորհավորում եմ ձեզ՝ սիրելի՛ լոռեցիներ: Բոլորիս հայրենիքը մեկն է՝ այս մի բուռ հողակտորը, առանց որի մենք զուրկ կլինենք ինքնությունից, չենք ունենա անցյալ ու առավել ևս՝ ապագա: Այս մի բուռ հայրենիքը մեր սրտի և հոգու մեջ է, մեր մտքերում ու խոսքերում, հանուն որի, առանց երկմտելու, պատրաստ ենք զոհվելու:
Արտակարգ իրավիճակների համակարգի հարգելի՛ աշխատակիցներ, վետերաննե՛ր, ջերմորեն շնորհավորում եմ ձեզ մասնագիտական տոնի՝ Արտակարգ իրավիճակների աշխատողի օրվա առթիվ: Մեծագույն հարգանքով ու խորին երախտագիտության զգացումով եմ խոսքս ուղղում ձեզ, քանզի դուք այն եզակի մասնագիտություններից մեկի կրողն եք, որը մեծագույն նվիրում ու անձնազոհություն է պահանջում: Դուք ձեր գործի նվիրյալներն եք, այն մարդիկ եք, որոնց մեր քաղաքացիներն ապավինում են իրենց կյանքի դժվարին ու անլուծելի իրավիճակներում, ովքեր սեփական կյանքի գնով պատրաստ են կյանքեր փրկել:
