Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետ Արամ Խաչատրյանի շնորհավորական ուղերձը Վերջին դասի և Վերջին զանգի կապակցությամբ 25.05.2023
Սիրելի՛ շրջանավարտներ, շնորհավորում եմ բոլորիդ Վերջին դասի և Վերջին զանգի կապակցությամբ: Դպրոցական ուսումնառության ավարտը խորհրդանշող Վերջին զանգն ունի հրաշալի խորհուրդ. այն ձեզ առաջնորդում է դեպի նոր կյանք: Ձեզ համար, սիրելի՛ շրջանավարտներ, կյանքի նոր հորիզոններ են բացվելու և դուք մուտք եք գործելու առավել պատասխանատու մի շրջան, երբ ձեր որոշումների կայացումից է կախված լինելու ձեր հասուն կյանքի հետագա ուղին: Ուստի մաղթում եմ ձեզ, որ լինեք առավել ուշիմ, խելացի, հաստատակամ: Համոզված եմ, որ դպրոցական տարիներին ստացած ձեր հարուստ գիտելիքները, հայեցի կրթությունը կօգնեն ձեզ սեփական ունակություններն ու ձիրքերը ծառայեցնելու մեր երկրի և ժողովրդի ապագայի կառուցմանը:
Լոռու մարզպետ Արամ Խաչատրյանի շնորհավորական ուղերձը Թանգարանների միջազգային օրվա առթիվ 18.05.2023
Հարգելի՛ բարեկամներ, սիրելի՛ լոռեցիներ, Թանգարանների միջազգային օրվա առթիվ ջերմորեն շնորհավորում եմ Լոռու մարզի թանգարանների աշխատողներին, արվեստաբաններին ու պատմաբաններին, հնագետներին ու ազգագրագետներին: Շնորհակալություն ձեզ, որ աչքի լույսի պես պահպանում եք մեր ազգային արժեքները, մեր ինքնության վկայությունները, մեր պատմության մասունքները, մշակույթի գանձերը: Դուք անձնուրացաբար կատարում եք ձեզ վերապահված պարտավորությունները, պահում ու պահպանում եք դրանք և անձեռնմխելի կերպով փոխանցում սերունդներին:
Լոռու մարզպետ Արամ Խաչատրյանի շնորհավորական ուղերձը Ընտանիքի միջազգային օրվա առթիվ 15.05.2023
Հարգելի՛ բարեկամներ, սիրելի՛ լոռեցիներ, ի սրտե շնորհավորում եմ Ընտանիքի միջազգային օրվա առթիվ: 1993թ. սկսած՝ ՄԱԿ-ի Գլխավոր ասամբլեայի որոշմամբ, աշխարհի բազմաթիվ երկրներ, այդ թվում և՝ Հայաստանի Հանրապետությունը, մայիսի 15-ին նշում են Ընտանիքի միջազգային օրը՝ նպատակ ունենալով ուշադրություն հրավիրել ընտանիքների առջև ծառացած խնդիրների լուծմանը:
Սիրելի՛ լոռեցիներ, Հայրենական Մեծ պատերազմի հարգելի՛ վետերաններ, երկրապահնե՛ր, զինվորնե՛ր ու սպանե՛ր, ջերմորեն շնորհավորում եմ Հայրենական մեծ պատերազմում տարած հաղթանակի 78-րդ տարեդարձի և Երկրապահի օրվա առթիվ: Հայ ժողովրդի զավակները մեծ ներդրում են ունեցել Հայրենական պատերազմում տարած հաղթանակի գործում՝ քաջաբար և անձնուրացաբար դրսևորելով իրենց ռազմի դաշտում և ապացուցելով իրենց մեծ նվիրվածությունը հայրենի հողին ու ազատության գաղափարին:
Լոռու մարզպետ Արամ Խաչատարյանի շնորհավորական ուղերձը Մամուլի ազատության համաշխարհային օրվա առթիվ 03.05.2023
Զանգվածային լրատվության միջոցների հարգարժա՛ն ներկայացուցիչներ, սրտանց շնորհավորում եմ Մամուլի ազատության համաշխարհային օրվա կապակցությամբ: Ձեր պատասխանատու մասնագիտական աշխատանքով դուք նպաստում եք հանրային իշխանության մարմինների ու պաշտոնատար անձանց աշխատանքի թափանցիկության ու հանրային հաշվետվողականության ապահովմանը, տարբեր խնդիրների բարձրաձայնմանը, հետևողականություն ցուցաբերում այդ խնդիրների լուծման ուղղությամբ։ Մեծ է ԶԼՄ-ների դերը նաև այլակարծության խթանման, հանրային կարծիքների ձևավորման գործում:
Լոռու մարզպետ Արամ Խաչատրյանի ուղերձը Քաղաքացու օրվա կապակցությամբ 28.04.2023
Սիրելի՛ հայրենակիցներ, ի սրտե շնորհավորում եմ բոլորիս Քաղաքացու օրվա առթիվ: Համերաշխության ու միասնականության գաղափարն է դրված այս տոնակատարության հիմքում: Վստահ եմ, այն կարևոր ուղերձ է մեզնից յուրաքանչյուրի համար: Մեր բոլորի ջանքերը պետք է ուղղված լինեն արժանապատիվ և բարեկեցիկ երկիր կառուցելու նպատակի իրականացմանը և այդ հարցում կարևոր է բոլոր քաղաքացիների՝ թեկուզ և ամենափոքր ներդրումը: Վստահ եմ, հաջողելու ենք մեր բոլոր ձեռնարկներում:
