Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Երեխաների պաշտպանության օրը՝ հագեցած ծրագրով 02.06.2013
Երեխաների պաշտպանության միջազգային օրվա կապակցությամբ Լոռու մարզպետ Արթուր Նալբանդյանի նախաձեռնած հաճելի ավանդույթով հունիսի 1-ին մարզպետարանի պատվիրակությունն այցելեց Վանաձորի մանկատուն, երեխաների խնդիրներով զբաղվող հաստատություններ, կազմակերություններ՝ անակնկալներ մատուցելով երեխաներին:
«Դիակոնիա» հիմնադրամի ներկայացուցիչները հանդիպեցին Լոռու մարզպետի հետ 30.05.2013
Հայ-շվեյցարական «Դիակոնիա» հիմնադրամը վերջին շրջանում մի քանի սոցիալական փոքրածավալ ծրագրեր է իրականացրել Լոռու մարզում, որոնք հիմնականում արտահայտվել են հումանիտար օգնությունների տրամադրմամբ սոցիալապես անապահով ընտանիքներին: Այսուամենայնիվ, մի քանի ծրագրեր ևս իրականացվել են ուղղված՝ գյուղատնտեսության, առողջապահության ոլորտների զարգացմանը: Թումանյան համայնքում հիմնադրամը նախատեսում է հիմնել նաև կարի փոքրիկ արտադրամաս՝ համայնքում սոցիալական խնդիրների լուծման նպատակով:
Սաստիկ կարկուտ Ամրակից, Ագարակ և Լեջան համայնքներում. 29.05.2013
Լոռու մարզպետի ուղեկցությամբ Ստեփանավանի տարածաշրջանում էր գյուղնախարար Սերգո Կարապետյանը Եղանակային պայմաններն այս տարի ևս չխնայեցին գյուղացուն: Մայիսի 25-ին Ստեփանավանի Ամրակից, Ագարակ և Լեջան համայնքներում ավելի քան 30 րոպե տեղացած կարկուտի հետևանքով տուժել են հացահատիկի, կարտոֆիլի ցանքատարածությունները, տնամերձ հողամասերը և պտղատու ծառերը: Կարկուտից անմիջապես հետո Լոռու փոխմարզպետ Արսեն Դարբինյանը, գյուղատնտեսության և բնապահպանության վարչության պետ Գրիգոր Հակոբյանը նշված համայնքներում էին՝ վնասի չափերը գնահատելու նպատակով:
Հանդիսավորությամբ նշեց Հայաստանի առաջին հանրապետության հռչակման 95-րդ տարելիցը 28.05.2013
Մայիսի 28-ին վանաձորցիները հանդիսավորությամբ նշեցին Հայաստանի առաջին հանրապետության հռչակման 95-րդ տարելիցը: Ավանդույթի համաձայն տոնական միջոցառում էր կազմակերպվել Ղարաքիլիսայի ճակատամարտի վայրում` հուշակոթողի մոտ: Հայ Առաքելական եկեղեցու Գուգարաց թեմի առաջնորդ արքեպիսկոպոս Սեպուհ Չուլջյանը, հոգևոր հայրերը, հոգեհանգստի պատարագ մատուցեցին հանուն հայրենիքի նահատակված հերոսների հիշատակին:
Մարզպետ Արթուր Նալբանդյանն աշխատանքային այցով Տաշիրի տարածաշրջանում էր 23.05.2013
Լոռու մարզպետ Արթուր Նալբանդյանը մայիսի 21-ին աշխատանքային այցով եղավ Տաշիրի տարածաշրջանի մի շարք համայնքներում: Այցերը մշտապես օգնում են տեղում ծանոթանալ համայնքային խնդիրներին, առանձնացնել դրանք ըստ առաջնահերթության՝ հետագա ծրագրերում ներառելու նպատակով:
Գայլերի հարձակումներից տուժած համայնքների բնակիչներն ստացան ֆինանասական աջակցություն 22.05.2013
Այս տարի գայլերի հարձակումներից տուժած Լոռու մարզի Ջրաշեն և Դեբեդ համայնքների գյուղացիական տնտեսություններն աջակցություն ստացան ՌԴ Հայերի միության նախագահ Արա Աբրահամյանի կողմից: Ա. Աբրահամյանը խնդրին ծանոթացել էր լրատվամիջոցների օգնությամբ և նախաձեռնություն էր ցուցաբերել անհապաղ օգնության ձեռք մեկնել:
