Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հունիսի 21-ին Վանաձորի Շառլ Ազնավուրի անվան մշակույթի պալատում տեղի ունեցավ դպրոցական առարկայական օլիմպիադաների հանրապետական փուլի մրցանակակիրների, նրանց ուսուցիչների, «Տարվա լավագույն տնօրեն, ուսուցիչ, դաստիարակ» մրցույթի մարզային փուլի հաղթողների, ըստ առարկաների՝ տարվա լավագույն ուսուցիչների մրցանակաբաշխության հանդիսավոր արարողությունը։ Հատկանշական է, որ տարեցտարի ավելանում է դպրոցական առարկայական օլիմպիադաների հանրապետական փուլի մրցանակակիրների թիվը և այս տարին նույնպես բացառություն չէ։ Նախորդ տարվա 50 մրցանակակրի փոխարեն, այս տարի մարզն ունի 71 դիպլոմակիր, որոնցից 5-ն արժանացել են առաջին կարգի դիպլոմի, 17-ը՝ երկրորդ, 17-ը՝ երրորդ և 32-ը՝ գովասանագրերի։
ՇՆՈՐՀԱՎՈՐ ՁԵՐ ՏՈՆԸ, ԲՈՒԺԱՇԽԱՏՈՂՆԵՐ 20.06.2012
Հարգելի բուժաշխատողներ: Ջերմորեն շնորհավորում եմ ձեր տոնը: Մենք գոհունակությամբ ենք արձանագրում, որ ՀՀ կառավարության կողմից առողջապահության բնագավառում տեղի ունեցող բարեփոխումները հետևողականորեն իրականացվում են նաև Լոռու մարզում: Շարք են մտնում, վերազինվում են առողջապահական նոր հիմնարկներ, էլ ավելի խորքային են դարձել ազգաբնակչության բուժզննման և ապաքինման գործընթացները:
Օրախնդիր է մնում սեփական եկամուտների հավաքագրումը 19.06.2012
Հունիսի 18-ը Լոռու մարզպետ Ա. Նալբանդյանի հերթական թռուցկաժողովի օրն էր: Մարզպետը նախ խորհրդակցության մասնակիցներին հակիրճ ներկայացրեց հունիսի 13-ին ՀՀ փոխվարչապետ, տարածքային կառավարման նախարար Ա. Գևորգյանի Լոռու մարզ կատարած աշխատանքային այցի արդյունքները,ապա լսեց մարզպետի տեղակալների, աշխատակազմի ղեկավարի ու մարզպետարանի ստորաբաժանումների պետերի տեղեկատվությունները համապատասխան ոլորտների իրավիճակի վերաբերյալ: (Տեսանյութ)
Գերմանացի մանկաբույժները Վանաձորում 15.06.2012
«Ֆրիդենսդորֆ ինթերնեյշնլ» գերմանական կազմակերպության մանկաբույժ¬ները Հայաստանի մանկական ասոցիացիայի (նախագահ՝ Վարուժան Աեդրակյան) հետ (Վանաձորում նրանց գործընկերն է «Վանաձորի մանկական կենտրոնը»` նախագահ Թամարա Գրիգոր¬յան) ավելի քան քսանամյա գործունեության և համագործակցության շրջանակներում Լոռու և Շիրակի մարզերի բնակչության շրջանում իրականացրեցին բարեգործական ակցիա:
Ա. Գեւորգյանն այցելեց Լոռու մարզ 14.06.2012
ՀՀ փոխվարչապետի, տարածքային կառավարման նախարարի պաշտոնակատար Արմեն Գեւորգյանն երեկ աշխատանքային այցով Լոռու մարզում էր: Ա. Գեւորգյանն այցն սկսեց մարզի Մարգահովիտ համայնքից, որտեղ ներկա գտնվեց "Էյ Թի Փի" բարեգործական հիմնադրամի "Օհանյան" բնապահպանական կրթության կենտրոնի բացման արարողությանը: Համայնքում գործում է հիմնադրամի անտառվերականգնման տնկարանը, որին կից էլ հիմնված այս կենտրոնում կազմակերպվելու են բնապահպանական թեմաներով ուսուցումներ, դասընթացներ, դպրոցականների, ուսանողների այցեր: Ծրագիրն իրականացվում է հիմնադրամի ամերիկահայ բարերարներ Օհանյանների ընտանիքի ֆինանսական աջակցությամբ, կենտրոնի ստեղծման համար ներդրվել է շուրջ 200 հազ. դոլար: Հիմնադրամի մեկ այլ տնկարան, որը նախատեսված է համայնքային ծառատնկման համար, կից բնապահպանական կենտրոնով հաջողությամբ գործում է Արագածոտնի մարզի Կարին գյուղում, եւ այդ դրական փորձը հանրապետության հյուսիսային մարզում եւս նույնպիսի կենտրոն ստեղծելու հիմք է հանդիսացել:
Սեփական եկամուտների հավաքագրումը մնում է հիմնախնդիր 13.06.2012
Հունիսի 11-ին Լոռու մարզպետ Արթուր Նալբանդյանն անցկացրեց հերթական աշխատանքային խորհրդակցությունը։ Սկզբից ևեթ մարզպետն անդրադարձավ հունիսի 9-ին Սպիտակ քաղաքի սոցիալական ծառայությունների համալիր կենտրոնում բռնկված հրդեհին։ Ափսոսանք հայտնելով դեպքի առնչությամբ՝ նա նշեց, որ ըստ նախնական տեղեկատվության, հրդեհը հավանաբար էլեկտրական կարճ միացման հետևանքով է տեղի ունեցել։ Ապա խոսակցություն գնաց մայիս–հունիս ամիսներին մարզի 8 համայնքում կարկտահարության և գայլերի հարձակումների շուրջ, որի պատճառելով զգալի նյութական վնասներ են պատճառվել համայնքների բնակիչներին։ Վնասի չափերը ճշտելու համար տեղում աշխատել է հանձնաժողով, որի արձանագրած արդյունքները հրապարակեց Լոռու փոխմարզպետ Արսեն Դարբինյանը։ Լուսաղբյուր, Արջուտ և Ջրաշեն համայնքներում ընդհանուր առմամբ հոշոտվել կամ վիավորվել է 46 գլուխ մանր և 3 գլուխ խոշոր եղջերավոր անասուն:
