Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Համապետական շաբաթօրյակ, Ուրասարի հիմնական դպրոց 08.09.2018
Teach for Armenia կազմակերպության կողմից Ուրասարի հիմնական դպրոց գործուղված ուսուցիչների շահած ծրագրով կառուցվում է մարզադաշտ, որի շինաշխատանքներն ընթացքի մեջ են: Դպրոցի աշակերտները համապետական շաբաթօրյակին կազմակերպեցին շինարարական աղբի տեղափոխում և մարզադաշտի որոշ գույքի նորոգում ու բարեկարգում:
Համապետական շաբաթօրյակ, Վանաձորի Ավետիք Իսահակյանի անվան թիվ 2 հիմնական դպրոց 08.09.2018
Վանաձորի Ա. Իսահակյանի անվան թիվ 2 հիմնական դպրոցի 7-9-րդ դասարանցիները (դասղեկներ` Ա. Անդրեասյան, Գ. Միսակյան, Հ. Քառյան) դպրոցի տնօրեն Հ. Մամուլյանի ղեկավարությամբ Համապետական շաբաթօրյակի շրջանակներում մաքրեցին դպրոցի բակի տարածքը, խնամեցին ծաղիկները, կատարեցին ընդհանուր բարեկարգման աշխատանքներ:
Համապետական շաբաթօրյակ, Շնողի միջնակարգ դպրոց 08.09.2018
Համապետական շաբաթօրյակին ակտիվ մասնակցություն ունեցան Շնողի միջնակարգ դպրոցի ուսուցիչներն ու աշակերտները։ Մաքրվել են դպրոցի տարածքը, ներհամայնքային ճանապարհները, հուշարձանների և աղբյուրների հարակից տարածքները:
Համապետական շաբաթօրյակ, Նեղոցի Ա. Բեգջանյանի անվան հիմնական դպրոց 08.09.2018
Նեղոցի Ա. Բեգջանյանի անվան հիմնական դպրոցի ուսուցչական կազմը և աշակերտները տնօրեն Արևիկ Սոսինյանի հետ համապետական շաբաթօրյակին իրականացրել են մաքրման և բարեկարգման աշխատանքներ հիմնականում դպրոցի հարակից տարածքներում և գյուղամիջյան որոշ հատվածներում:
Համապետական շաբաթօրյակ, Ստեփանավանի թիվ 3 դպրոց 08.09.2018
Ստեփանավանի թիվ 3 դպրոցը համապետական շաբաթօրյակին մասնակցել է ուսուցչական և աշակերտական ողջ կազմով, մաքրման և բարեկարգման աշխատանքներ իրականացրել ինչպես կրթական հաստատության տարածքում, այնպես էլ Աշոտաբերդ թաղամասում: Տրամադրվել է նաև աղբատար մեքենա:
Համապետական շաբաթօրյակ, Վանաձորի Հովհ. Թումանյանի անվան թիվ 3 հիմնական դպրոց 08.09.2018
Համապետական շաբաթօրյակին Վանաձորի Հովհ. Թումանյանի անվան թիվ 3 հիմնական դպրոցի աշակերտները մաքրման և խնամքի աշխատանքներ են իրականացրել դպրոցի ողջ տարածքում ու շրջակայքում և տրամադրված տոպրակներով աղբը տեղափոխել են սահմանված աղբավայրեր:
