Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այսօր Սպիտակ համայնքում ՅՈՒՆԻՍԵՖ-ի Հայաստանյան գրասենյակի կողմից կազմակերպված միջոցառումներին ներկա գտնվեցին մարզպետ Անդրեյ Ղուկասյանը, Հայաստանում Արգենտինայի արտակարգ և լիազոր դեսպան նորին գերազանցություն Գոնզալո Ուրրիոլաբեիտիան, ՅՈՒՆԻՍԵՖ-ի հայաստանյան գրասենյակի ներկայացուցիչ Տանյա Ռադոչայը, Սպիտակի քաղաքապետ Գագիկ Սահակյանը, ՀՀ ԿԳ նախարարության գլխավոր քարտուղարի տեղակալ Արա Էդոյանը, Աշխատանքի և սոցիալական հարցերի նախարարի տեղակալ Ժաննա Անդրեասյանը, մարզպետարանի և Սպիտակի քաղաքապետարանի պաշտոնյաներ, այլ ներկայացուցիչներ, հյուրեր:
Մայիսի 15-ին Վանաձորի Շառլ Ազնավուրի անվան մշակույթի պալատում Լոռու մարզպետ Անդրեյ Ղուկասյանի, մարզպետարանի զորահավաքային նախապատրաստության բաժնի պետ Սպարտակ Ղուբաթյանի, Լոռու մարզի զինվորական կոմիսարի տեղակալ, փոխգնդապետ Սամվել Գևորգյանի մասնակցությամբ անցկացվեց խորհրդակցություն՝ նվիրված ՀՀ պաշտպանության նախարարության կողմից իրականացվող «Ես եմ» և «Պատիվ ունեմ» ծրագրերին: Խորհրդակցությանը հրավիրված էին մարզի համայնքների ղեկավարները, հանրակրթական դպրոցների տնօրեններն ու զինղեկները:
Մարզպետ Անդրեյ Ղուկասյանը մարզպետարանի մի խումբ պաշտոնատար անձանց ուղեկցությամբ աշխատանքային այցով եղավ Թումանյան խոշորացված համայնքի տարածքում գտնվող Աթան, Շամուտ և Լորուտ բնակավայրերում: Նա նախ եղավ սողանքավտանգ տարածքում:
Մայիսի 14-ին «Հայաստան» մարզական հասարակական կազմակերպության Վանաձորի քաղաքային մասնաճյուղի մարզահամալիրում անցկացվեց «Հայաստանի Հանրապետության մարզերի, Երևան քաղաքի և Արցախի Հանրապետության հանրակրթական դպրոցների 4-7-րդ դասարանցիների միջև անցկացվող «Սպորտլանդիա» մարզական միջոցառման եզրափակիչ փուլը: Եզրափակչին մասնակցեցին առաջին տեղերը գրաված դպրոցները:
Ամփոփվել են 2019 թ-ի դպրոցականների առարկայական օլիմպիադաների արդյունքները 15.05.2019
2019 թ-ի փետրվարի 14-ից մարտի 13-ը կազմակերպվել և անց են կացվել դպրոցականների առարկայական օլիմպիադանների տարածքային և մարզային փուլերը, որոնց մասնակցել են համապատասխանաբար՝ 1420 և 612 աշակերտներ: Մարզային փուլի արդյունքում 111 (նախորդ տարում` 120) աշակերտ իրավունք է նվաճել մասնակցելու օլիմպիադայի հանրապետական փուլին:
Փրկարարական տեխնիկայի ցուցադրություն՝ Հայքի հրապարակում 13.05.2019
Լոռու մարզային փրկարարական վարչության կողմից Վանաձորի Հայքի հրապարակում կազմակերպվել էր Ճապոնիայի կառավարության կողմից Հայաստանին տրամադրված փրկարարական տեխնիկայի ու տրանսպորտային միջոցների հանդիսավոր ցուցադրությունը, որի շրջանակներում ցուցադրվեց Լոռու մարզային փրկարարական վարչությանը տրամադրված ճապոնական ISUZU մակնիշի թվով 5 հրշեջ ավտոբաքը և 1 ավտոսանդուղքը:
