Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Նոյեմբերի 1-ին մարզպետի տեղակալ Սերգեյ Սարուխանյանը աշխատանքային այցով եղավ Ախթալա միավորված համայնքում՝ խորհրդակցություն անցկացնելով համայնքի, վարչական ղեկավարների և աշխատակազմերի հետ, ապա նաև եղավ Շամլուղ բնակավայրում՝ մասնակցելով մոբիլ մանկապարտեզի բացմանը:
Աշխատանքային քննարկումներ Օձուն միավորված և Վահագնի համայնքներում 01.11.2018
Հոկտեմբերի 31-ին Լոռու մարզպետի տեղակալ Սերգեյ Սարուխանյանը աշխատանքային այցով եղավ Թումանյանի տարածաշրջանի Օձուն միավորված և Գուգարքի տարածաշրջանի Վահագնի համայնքներում՝ խորհրդակցություններ անցկացնելով համայնքների և վարչական ղեկավարների, աշխատակազմերի ներկայացուցիչների հետ: Քննարկվեցին սեփական եկամուտների հավաքագրմանը, գյուղատնտեսական աշխատանքներին վերաբերող, ինչպես նաև ընթացիկ այլ հարցեր:
Մարաթոն-դրամահավաք 01.11.2018
Սիրելի՛ հայրենակիցներ, «Արցախի Հանրապետությունում խորքային հորերի հորատում, նոր ոռոգման ցանցի կառուցում և արեգակնային էներգիայի համակարգի ներդրում» ծրագրի իրականացման նպատակով 2018 թ. նոյեմբերի 17-ին` ժամը 10-ից մինչև 17-ը, Վանաձորի Շառլ Ազնավուրի անվան մշակույթի պալատում անցկացվելու է Լոռու մարզային «Մարաթոն-դրամահավաք 2018»-ը: Կոչ ենք անում ակտիվ մասնակցություն ցուցաբերել: ԿԱԶՄԿՈՄԻՏԵ
Վանաձորի տնակային ավանների խնդիրը օրակարգում է 01.11.2018
Ով եթե ոչ մենք, ոչ դուք» ՀԿ նախագահ Գևորգ Քոթանջյանի նախաձեռնությամբ երեկ «Լոռի» հեռուստաընկերության մամլո ակումբում կազմակերպվել էր հանդիպում՝ Վանաձորի տնակային ավանների հետագա ճակատագրի հետ կապված հարցերի քննարկման նպատակով:
«Անասնապահության զարգացում Հայաստանում՝ հարավ-հյուսիս» 31.10.2018
Այսօր Լոռու մարզպետարանում անցկացվեց «Անասնապահության զարգացում Հայաստանում՝ հարավ-հյուսիս» ծրագրի պաշտոնական բացման արարողությանը: Ծրագիրն իրականացվում է «Ռազմավարական Զարգացման Գործակալություն» ՀԿ-ի և ֆինանսավորվում` Ավստրիական զարգացման և համագործակցության ծրագրային միավոր Ավստրիայի զարգացման գործակալության, Շվեյցարիայի զարգացման և համագործակցության գործակալության կողմից: Ծրագրի թիրախում են Շիրակի, Լոռու, Տավուշի և Գեղարքունիքի մարզերի 85.000 ընդհա-նուր բնակչությամբ 88 գյուղական բնակավայրերի անասնապահությամբ զբաղվող տնային տնտեսություններ, կաթի և մսի արժեշղթաների դերակատարներ և տեղական ինքնակառավարման մարմիններ:Լոռու մարզից ընտրված է 38 համայնք: Հաշվի են առնվել նրանց հեռավորությունը մարզկենտրոնից և համայնքներում առկա խնդիրները:
Կրթության, մշակույթի և սպորտի վարչությունը գնում է բոլոր դեպքերի հետքերով 30.10.2018
Լոռու մարզպետարանի կրթության, մշակույթի և սպորտի վարչությունը հատկապես վերջին շրջանում մի շարք դիմում-նամակներ է ստանում՝ ոլորտում առկա խնդիրների, նամակագիրների ներկայացմամբ՝ երբեմն նաև՝ անօրինականության ինչ-ինչ դրսևորումների վերբերյալ: Մարզպետի հանձնարարությամբ, դիմում-նամակների բովանդակությունից անկախ, մարզպետարանի համապատասխան ստորաբաժանման ներկայացուցիչները գնում են դեպքերի հետքերով, ուսումնասիրություններ իրականացնում, համապատասխան քայլեր են ձեռնարկվում:
